Yohane 3:28 - BIBELE Mahungu Lamanene

²⁸ N'wina hi n'wexe mi timbhoni ta mina leswaku ndzi te: ‘A hi mina Mesiya, kambe ndzi rhumiwile ku n'wi bulela ndlela.’

Testamente Leyimpsha Xichangana

²⁸ N'wina hi n'wexe mitimboni ta mina lesvaku nite; 'Ahi mina Mesiya, kambe nirhumiwile kumilulamisela ndlela.

Xitsonga (Bibele)

²⁸ N'wina mi timbhoni ta mina leswaku ndzi vurile ndzi ku: ‘A hi mina Kriste, kambe ndzi rhumiwile ku n'wi rhangela emahlweni.’

Yohane 3:28 Referans Kwoze

Yohane 1:20

A nga fihlanga, ú hlamurile a tiyisa swinene, a ku: “Mina, a hi mina Mesiya.”

Yohane 1:23

A ku: “Mina ndzi rito ra munhu la huwelelaka emananga a ku: ‘Lulamisani ndlela ya Hosi’, hilaha muprofeta Esaya a vuleke hakona.”

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Matewu 3:3

Yohane hi yena munhu loyi a nga vuriwa hi muprofeta Esaya, loko a te: “Rito ra munhu la huwelelaka emananga, ri ri: ‘Khulelani ndlela ya Hosi, mi lulamisa magondzo ya yona.’ ”

Yohane 1:25

Kutani va vutisa Yohane, va ku: “Leswi u nga riki Mesiya, u nga riki Eliya, u nga riki yena Muprofeta wa kona, hikwalaho ka yini u khuvula xana?”

Luka 1:76

Na wena xihlangi, u ta vuriwa muprofeta wa Loyi-a-nge-henhla-henhla, hikuva u ta rhangela Hosi emahlweni ku lunghisa ndlela ya yona,

Yohane 1:27

hi yena loyi a taka endzhaku ka mina, loyi swi nga ndzi faneriki ku ntshunxa ngoti ya tintanghu ta yena.”