Yohane 21:22 - BIBELE Mahungu Lamanene

²² Yesu a ku ka yena: “Loko ndzi lava leswaku a tshama ndzi kondza ndzi vuya, swi nga va yini eka wena ke? Wena, ndzi landze!”

Testamente Leyimpsha Xichangana

²² Yesu aku ka yena: “Loko nilava lesvaku atshama nikondza nivuya, svingava yini ka wena ke? Wena, nilandze!”

Xitsonga (Bibele)

²² Yesu a ku eka yena: “Kungakuloko ndzi rhandza leswaku a tshama ndzi kondza ndzi vuya, ku nga va yini eka wena-ke? Wena ndzi landze.”

Yohane 21:22 Referans Kwoze

Marka 9:1

A engeta a ku ka vona: “Ndzi tiyisile ndzi ri ka n'wina, exikarhi ka lava nga kwala, ku ni van'wana lava nga ta ka va nga khumbiwi hi rifu, va nga si vona Mfumo wa Xikwembu wu ta hi matimba.”

Nhlavutelo 2:25

Ntsena khomelelani mi tiya eka leswi mi nga na swona, ku kondza ndzi ta.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Nhlavutelo 3:11

Ndzi ta ta ku nga ri khale. Khoma leswi u nga na swona u tiya, leswaku ku nga vi na loyi a nga ta ku tekela harhi ya wena.

Yakobo 5:7

Loko swi ri tano, vamakwerhu, lehisani timbilu, Hosi yi kondza yi ta. Vonani, murimi ú yimele mihandzu leyinene ya misava, a yi lehisela mbilu yi ko yi kuma mpfula yo sungula ni leyo hetelela.

1 Vakorinto 11:26

Hikuva minkarhi hinkwayo loko mi dya xinkwa lexi, ni loko mi nwela exinwelweni lexi, mi vula rifu ra Hosi, yi kondza yi ta.

Yohane 21:19

A a vurisa sweswo hi ku ringanisa rifu leri Petro a nga ta dzunisa Xikwembu ha rona. Loko Yesu a vurise sweswo, a ku ka yena: “Ndzi landze!”

Matewu 24:44

Hikokwalaho na n'wina, tshamani mi tilunghisile, hikuva N'wana-wa-Munhu ú ta ta enkarhini lowu mi nga wu ehleketiki.

Nhlavutelo 22:20

Yena loyi a tivisaka ntiyiso wa timhaka leti, ú ri: “Hakunene, ndza ta sweswi-sweswi.” Amen, tana Hosi Yesu!

Nhlavutelo 22:7

Yesu ú ri: “Vonani, ndza ta sweswi-sweswi. Ku katekile loyi a hlayisaka marito ya vuhlavuteli bya buku leyi.”

Nhlavutelo 1:7

Vonani, wa ta hi mapapa! Un'wana ni un'wana ú ta n'wi vona, ku katsa ni lava va n'wi dlayeke. Tinxaka hinkwato ta vanhu va misava ti ta ba nkosi ti rila hikwalaho ka yena, hakunene swi tano! Amen.

Matewu 25:31

“Siku N'wana-wa-Munhu a taka hi ku kwetsima ka yena, ni tintsumi hinkwato ti ri na yena, ú ta tshamisa exiluvelweni xa yena xo kwetsima.

Matewu 24:27

Hikuva kukotisa rihati loko ri hatima ku sukela evuxeni ku ya fika evupeladyambu, N'wana-wa-Munhu ú ta endlisa sweswo eku vuyeni ka yena.

Matewu 24:3

Kuteloko a tshamile eNtshaveni ya Mitlhwari, vadyondzisiwa va ta ka yena etlhelweni, va ku: “Hi byele, xana timhaka leti ti ta humelela rini xana? Xana xikombiso xa ku vuya ka wena ni xa ku hela ka minkarhi xi ta va xihi ke?”

Matewu 8:22

Yesu a ku ka yena. “Ndzi landze, kutani u tshika vafi, va lahla vafi va vona.”

Matewu 16:24

Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Yohane 21:21

Loko Petro a n'wi vonile, a ku ka Yesu: “Hosi, swi ta ku yini hi loyi ke?”

1 Vatesalonika 2:19

Xana hi kwihi ku langutela ka hina ni ku tsaka ka hina, hi yihi harhi ya ku hlula leyi hi nga ta tidzunisa ha yona emahlweni ka Hosi ya hina Yesu, siku a vuyaka ke? Xana a hi n'wina xana?

Yakobo 5:8

Na n'wina, lehisani timbilu mi tiyisela, hikuva ku ta ka Hosi ku kusuhi.