Yohane 3:17 - BIBELE Mahungu Lamanene

¹⁷ Xikwembu a xi rhumanga N'wana wa xona emisaveni ku ta avanyisa misava, kambe a ku ri ku endlela leswaku misava yi ta ponisiwa ha yena.

Testamente Leyimpsha Xichangana

¹⁷ Xikwembu axirhumelanga N'wana wa xona misaveni kutayavanyisa misava, kambe akuli kuyendlela lesvaku misava yitaponisiwa ha yena.

Xitsonga (Bibele)

¹⁷ Hikuva Xikwembu a xi rhumanga N'wana wa xona emisaveni ku ta avanyisa misava, kambe hileswaku misava yi ponisiwa ha yena.

Yohane 3:17 Referans Kwoze

1 Yohane 4:14

Na hina hi swi vonile, hi vuya hi tiyisa, leswaku Tatana ú rhumele N'wana ku va Muponisi wa misava.

Luka 19:10

hikuva N'wana-wa-Munhu ú tile ku ta lava ni ku ta ponisa lava lahlekeke.”

Yohane 6:57

Kukotisa leswi Tatana la hanyaka a ndzi rhumeke, na leswi mina ndzi hanyaka hikwalaho ka Tatana, hi mukhuva wolowo na yena la ndzi dyaka ú ta hanya hikwalaho ka mina.

Yohane 6:40

Tata wa mina ú lava leswaku un'wana ni un'wana la langutaka N'wana, a va a pfumela eka yena, a va ni vutomi lebyi nga heriki, kutani mina ndzi ta n'wi pfuxa hi siku ra makumu.”

Yohane 6:29

Yesu a va hlamula, a ku: “Ntirho wa Xikwembu hi lowu: Hileswaku mi pfumela eka Loyi xi n'wi rhumeke.”

Yohane 20:21

Yesu a engeta a ku ka vona: “Ku rhula a ku ve na n'wina! Tanihi leswi Tatana a ndzi rhumeke, na mina ndza mi rhuma.”

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Yohane 11:42

Mina ndzi swi tivile leswaku masiku hinkwawo wa ndzi yingisa, kambe ndzi vurile swilo leswi hikwalaho ka ntshungu lowu yimeke kwala, wu ta kala wu pfumela leswaku hi wena la ndzi rhumeke.”

Yohane 7:29

Mina ndza n'wi tiva, hikuva ndzi huma eka yena, naswona hi yena la ndzi rhumeke.”

Yohane 5:45

Mi nga anakanyi leswaku mina ndzi ta mi mangalela emahlweni ka Tatana; loyi a mi mangalelaka i Muxe, yena loyi mi nga veka ku tshemba ka n'wina eka yena.

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Yohane 8:42

Yesu a ku ka vona: “Loko Xikwembu a xi ri tata wa n'wina, a mi ta ndzi rhandza, hikuva mina sweswi ndzi nga kwala ndzi huma eka Xikwembu. A ndzi lo titisa, kambe ndzi rhumiwile hi xona.

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Yohane 17:8

hikuva ndzi va nyikile marito lawa u ndzi nyikeke wona; va ma amukerile, kutani va dyondzile hakunene leswaku ndzi huma eka wena, kutani va pfumerile leswaku ndzi rhumiwile hi wena.

Yohane 10:36

Kutani ke, hikwalaho ka yini mi ku: ‘U sandza Xikwembu’, hi mhaka ya leswi ndzi nga te: ‘Ndzi N'wana wa Xikwembu’ xana? Kasi hi mina loyi Tatana a nga n'wi hlawula ni ku n'wi rhuma emisaveni.

Yohane 5:36

Kambe vumbhoni lebyi ndzi nga na byona byi tlula bya Yohane, hikuva mintirho leyi Tatana a ndzi nyikeke leswaku ndzi yi hetisisa, yi nga yona mintirho leyi ndzi yi endlaka, hi yona leyi vekaka vumbhoni ehenhla ka mina, bya leswaku ndzi rhumiwile hi Tatana.

Yohane 17:21

ndzi navela leswaku hinkwavo va va un'we, ku fana ni leswi wena Tatana u nga ka mina, na mina ndzi nga ka wena, leswaku na vona va va eka hina, kutani misava yi ta pfumela leswaku u ndzi rhumile.

Yohane 5:38

Rito ra yena a ri akanga eka n'wina, hikuva a mi pfumeri eka loyi Tatana a n'wi rhumeke.

Matewu 1:23

“Maswivo, wanhwana ú ta tika, a veleka n'wana wa mufana; va ta n'wi thya vito ra ‘Emanuwele’ (hileswaku: ‘Xikwembu xi na hina’).”

Matewu 18:10

“Tilanguteleni leswaku mi nga sandzi un'wana wa lavatsongo lava; hikuva ndza mi byela leswaku tintsumi ta vona le matilweni ti tshama ti langutile mombo wa Tata wa mina la nge matilweni, masiku hinkwawo. [

Luka 9:56

Hikuva N'wana-wa-Munhu a nga tanga ku ta lovisa vanhu, kambe ku ta va ponisa.”] Kutani va ya emutini wun'wana.

Yohane 3:34

Loyi a rhumiweke hi Xikwembu, ú vula marito ya Xikwembu, hikuva Xikwembu a xi pimi loko xi nyika Moya wa xona.

Yohane 6:38

Hikuva ndzi xikile hi le tilweni, ku nga ri ku ta endla ku rhandza ka mina, kambe ku endla ku rhandza ka Loyi a ndzi rhumeke.

Yohane 8:11

A ku: “Na un'we a nga kona, Hosi.” Yesu a ku ka yena: “Na mina a ndzi ku avanyisi; famba, kutani u nga ha tlheli u dyoha.”]

Yohane 17:18

Tanihi leswi u ndzi rhumeke emisaveni, na mina ndzi va rhumile emisaveni.

Yohane 17:23

Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

Yohane 17:25

Tatana la lulameke, misava a yi ku tivanga, kambe mina ndzi ku tivile, kutani vanhu lava va swi tivile leswaku ndzi rhumiwile hi wena.

Matewu 18:11

Hikuva N'wana-wa-Munhu ú tile ku ta lava ni ku ta ponisa leswi lahlekeke.]