Yohane 20:24 - BIBELE Mahungu Lamanene

²⁴ Tomasi, loyi va nge i “Hahla”, un'wana wa lava khume na vambirhi, a a nga ri na vona loko Yesu a tile.

Testamente Leyimpsha Xichangana

²⁴ Tomasi, lweyi vange i “Hahla”, mun'we wa lava va khume ni vambirhi, aangali na vona loko Yesu atile.

Xitsonga (Bibele)

²⁴ Kambe Tomasi, loyi va nge i Didima, un'wana wa lava khume na vambirhi, a a nga ri na vona loko Yesu a ta.

Yohane 20:24 Referans Kwoze

Yohane 11:16

Tomasi loyi a vuriwaka “Hahla”, a ku ka vadyondzisiwa-kulobye: “A hi yeni na hina, leswaku hi ya fa na yena.”

Vaheveru 10:25

Hi nga tshiki ku hlengeletana, kukota leswi van'wana va toloveleke ku endla swona, kambe hi khongotelana, ngopfu-ngopfu leswi mi vonaka leswaku siku ra Hosi ri ya ri tshinela.

Yohane 21:2

Simoni Petro, na Tomasi loyi va nge i “Hahla”, na Nataniele wa Kana etikweni ra Galeliya, ni vana va Zebediya, ni vadyondzisiwa vambirhi van'wana va Yesu, a va ri swin'we.

Yohane 14:5

Tomasi a ku ka yena: “Hosi, laha u yaka kona a hi ku tivi; ni ndlela ya kona hi nga yi tivisa ku yini xana?”

Matewu 10:3

Filipi na Bartolomi; Tomasi na Matewu muluvisi; Yakobo, n'wana Alfiya, na Tadiya;

Matewu 18:20

Hikuva laha vambirhi kumbe vanharhu va hlengeletaneke kona hi vito ra mina, na mina ndzi kona exikarhi ka vona.”

Yohane 6:70

Yesu a va hlamula, a ku: “Xana a hi mina ndzi nga mi hlawula, n'wina lava khume na vambirhi? Kasi un'wana wa n'wina i nala!”

Yohane 6:71

A a vula Yudasi, n'wana Simoni Iskariyota, hikuva hi yena loyi a a tiyimisele ku n'wi xenga, hambileswi a a ri un'wana wa lava khume na vambirhi.