Yohane 20:30 - BIBELE Mahungu Lamanene

³⁰ Yesu ú endlile mahlori man'wana layo tala emahlweni ka vadyondzisiwa va yena, lama nga tsariwangiki ebukwini leyi.

Testamente Leyimpsha Xichangana

³⁰ Yesu ayendlile mahlori man'wana lawa yotala mahlweni ka vajondzisiwa va yena, lawa amatsaliwanga bukwini leyi.

Xitsonga (Bibele)

³⁰ Mahlori man'wana layo tala ma kona lama endliweke hi Yesu emahlweni ka vadyondzisiwa va yena, lama nga tsariwangiki ebukwini leyi.

Yohane 20:30 Referans Kwoze

Yohane 21:25

Ka ha ri ni timhaka tin'wana leto tala leti Yesu a nga ti endla; loko ti nga tsariwa ha yin'we-yin'we, a ndzi tshembi leswaku misava hinkwayo yona yi nga ringana tibuku leti a ti ta tsariwa.

1 Yohane 5:13

Timhaka leti, ndzi ti tsalele n'wina lava pfumelaka eka N'wana wa Xikwembu, mi ta tiva leswaku mi ni vutomi lebyi nga heriki.

1 Vakorinto 10:11

Swilo leswi swi va humelerile ku endla xitsundzuxo; naswona swi tsariwile leswaku na hina hi tsundzuxiwa ha swona, hina lava hi nga emasikwini ya ku hetelela ka minkarhi.

Varhoma 15:4

Hinkwaswo leswi tsariweke hi lava khale, swi tsariwile leswaku hi dyondza ha swona, ni leswaku hi va ni ku langutela, hikwalaho ka ku tiyisela ni ku chaveleriwa loku hi ku kumaka eMatsalweni.

Yohane 2:11

Mahlori lawa, hi wona layo sungula lawa Yesu a nga ma endla, loko a ri emutini wa Kana eGaleliya, a komba ku twala ka yena; kutani vadyondzisiwa va yena va pfumela eka yena.

Yohane 6:2

A ku ri ni ntshungu lowukulu lowu a wu famba na yena, hikuva a wu vona mahlori lawa a ma endleke hi ku horisa vavabyi.