Yohane 19:4 - BIBELE Mahungu Lamanene

⁴ Pilato a engeta a huma, a ku ka Vayuda: “Vonani, ndzi mi humesela yena, mi ta tiva leswaku a ndzi kumi nandzu ni wun'we eka yena.”

Testamente Leyimpsha Xichangana

⁴ Pilato atlhela ahuma, aku ka Vayuda: “Vonani, nimihumesela yena, mitativa lesvaku anikumi nandzu niwun'we ka yena”

Xitsonga (Bibele)

⁴ Pilato a engeta a humela ehandle, a ku eka vona: “Vonani, ndzi n'wi humesile ehandle eka n'wina, mi ta tiva leswaku a ndzi kumi nandzu eka yena hambi wu ri wun'we.”

Yohane 19:4 Referans Kwoze

Yohane 19:6

Loko vaprista lavakulu ni malandza va n'wi vona, va huwelela, va ku: “N'wi vambe! N'wi vambe!” Pilato a ku ka vona: “N'wi tekeni, n'wina hi n'wexe, mi ya n'wi vamba; hikuva mina a ndzi kumi nandzu eka yena.”

Yohane 18:38

Pilato a ku ka yena: “Ntiyiso i ncini?” Loko a vurisile sweswo, a huma kambe a ya eka Vayuda, a ku ka vona: “A ndzi voni nandzu ni wun'we eka yena.

Luka 23:4

Kavaloko Pilato a ku ka vaprista lavakulu ni ka ntshungu: “A ndzi kumi nandzu eka munhu loyi.”

Luka 23:47

Loko ndhuna ya dzana ra masocha yi vonile leswi humeleleke, yi dzunisa Xikwembu, yi ku: “Hakunene munhu loyi a a lulamile.”

1 Yohane 3:5

Ma swi tiva leswaku Kriste ú humelele ku ta susa swidyoho, kutani eka yena ku hava ku dyoha.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

1 Petro 2:22

A nga dyohanga nchumu, a nga vulanga swo kanganyisa van'wana.

1 Petro 1:19

kambe hi ngati ya nkoka ya Kriste, leyi fanaka ni ya xinyimpfana lexi nga riki na vulema kumbe xivati.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Luka 23:41

Loko hi ri hina, swi hi fanerile, hikuva hi amukela leswi fanekelaka swiendlo swa hina; kambe loyi, a nga endlanga nchumu xo biha.”

Matewu 27:54

Loko ndhuna ya dzana ra masocha ni lava a va ri na yona ku rindza Yesu, va vona ku tsekatseka ka misava ni leswi humeleleke, va chava ngopfu, va ku: “Hakunene munhu loyi a a ri N'wana wa Xikwembu.”

Matewu 27:24

Loko Pilato a vona leswaku a nga ha pfuni nchumu, ni leswaku dzolonga ri ya ri kula, a teka mati, a hlamba mandla emahlweni ka ntshungu, a ku: “A ndzi na nandzu wa rifu ra munhu loyi, swi voneni mi ri n'wina.”

Matewu 27:19

Kuteloko Pilato a tshamile exitshan'wini xa ku avanyisa, nsati wa yena a rhumela rito eka yena, a ku: “U nga tshuki u nghena emhakeni ya munhu yoloye wo lulama, hikuva matolo ndzi vavisekile ngopfu enorhweni hikwalaho ka yena.”

Matewu 27:4

a ku ka vona: “Ndzi dyohile hi ku xenga munhu la nga riki na nandzu.” Va ku: “Ku yini ka swona eka hina ke? Swi vone wena hi wexe sweswo.”

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Yohane 18:33

Pilato a tlhela a nghena endlwini ya vuhosi, a vitana Yesu, a ku ka yena: “Xana hi wena hosi ya Vayuda ke?”