Yohane 20:14 - BIBELE Mahungu Lamanene

¹⁴ Loko a vurise sweswo, a hundzuluka, kutani a vona Yesu a yimile, kambe a nga swi tivanga leswaku i Yesu.

Testamente Leyimpsha Xichangana

¹⁴ Loko avulise svosvo, ahundzuluka, kutani avona Yesu na ayimile, kambe angasvitivanga lesvaku i Yesu.

Xitsonga (Bibele)

¹⁴ Kuteloko a vurile sweswo, a hundzuluka, a vona Yesu a yimile; kambe a nga n'wi tivanga leswaku i Yesu.

Yohane 20:14 Referans Kwoze

Yohane 21:4

Loko ri sungula ku xa, Yesu a a yimile eribuwini, kambe vadyondzisiwa a va tivanga leswaku i Yesu.

Luka 24:16

Kambe mahlo ya vona a ma siveriwa, va nga n'wi tivi.

Marka 16:9

Loko Yesu a pfukile eku feni, empundzwini wa siku lero sungula ra vhiki, a rhanga a tikomba eka Mariya wa Magadala, a nga wansati loyi Yesu a a hlongorile mademona ya 7 eka yena.

Matewu 28:9

Hi nomu lo Yesu a va hlanganisa, u ku: “Avuxeni!” Vona va tshinelela va khoma milenge ya yena va n'wi nkhinsamela.

Yohane 8:59

Kutani va rhola maribye ku n'wi hoxetela, kambe Yesu a tumbela, kutani a huma eTempeleni.

Luka 24:31

Hiloko mahlo ya vona ma pfuleka, kutani va n'wi tiva; kambe yena a va siya a nyamalala.

Marka 16:12

Endzhaku ka swona, a tikomba hi xivumbeko xin'wana eka vambirhi va vona, loko va ri endleleni va timukela.

Luka 4:30

Kambe yena a hundza hi le xikarhi ka vona, a tifambela.

Genesa 42:8

Hi mukhuva lowu, Yosefa a tiva vamakwavo, kambe vona va nga n'wi tivi.