Yohane 20:26 - BIBELE Mahungu Lamanene

²⁶ Loko ku hundzile masiku ya 8, vadyondzisiwa va tlhela va va kona endlwini. Tomasi na yena a a ri na vona. Yesu a ta, tinyangwa ti pfariwile, a yima exikarhi ka vona, a ku: “Ku rhula a ku ve na n'wina!”

Testamente Leyimpsha Xichangana

²⁶ Loko kuhundzile masiku ya ntlhanu ni manharhu, vajondzisiwa vatlhela vava kona ndlwini. Tomasi na yena aali na vona. Yesu ata, svipfalu asvipfaliwile, ayima xikarhi ka vona, aku: “Kurhula akuve na n'wina!”

Xitsonga (Bibele)

²⁶ Kuteloko ku hundzile masiku ya ntlhanu na manharhu, vadyondzisiwa a va ri kona endlwini, na yena Tomasi a a ri na vona. Yesu a ta, tinyangwa ti pfariwile, a yima exikarhi ka vona a ku: “Ku rhula a ku ve na n'wina!”

Yohane 20:26 Referans Kwoze

Yohane 20:19

Madyambu ya siku rero ra Sonto, tinyangwa ta laha vadyondzisiwa va hlengeletaneke kona a ti pfariwile, hikwalaho ka ku chava Vayuda. Yesu a fika, a yima exikarhi ka vona, kutani a ku ka vona: “Ku rhula a ku ve na n'wina!”

Yohane 20:21

Yesu a engeta a ku ka vona: “Ku rhula a ku ve na n'wina! Tanihi leswi Tatana a ndzi rhumeke, na mina ndza mi rhuma.”

Yohane 14:27

“Ndzi mi siyela ku rhula, ndzi mi nyika ku rhula ka mina. A ndzi mi nyiki hilaha misava yi nyikaka hakona. Timbilu ta n'wina ti nga karhateki, ti nga khomiwi hi ku chava.

Luka 9:28

A swi lava ku ringana masiku ya 8 endzhaku ka loko Yesu a vurile marito lawa. Kutani a teka Petro, na Yohane, na Yakobo, a tlhandlukela entshaveni ku ya khongela.

Matewu 17:1

Loko ku hundzile masiku ya 6, Yesu a teka va Petro na Yakobo na Yohane makwa Yakobo, a ya na vona entshaveni leyo leha va ri voxe.

Esaya 54:10

Tintshava ni switsunga swi nga ha suka swi nyamalala, kambe tintswalo ta mina leto tshembeka ti nge suki eka wena; ntwanano wa mina wa ku rhula, ku hava loyi a nga wu herisaka. Ndzi vurisa sweswo, mina HOSI, Xikwembu lexi xi ku twelaka vusiwana.”

Esaya 26:12

We HOSI, u ta hi tisela ku rhula, hikuva hinkwaswo leswi hi koteke ku swi endla, hi swi endlile hi matimba ya wena.

Esaya 27:5

kambe loko swi tsakela leswaku ndzi swi sirhelela, a swi twanane na mina, swi endla xinakulobye na mina.”

Marka 16:14

Eku heteleleni, Yesu a tikomba eka lava khume na un'we loko va ri eku dyeni; kutani a va sola hi leswi a va kala ku pfumela ni leswi a va ri ni timbilu to nonon'hwa, hikuva a va nga pfumelanga lava va n'wi voneke loko a pfukile eku feni.

Luka 24:36

Va ku va ha vulavula, Yesu a yima exikarhi ka vona, yena hi xiviri, kutani a ku ka vona: “Ku rhula a ku ve na n'wina!”

Yohane 11:16

Tomasi loyi a vuriwaka “Hahla”, a ku ka vadyondzisiwa-kulobye: “A hi yeni na hina, leswaku hi ya fa na yena.”

Yohane 21:1

Endzhaku ka sweswo Yesu a tlhela a tikomba eka vadyondzisiwa va yena kusuhi ni lwandle ra Tiberiyasi; ú tikombile hi ndlela leyi:

Yohane 21:14

Ku tikomba loku ka Yesu eka vadyondzisiwa va yena, a ku ri ka vunharhu, endzhaku ka loko a pfukile eku feni.

Timhaka 1:3

Endzhaku ka loko a twisiwe ku vaviseka, ú tikombile eka vona a ri loyi a hanyaka, hi swikombiso leswo tala leswi khorwisaka; ú voniwile hi vona, hi masiku ya 40, a ri karhi a vulavula na vona hi ta Mfumo wa Xikwembu.