Yohane 20:25 - BIBELE Mahungu Lamanene

²⁵ Kutani vadyondzisiwa lava van'wana va ku ka yena: “Hi vonile Hosi.” Yena a ku ka vona: “Loko ndzi nga voni timbanga ta timhingu eswandleni swa yena, ni loko ndzi nga nghenisi ritiho ra mina etimbangeni ta timhingu, ndzi nghenisa ni xandla etsheveni ra yena, ndzi nga ka ndzi nga pfumeri.”

Testamente Leyimpsha Xichangana

²⁵ Kutani vajondzisiwa lava van'wana vaku ka yena: “Hivonile Hosi.” Yena aku ka vona: “Loko ningavoni timbanga ta svipikirhi sviyandleni sva yena, ni loko ninganghenisi ritiho ra mina timbangeni ta svipikirhi, ninghenisa ni xiyandla rheveni ra yena, ningakala ningapfumeli.”

Xitsonga (Bibele)

²⁵ Kutani vadyondzisiwa van'wana va ku eka yena: “Hi vonile Hosi.” Kambe a ku eka vona: “Kungakuloko ndzi nga voni timbanga ta timhingu emavokweni ya yena, ni loko ndzi nga nghenisi ritiho ranga etimbangeni ta timhingu, ndzi nghenisa ni voko etsheveni ra yena, ndzi nga ka ndzi nga pfumeri.”

Yohane 20:25 Referans Kwoze

Yohane 6:30

Kutani va ku ka yena: “Loko swi ri tano, xana u endla mahlori wahi hi ma vona, leswaku hi ta pfumela eka wena, xana? U endla ntirho wihi xana?

Marka 16:11

loko vona va twa leswaku Yesu wa hanya, ni leswaku ú voniwile hi Mariya, a va swi kholwanga.

Vaheveru 3:18

Kutani Xikwembu xi hlambanyele vamani leswaku “va nga ka va nga ngheni eku wiseni ka xona” xana? Xana a xi nga vuli vona lava a va tiarisa xana?

Vaheveru 3:12

Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

Yohane 21:7

Kutani mudyondzisiwa loyi Yesu a a n'wi rhandza a ku ka Petro: “I Hosi!” Loko Simoni a twile leswaku i Hosi, a ambala nguvu ya yena, hikuva a a yi hluvurile, kutani a bvun'wala elwandle.

Yohane 1:41

Ú rhangile a kuma Simoni makwavo wa yena, kutani a ku ka yena: “Hi kumile Mesiya” (hileswaku Kriste, Mutotiwa).

Luka 24:25

Kutani a ku ka vona: “Yo! vanhu lava nga twisisiki, va timbilu leti hlwelaka ku kholwa hinkwaswo leswi vuriweke hi vaprofeta!

Matewu 27:42

“U ponisile van'wana, kambe wa tsandzeka ku tiponisa! A hi ku, hi yena Hosi ya Israele. A a xike sweswi exihambanweni, hi ta pfumela eka yena.

Pisalema 78:32

Hinkwaswo leswi a swi va sivelanga ku dyoha; hambiloko Xikwembu xi va kombile leswo hlamarisa, a va xi tshembanga.

Ntirho 9:16

Loko ndzo vitana Xikwembu, kutani xi ndzi hlamula, ndzi nge tshembi leswaku xi ndzi yingisile.

Pisalema 22:16

Ntshungu wa lavo homboloka wu ndzi rhendzele kukota timbyana, wu ndzi handzulele milenge ni mavoko.

Marka 16:13

Vona va tlhela, va ya rungulela lavan'wana, kambe na vona lava a va va kholwanga.

Marka 16:14

Eku heteleleni, Yesu a tikomba eka lava khume na un'we loko va ri eku dyeni; kutani a va sola hi leswi a va kala ku pfumela ni leswi a va ri ni timbilu to nonon'hwa, hikuva a va nga pfumelanga lava va n'wi voneke loko a pfukile eku feni.

Yohane 20:27

Kutani a ku ka Tomasi: “Tisa ritiho ra wena la, u languta ni, swandla swa mina; tshambuluta xandla xa wena, u xi nghenisa etsheveni ra mina; u nga ha kanakani, kambe pfumela!”