Yohane 3:25 - BIBELE Mahungu Lamanene

²⁵ Kutani ku humelela ku kanetana exikarhi ka vadyondzisiwa va Yohane ni Muyuda un'wana, emhakeni ya swa ku basisiwa.

Testamente Leyimpsha Xichangana

²⁵ Kutani kuhumelela kukanetana xikarhi ka vajondzisiwa va Yohani ni Muyuda mun'we mayelanu ni mhaka ya kutibasisa.

Xitsonga (Bibele)

²⁵ Kutani ku humelela ku kanetana emhakeni ya ku tibasisa exikarhi ka vadyondzisiwa va Yohane ni Vayuda.

Yohane 3:25 Referans Kwoze

Yohane 2:6

Hi mhaka ya leswi Vayuda va toloveleke ku hlamba va tibasisa va nga si dya, tinkho ta maribye ta 6 a ti tikirhetiwile kwalaho, yin'wana ni yin'wana yi ri leyi tatiwaka hi makhuwana ya mune kumbe ntlhanu.

Vaheveru 6:2

ni dyondzo ehenhla ka ta ku tibasisa, ni ta ku tlhandleka vanhu emavoko, ni ta ku pfuka ka vafi, ni ta siku ra ku avanyisiwa ka makumu.

Matewu 3:11

Loko ndzi ri mina, ndzi mi khuvula hi mati hi ku ya hi ku hundzuka ka n'wina, kambe loyi a taka endzhaku ka mina, wa ndzi tlula hi matimba; a swi ndzi fanelanga ku n'wi hluvula tintanghu; hi yena la nga ta mi khuvula hi Moya lowo Kwetsima ni ndzilo.

1 Petro 3:21

Nkhuvulo wu yelana ni mhaka leyi; sweswi wa mi ponisa, ku nga ri hi ku susa thyaka emirini, kambe hi ku endla leswaku mi kombela ripfalo leri tengeke eka Xikwembu. Nkhuvulo wa mi ponisa hi mhaka ya ku pfuka ka Yesu Kriste eku feni,

Vaheveru 9:23

Loko swi ri tano, a swi fanerile leswaku swilo leswi swi fanisaka kunene swa le tilweni, swi basisiwa hi ndlela leyi; kambe swilo swa le tilweni hi swoxe, a swi fanele ku basisiwa hi magandzelo lama tlulaka walawo.

Vaheveru 9:10

kambe swo tirha eka swakudya, ni swakunwa, ni mikhuva leyo tala ya ku tibasisa, ni milawu ya swa miri leyi vekiweke, ku ko ku fika nkarhi wa ku ololoxa hinkwaswo.

Marka 7:8

“Mi tshika nawu wa Xikwembu, kambe mi namarhela mikhuva leyi mi yi kumeke eka vanhu ntsena.”