Yohane 19:29 - BIBELE Mahungu Lamanene

²⁹ Mbita leyi a yi tele hi ntsuvi a yi vekiwile kwalaho, kutani va peta xiponji xi tala hi ntsuvi, va xi tlhoma erihlangeni ra hisopa, va yisa enon'weni wa yena.

Testamente Leyimpsha Xichangana

²⁹ Mbita leyi ayitele hi ntsuvi ayivekiwile kolaho, kutani vapeta xiponjhi xitala hi ntsuvi, vaxitlhoma ka rihlanga ra nsinya wa hisopa, vayisa non'weni wa yena.

Xitsonga (Bibele)

²⁹ Mbita leyi teleke hi ntsuvi a yi ri kwalaho, kutani va tata xikhuvi hi ntsuvi, va xi tlhoma enhongeni ya hisopa, va xi yisa enon'wini wa yena.

Yohane 19:29 Referans Kwoze

Tinhlayo 19:18

Kutani munhu loyi a tengeke ú ta lava rhavi ra ximudyana xa hisopa, a ri peta ematini lawa, a xuva ntsonga ni swingolongondzwana, a xuva ni vanhu lava a va ri kwala ndzeni ka ntsonga. Loko munhu a khumbile rhambu ra munhu wo fa, kumbe ntsumbu wa loyi a dlayiweke kumbe loyi a ngo lo tifela, ni loko a khumbile sirha, na yena ú ta xuviwa hi ndlela yoleyo.

Luka 23:36

Na wona masocha a ma n'wi tseketsela, ma tshinela kusuhi, ma n'wi nyika ntsuvi,

Marka 15:36

Un'wana a tsutsuma, a ya peta xiponji endzeni ka ntsuvi, a xi tlhoma erihlangeni, a n'wi nyika leswaku a nwa, a ku: “Tshikani, hi ta vona loko kunene Eliya a ta ta, a ta n'wi hawula.”

Matewu 27:48

Kan'we-kan'we un'wana wa vona a tsutsuma, a ya teka xiponji, a xi peta endzeni ka ntsuvi, kutani a xi tlhoma erihlangeni, a n'wi nyika leswaku a nwa.

Eksoda 12:22

Tshovani rhavi ra ximudyana xa hisopa, mi ri peta enkambanini lowu nga ni ngati ya xifuwo, kutani mi xuva ha yona marimba ya rivanti, ematlhelo ni le henhla; naswona ku nga tshuki ku va na un'we wa n'wina loyi a humaka endlwini ya yena ku kondza ri xa.

Pisalema 51:7

Ndzi xuve hi xitluka xa murhi wa hisopa, kutani ndzi ta va la tengeke, ndzi hlantswe, ndzi ta basa ku tlula ni gamboko.

Matewu 27:34

va n'wi nyika vhinyo leyi pfanganyisiweke ni nyongwa leswaku a nwa; kambe loko a nantswile, a ala ku yi nwa.

1 TIHOSI 4:33

Ú hlamuserile ta misinya, ku sukela eka leyikulu tanihi mirhi ya kedari ya le Lebanoni, ku fikela eka leyitsongo yo fana ni swimidyana swa hisopa leswi milaka emakhumbini; naswona ú hlamuserile ta swiharhi ni swinyanyana, ni swikokovi, ni tinhlampfi.

Matewu 27:50

Kavaloko Yesu a engeta a huwelela hi rito leri tlakukeke, kutani a hlala a fa.