Yohane 18:37 - BIBELE Mahungu Lamanene

³⁷ Pilato a ku ka yena: “Hikokwalaho, u hosi, a hi swona ke?” Yesu a hlamula, a ku: “Ku vula wena leswaku ndzi hosi. Leswi ndzi velekeriweke swona ni leswi ndzi nga tela swona laha misaveni, i ku ta ndzi ta veka vumbhoni ehenhla ka ntiyiso. Un'wana ni un'wana la nga wa ntiyiso, ú yingisa rito ra mina.”

Testamente Leyimpsha Xichangana

³⁷ Pilato aku ka yena: “Hikolaho, u hosi, ahi svona ke?” Yesu ahlamula, aku: “Kuvula wena lesvaku ni Hosi. Lesvi nipsaleliweleke svona ni lesvi ningatela svona laha misaveni, i kuta nitaveka vumboni henhla ka ntiyiso. Mani na mani lweyi anga wa ntiyiso, ayingisa rito ra mina.”

Xitsonga (Bibele)

³⁷ Kambe Pilato a ku eka yena: “Xana kunene u hosi-ke?” Yesu a n'wi hlamula, a ku: “Wa vurisa, ndzi Hosi; ndzi tswaleriwe byona vuhosi, kutani ndzi tele byona emisaveni, ndzi ta va mbhoni ya ntiyiso. Un'wana ni un'wana la nga wa ntiyiso, u yingisa rito ra mina.”

Yohane 18:37 Referans Kwoze

Yohane 8:47

Loyi a humaka eka Xikwembu ú yingisa marito ya Xikwembu; kambe n'wina a mi yingisi, hikuva a mi humi eka Xikwembu.”

1 Yohane 4:6

Hina hi va Xikwembu. Un'wana ni un'wana la tivaka Xikwembu, wa hi yingisa, kasi loyi a nga riki wa Xikwembu, a nga hi yingisi. Hikwalaho ka leswi, hi tiva ku hambana exikarhi ka Moya wa ntiyiso ni moya wa mavunwa.

Yohane 8:14

Yesu a va hlamula, a ku: “Na loko ndzi tihumesela vumbhoni, vumbhoni bya mina byi tiyile, hikuva ndzi tiva lomu ndzi humaka kona, ni lomu ndzi yaka kona; kambe n'wina a mi tivi lomu ndzi humaka kona, ni lomu ndzi yaka kona a mi ku tivi.

1 Yohane 3:19

Kutani, ndlela ya ku hi khorwisa leswaku hi vanhu va ntiyiso, ni ya ku tiyisa ripfalo ra hina emahlweni ka Xikwembu hi leyi:

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Esaya 55:4

Ndzi vekile Davhida ku va mbhoni ya mina exikarhi ka vanhu van'wana, a va mufumi ni mulawuri wa vona.

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

1 Timotiya 6:13

Emahlweni ka Xikwembu lexi nyikaka vutomi eka swilo hinkwaswo, ni le mahlweni ka Kriste Yesu loyi a vekeke vumbhoni lebyinene emahlweni ka Pontiyo Pilato, ndza ku lerisa ndzi ri:

Luka 23:3

Hiloko Pilato a n'wi vutisa, a ku: “Xana u hosi ya Vayuda ke?” A n'wi hlamula, a ku: “U vula swona!”

Marka 15:2

Pilato yena a n'wi vutisa, a ku: “Xana u hosi ya Vayuda ke?” A hlamula a ku ka yena: “U vula swona.”

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Yohane 3:32

Yena ú vula vumbhoni bya leswi a swi voneke ni ku swi twa, kambe a ku na loyi a amukelaka vumbhoni bya yena.

Matewu 26:64

Yesu a n'wi hlamula a ku: “Leswi u vulaku ke! Ntsena ndza mi byela ndzi ku: “ ‘Ku sukela sweswi, mi ta vona N'wana-wa-Munhu a tshamile evokweni ra xinene ra Loyi a nga ni matimba hinkwawo, mi n'wi vona a ta hi mapapa ya le tilweni.’ ”

Matewu 27:11

Yesu a yimisiwa emahlweni ka hosi; kutani yona yi n'wi vutisa, yi ku: “Xana u hosi ya Vayuda ke?” Yesu a ku ka yona: “U vula swona!”

Nhlavutelo 3:14

“Tsalela ni ntsumi ya kereke ya le Lawodikiya, u ku: “ ‘Marito ya loyi a nga Amen, mbhoni leyi tshembekeke ya ntiyiso, masungulo ya leswi tumbuluxiweke hi Xikwembu, hi lawa:

Nhlavutelo 1:4

Mina Yohane ndzi tsalela tikereke ta 7 leti nge tikweni ra Asiya, ndzi ri: Tintswalo ni ku rhula a swi ve na n'wina, swi huma eka loyi a nga kona, loyi a a ri kona, loyi a taka; swi huma ni le ka mimoya ya 7 leyi nga mahlweni ka xiluvelo xa yena,

1 Yohane 3:14

Ha swi tiva leswaku hi humile eku feni ku ya nghena evutomini, hikuva hi rhandza vamakwerhu. Loyi a nga riki na rirhandzu, ú tshama eku feni.

Luka 22:70

Hinkwavo va n'wi hlamula va ku: “Xana hileswaku u N'wana wa Xikwembu ke?” A ku ka vona: “Ma vula leswaku ndzi yena.”

Marka 14:62

Yesu a ku: “Hi mina! “ ‘Kutani mi ta vona N'wana-wa-Munhu a tshamile evokweni ra xinene ra Loyi a nga ni matimba hinkwawo, mi n'wi vona a ta hi mapapa ya le tilweni.’ ”

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Yohane 8:45

Kambe mina ndzi vulavula ntiyiso, kutani hi swo swi endlaka leswaku mi nga ndzi pfumeli.

Yohane 8:46

I mani eka n'wina la nga kombaka xidyoho xa mina xana? Loko ndzi vulavula ntiyiso, hikwalaho ka yini mi nga ndzi pfumeli?

1 Yohane 2:21

Ndza mi tsalela, ku nga ri hi mhaka ya leswi mi nga tiviki ntiyiso, kambe hi mhaka ya leswi mi wu tivaka, ni ku tiva leswaku ku hava vunwa lebyi humaka entiyisweni.