Yohane 18:1 - BIBELE Mahungu Lamanene

¹ Loko Yesu a vurile marito lawa, a huma ni vadyondzisiwa va yena, a pelela entsungeni wa xinambyana xa Kedroni. A ku ri ni ntanga kwalaho, kutani a ya nghena kona ni vadyondzisiwa va yena.

Testamente Leyimpsha Xichangana

¹ Loko Yesu avulile marito lawa, ahuma ni vajondzisiwa va yena, apelela xinkovanini xa xinambzana xa Kedroni. Akuli ni ntanga kolaho, kutani ayanghena kona ni vajondzisiwa va yena.

Xitsonga (Bibele)

¹ Kuteloko Yesu a vulavurile timhaka teto, a huma ni vadyondzisiwa va yena, a pelela entsungeni wa xinambyana xa Kedroni, laha nsimu ingi yi ri kona; a ya nghena kona ni vadyondzisiwa va yena.

Yohane 18:1 Referans Kwoze

Marka 14:32

Hiloko va ya exivandleni lexi vuriwaka Getsemani; kutani Yesu a ku ka vadyondzisiwa va yena: “Tshamani kwala, ndza ha ya ndzi ya khongela.”

Matewu 26:36

Hiloko Yesu a ya ni vadyondzisiwa exivandleni lexi vuriwaka Getsemani, kutani a ku ka vona: “Tshamani kwala, ndza ha ya lahaya, ndzi ya khongela.”

2 SAMIELE 15:23

Vaaki hinkwavo va tiko va rila swinene, loko va vona masocha hinkwawo ma ri karhi ma hundza. Hosi Davhida na yena a pela xinkobyana xa Kedroni kutani masocha ma hundza hinkwawo ma kongoma emananga.

Yohane 18:26

Un'wana wa mahlonga ya Muprista lonkulu, xaka ra loyi Petro a n'wi tsemeke ndleve, a ku: “Xana a ndzi ku vonanga wena entangeni u ri na yena ke?”

Yohane 14:31

Hinkwaswo leswi, swi lava ku komba misava leswaku ndzi rhandza Tatana, ni leswaku ndzi tirha hilaha Tatana a ndzi leriseke hakona. Sukani mi yima, a hi fambeni hi suka la!

Yeremiya 31:40

Tindhawu leti landzelaka ti ta nyiketiwa eka HOSI Xikwembu: Nkova hinkwawo wa mintsumbu ni minkuma, ni masimu hinkwawo ku ya fika exinambyaneni xa Kidroni ni le ka ‘Nyangwa-ya-Tihanci’ hi tlhelo ra le vuxeni. Muti wa Yerusalema a wu nga ha hlaseriwi kumbe ku herisiwa, hilaha ku nga heriki.”

2 TIKRONIKA 30:14

kutani va rhanga hi ku susa tialitari hinkwato ta magandzelo ya nyama ni ta mirhi ya risuna leti a ti akiwile emutini, va ya ti cukumeta enkoveni wa Kedroni.

2 TIKRONIKA 15:16

Hosi Asa a hlongola kokwa wa yena Maaka etifanelweni ta yena ta vunkosikazi, hikuva a a ri ni xifaniso xa manyala lexi a xi vumberiwile Axera xikwembukazi; Asa a wisa xifaniso lexi, a xi fayetela, a ya xi hisa exinkobyaneni xa Kedroni.

2 TIHOSI 23:12

Yosiyasi a hindzimuxa tialitari ta le lwangwini ra yindlu ya xithezi ya Akazi, leti a ti akiwile hi tihosi ta Yuda, a hindzimuxa ni tialitari leti akiweke hi Manase eswivaveni swimbirhi swa yindlu ya HOSI Xikwembu, a ti fayetela kwalaho, a cukumeta maribye ya kona enkoveni wa Kidroni.

2 TIHOSI 23:6

A humesa mhandze ya Axera xikwembukazi endlwini ya HOSI Xikwembu, a yi yisa ehandle ka muti wa Yerusalema enkoveni wa Kidroni, a yi hisela kona; a kandziyela nkuma wa yona a ya wu halata eswilahlweni swa vanhu lava nga riki tihosi.

1 TIHOSI 15:13

Tlhandlakambirhi, a hlongola kokwa wa yena Maaka etifanelweni ta vunkosikazi bya tiko, hikuva a a ri ni xifaniso xa manyala lexi a xi vumberiwile Axera xikwembukazi. Asa a susa xifaniso lexi, a ya xi hisa exinkobyaneni xa Kedroni.

Genesa 3:23

Hikokwalaho, HOSI Xikwembu xi humesa munhu entangeni wa Edeni, leswaku a ya rima misava leyi a vumbiweke ha yona.

Marka 14:26

Kuteloko va yimbelerile risimu, va ya eNtshaveni ya Mitlhwari.

Matewu 26:30

Kuteloko va yimbelerile risimu, va ya eNtshaveni ya Mitlhwari.

Genesa 2:15

HOSI Xikwembu xi teka munhu xi n'wi veka entangeni wa Edeni, leswaku a ta wu rima ni ku wu hlayisa.

1 TIHOSI 2:37

Siku u nga ta suka eka yona, u tsemakanya xinkobyana xa Kedroni, tiva leswaku ku ta va ko ku fa ka wena. U ta va u tisungile.”

2 TIHOSI 23:4

Hosi Yosiyasi a lerisa Hilkiya Muprista Lonkulu ni vaprista lavan'wana, ku katsa ni lava hlayisaka tinyangwa, a va byela ku humesa eTempeleni ya HOSI Xikwembu swingolongondzwana hinkwaswo leswi a swi endleriwile vugandzeri bya Baali, ni bya Axera xikwembukazi, ni bya dyambu ni tinyeleti. Kutani va swi rhwala swi ya handle ka muti wa Yerusalema, va ya swi hisa emasin'wini ya le Kidroni, kutani va yisa nkuma wa swona eBetele.

2 TIKRONIKA 29:16

Vaprista va nghena exivandleni lexo hlawuleka xa Tempele leswaku va ta xi basisa; kutani va teka swilo hinkwaswo swa manyala leswi va swi kumaka kona, va swi humesela ehandle exivaveni xa Tempele, kutani Valevhi va swi teka va ya swi cukumeta enkoveni wa Kedroni ehandle ka muti.

Nehemiya 2:15

Hiloko vusiku byebyo ndzi famba ndzi ta hi le nhoveni, ndzi ya emahlweni ni ku valanga rirhangu ra muti wa Yerusalema; kutani ndzi tlhelela ekaya ndzi ya nghena hi le nyangweni leyi vuriwaka Nyangwa-ya-le-Nkoveni.

Timhaka 21:11

A ta ka hina, a teka banti ra Pawulo, a tiboha mavoko ni milenge ha rona, a ku: “Moya lowo Kwetsima wu vula leswi: Wanuna loyi banti leri ri nga ra yena, Vayuda va ta n'wi bohisa xisweswo eYerusalema, va n'wi nyiketa emavokweni ya vamatiko.”

Levhitika 2:6

Mi ta xi phemelela, mi xi chela mafurha. Lawa hi wona magandzelo ya swa le masin'wini.

Marka 14:42

Sukani, mi yima, a hi yeni! Langutani, la ndzi xengaka ú le kusuhi.”