Yohane 17:9 - BIBELE Mahungu Lamanene

⁹ Ndza va khongelela; a ndzi khongeleri misava, kambe ndzi khongelela lava u ndzi nyikeke vona, hikuva i va wena.

Testamente Leyimpsha Xichangana

⁹ Navakhongelela; anikhongeleli misava, kambe nikhongelela lava uninyikeke vona, hikuva i va wena.

Xitsonga (Bibele)

⁹ Ndza va khongelela; a ndzi khongeleri misava, kambe ndzi khongelela lava u ndzi nyikeke vona, hikuva i va wena.

Yohane 17:9 Referans Kwoze

Vaheveru 9:24

Hikuva Kriste a nga nghenanga exivandleni lexo hlawuleka xo endliwa hi mavoko, lexi ngo va xifaniso ntsena xa lexa xiviri, kambe ú nghenile etilweni hi koxe, a ta humelela sweswi emahlweni ka Xikwembu ku hi yimela.

Yohane 17:2

Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Yohane 17:6

“Ndzi ku tivisile eka vanhu lava u ndzi nyikeke vona va ri lava hlawuriweke emisaveni; a va ri va wena; u ndzi nyikile vona, kutani va hlayisile rito ra wena.

Yohane 17:20

“A ndzi khongeleri vona ntsena, kambe ndzi khongelela ni lava va nga ta pfumela eka mina hi rito ra vona;

Luka 22:32

kambe mina ndzi ku khongelerile, leswaku ku pfumela ka wena ku nga tshuki ku titivala. Kutani wena, loko u ta va u hundzukile, u ta tiyisa vamakwenu.”

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi le hansi ka matimba ya Lowo biha.

Yohane 14:16

Ndzi ta kombela Tatana, kutani yena ú ta mi nyika Muchaveleri un'wana, loyi a nga ta va na n'wina hilaha ku nga heriki,

Nhlavutelo 20:15

Loko vito ra munhu ri nga kumiwi ri tsariwile ebukwini ya vutomi, munhu yoloyi a hoxiwa etiveni ra ndzilo.

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Vaheveru 7:25

Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Nhlavutelo 12:9

Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun'we na yona.

Luka 8:34

Loko varisi va tona va vona leswi humeleleke, va baleka, va ya rungulela va muti ni va le masin'wini.

Luka 23:34

[Kutani Yesu a ku: “Tatana, va rivalele, hikuva a va tivi leswi va swi endlaka.”] Kutani va avelana swiambalo swa yena hi ku hoxa vuhlolotwana.

Yohane 6:37

Hinkwavo lava Tatana a ndzi nyikaka vona, va ta ta ka mina; ni loyi a taka ka mina, ndzi nga ka ndzi nga n'wi cukumeteli handle.

Yohane 6:39

Kutani ku rhandza ka Loyi a ndzi rhumeke, hileswaku ndzi nga lahlekeriwi hi lava a ndzi nyikeke vona, hambi a ri un'we ntsena, kambe ndzi va pfuxa hi siku ra makumu.