Yohane 2:19 - BIBELE Mahungu Lamanene

¹⁹ Yesu a va hlamula, a ku: “Hindzimuxani Tempele leyi, kutani mina ndzi ta yi pfuxa hi masiku manharhu.”

Testamente Leyimpsha Xichangana

¹⁹ Yesu avahlamula aku: “Hahlulani Tempele leyi, kutani mina nitayipfuxa hi masiku manharhu.”

Xitsonga (Bibele)

¹⁹ Yesu a va hlamula, a ku: “Hahlulani tempele leyi, ndzi ta yi pfuxa hi masiku manharhu.”

Yohane 2:19 Referans Kwoze

Marka 14:58

“Hi n'wi twile, a ku: ‘Ndzi ta nhlanhla Tempele leyi yo akiwa hi mavoko, kutani endzhaku ka masiku manharhu ndzi ta tlhela ndzi yimisa yin'wana leyi nga akiwangiki hi mavoko.’ ”

Marka 15:29

Vahundzi va ndlela va n'wi rhuketela, va hlakahla tinhloko va ku: “Ha! Wena la nhlanhlaka Tempele, u tlhela u yi pfuxa hi masiku manharhu,

Matewu 27:40

“Wena la nhlanhlaka Tempele, u ku u ta yi pfuxa hi masiku manharhu, tiponise ke, u xika la xihambanweni, loko u ri N'wana wa Xikwembu!”

Matewu 12:40

Hikuva hilaha Yonasi a heteke hakona masiku manharhu ni vusiku bya kona ekhwirini ra nhlampfi leyikulu, N'wana-wa-Munhu na yena ú ta heta masiku manharhu ni vusiku bya kona emarhumbyini ya misava.

Varhoma 8:11

Kutani loko Moya wa Xikwembu lexi nga pfuxa Yesu exikarhi ka vafi wu akile eka n'wina, yena loyi a pfuxeke Kriste exikarhi ka vafi, ú ta hanyisa miri wa n'wina wa ku fa, hi Moya wa yena lowu akeke eka n'wina.

Timhaka 3:15

kutani mi dlaya munyiki wa vutomi; kambe Xikwembu xi n'wi pfuxile eku feni; hina hi timbhoni ta swona.

Timhaka 2:32

“Hi yena Yesu loyi Xikwembu xi nga n'wi pfuxa eku feni, kutani hinkwerhu hi timbhoni ta mhaka leyi.

Timhaka 2:24

Kambe Xikwembu xi n'wi pfuxile eku feni, xi n'wi ntshunxa eku vavisekeni ka rifu, hikuva a swi nga endleki leswaku a bohiwa ha rona.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Varhoma 6:4

Loko swi ri tano, hi ku khuvuleriwa ku fa ka yena, hi lahliwile na yena, leswaku kukotisa leswi Kriste a pfuxiweke exikarhi ka vafi, hi matimba yo kwetsima ya Tatana, na hina hi ta hanya hi mukhuva lowunthswa.

Yohane 11:25

Yesu a ku ka yena: “Hi mina ku pfuka ni vutomi; la pfumelaka ka mina, hambi a nga fa, ú ta hanya,

Marka 8:31

Kutani Yesu a sungula ku va dyondzisa a ku: “N'wana-wa-Munhu ú ta fanela ku twisiwa ku vaviseka lokukulu, a soriwa hi vakulukumba, ni vaprista lavakulu, ni vatsari; ú ta dlawa, a tlhela a pfuka hi siku ra vunharhu.”

Vakolosa 2:12

Hi ku khuvuriwa, mi lahliwile esirheni swin'we na yena, mi tlhela mi pfuxiwa eku feni swin'we na yena, hi ku pfumela leswaku i matimba ya Xikwembu lama nga n'wi pfuxa exikarhi ka vafi.

1 Vakorinto 15:12

Loko ku dyondzisiwa leswaku Kriste ú pfuxiwile eku feni, swi endlisa ku yini leswaku van'wana exikarhi ka n'wina va ku, ku hava ku pfuka ka vafi, xana?

Varhoma 4:24

kambe ma kongoma na hina; hi ta hlayiwa sweswo na hina, hi mhaka ya leswi hi pfumelaka eka yena Loyi a pfuxeke Yesu Hosi ya hina exikarhi ka vafi.

Timhaka 3:26

Loko Xikwembu xi rhumerile nandza wa xona, xi n'wi humesile hi le ka n'wina eku sunguleni leswaku a mi katekisa hi ku hundzuluxa un'wana ni un'wana wa n'wina emikhuveni ya yena leyo biha.”

Yohane 5:19

Kutani Yesu a ku ka vona: “Ndzi tiyisisile ndzi ri ka n'wina, N'wana a nga ka a nga tisunguleli a endla xilo hi yexe; ú endla ntsena lexi a xi voneke xi endliwa hi Tata wa yena; hinkwaswo leswi Tatana a swi endlaka, na yena N'wana wa swi endla.

Matewu 27:63

“Hosi, ha ha tsundzuka leswaku muxisi loyi, loko a ha hanya, ú te: ‘Endzhaku ka masiku manharhu, ndzi ta pfuka eku feni.’

Matewu 16:21

Ku sukela nkarhini wolowo Yesu a sungula ku tivisa vadyondzisiwa va yena leswaku ú fanele ku ya eYerusalema, a twisiwa ku vaviseka lokukulu hi vakulukumba ni vaprista lavakulu ni vatsari, a dlawa, a tlhela a pfuka eku feni hi siku ra vunharhu.

Timhaka 6:14

hikuva hi n'wi twile loko a vula leswaku Yesu loyi wa Nazareta ú ta lovisa xivandla lexi, a hundzuluxa ni mikhuva leyi hi nga nyikiwa hi Muxe.”