Yohane 17:8 - BIBELE Mahungu Lamanene

⁸ hikuva ndzi va nyikile marito lawa u ndzi nyikeke wona; va ma amukerile, kutani va dyondzile hakunene leswaku ndzi huma eka wena, kutani va pfumerile leswaku ndzi rhumiwile hi wena.

Testamente Leyimpsha Xichangana

⁸ hikuva nivanyikile marito lawa uninyikeke wona; vamayamukelile, kutani vajondzile hakunene lesvaku nihuma ka wena, kutani vapfumelile lesvaku nirhumiwile hi wena.

Xitsonga (Bibele)

⁸ Hikuva ndzi va nyikile marito lawa u ndzi nyikeke wona; kutani va ma amukerile, va swi tivile swinene leswaku ndzi huma eka wena, kambe va pfumerile leswaku hi wena loyi u ndzi rhumeke.

Yohane 17:8 Referans Kwoze

Yohane 17:14

Ndzi va nyikile rito ra wena, kutani misava yi va vengile, hikuva a hi va misava, tanihi leswi na mina ndzi nga riki wa misava.

Yohane 15:15

A ndza ha mi vuri malandza, hikuva nandza a nga tivi lexi n'wini wa yena a xi endlaka; kambe ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tata wa mina.

Yohane 16:30

Sweswi ha twisisa leswaku u tiva swilo hinkwaswo, kutani a swi faneri leswaku munhu a ku vutisa nchumu; hikwalaho ka swona, ha pfumela leswaku u huma eka Xikwembu.”

Yohane 16:27

hikuva Tatana hi xiviri xa yena wa mi rhandza. Ú mi rhandza hikuva mi ndzi rhandzile, mi va mi pfumela leswaku ndzi huma eka Xikwembu.

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.

1 Yohane 4:14

Na hina hi swi vonile, hi vuya hi tiyisa, leswaku Tatana ú rhumele N'wana ku va Muponisi wa misava.

Yohane 17:21

ndzi navela leswaku hinkwavo va va un'we, ku fana ni leswi wena Tatana u nga ka mina, na mina ndzi nga ka wena, leswaku na vona va va eka hina, kutani misava yi ta pfumela leswaku u ndzi rhumile.

Yohane 8:42

Yesu a ku ka vona: “Loko Xikwembu a xi ri tata wa n'wina, a mi ta ndzi rhandza, hikuva mina sweswi ndzi nga kwala ndzi huma eka Xikwembu. A ndzi lo titisa, kambe ndzi rhumiwile hi xona.

Yohane 14:10

Xana a wu pfumeri leswaku ndzi le ka Tatana, ni leswaku Tatana ú le ka mina xana? Leswi ndzi mi byelaka swona a swi humi emiehleketweni ya mina. Tatana la nge ka mina, hi yena la tirhaka mintirho leyi ya yena.

Yohane 12:49

Hikuva a ndzi vulavulanga swo huma emiehleketweni ya mina, kambe Loyi a ndzi rhumeke, yena Tatana hi xiviri xa yena, ú ndzi lerisile leswi ndzi faneleke ku swi tivisa ni ku swi vula.

Yohane 6:68

Simoni Petro a hlamula, a ku ka yena: “Hosi, hi nga ya ka mani xana? U ni marito ya vutomi lebyi nga heriki.

Swivuriso 1:3

swi nyika vanhu swiletelo swa mahanyelo lamanene, va ta tiva leswi lulameke, ni milawu leyinene, ni ntiyiso.

1 Vatesalonika 4:1

Kutani ke, vamakwerhu, mi dyondzile eka hina hilaha mi fanelaka ku hanya hakona leswaku mi tsakisa Xikwembu, kutani mi hanyile hi mukhuva wolowo. Hikokwalaho, ha mi kombela hi matimba ni ku mi khongotela hi vito ra Hosi Yesu, leswaku mi ya mi kula, mi ri karhi mi hanyisa sweswo.

1 Vakorinto 15:1

Sweswi vamakwerhu, ndzi lava ku mi tsundzuxa Mahungu Lamanene lawa ndzi mi dyondziseke wona. Mi ma amukerile; ma tiyisela eka wona;

Yohane 17:23

Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

Yohane 17:18

Tanihi leswi u ndzi rhumeke emisaveni, na mina ndzi va rhumile emisaveni.

Matewu 13:11

A va hlamula, a ku: “Hileswaku n'wina, mi nyikiwile ku tiva swihundla swa Mfumo wa matilo, kambe vona a va nyikiwanga.

Swivuriso 8:10

Ematshan'wini ya silivhere, hlawula swiletelo swa mina, ni vutivi ematshan'wini ya nsuku lowunene,

1 Vakorinto 11:23

Timhaka leti ndzi ti hundziseleke eka n'wina hi leti ti humeke eka Hosi hi xiviri xa yona: Hileswaku, hi vusiku lebyi a nyiketiweke hi byona, Hosi Yesu ú tekile xinkwa,

Yohane 3:33

Munhu la amukelaka vumbhoni bya yena, ú tiyisa leswaku Xikwembu xa tshembeka.

Yohane 3:17

Xikwembu a xi rhumanga N'wana wa xona emisaveni ku ta avanyisa misava, kambe a ku ri ku endlela leswaku misava yi ta ponisiwa ha yena.

Swivuriso 1:23

Yingisani, ndzi mi laya mina vutlhari, ndzi lombeni tindleve ndzi mi tsundzuxa, ndzi mi byela leswi nga mbilwini ya mina.

Swivuriso 4:10

N'wananga, yingisa u amukela leswi ndzi ku byelaka swona, leswaku u ta hanya masiku layo tala.

Swivuriso 2:1

N'wananga, amukela leswi ndzi ku byelaka swona, u hlayisa milawu ya mina,

Duteronoma 18:18

Ndzi ta va rhumela muprofeta loyi a fanaka na wena, loyi a nga ta huma eka va ka vona. Ndzi ta n'wi byela leswi a faneleke ku vulavula swona, kutani yena ú ta va tivisa hinkwaswo leswi ndzi nga ta n'wi lerisa swona.

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Nhlavutelo 1:1

Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.