Yohane 17:23 - BIBELE Mahungu Lamanene

²³ Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

Testamente Leyimpsha Xichangana

²³ Mina ka vona, na wena ka mina, lesvaku vayendliwa lavahetisekeke, vakondza vava mun'we, kutani vanhu va misava vatativa lesvaku unirhumile, ni lesvaku uvarhandzile kufana ni lesvi unirhandziseke xisvona.

Xitsonga (Bibele)

²³ mina ndzi va ka vona, wena u va ka mina, va ta hetiseka vun'weni hakunene, misava yi ta tiva leswaku u ndzi rhumile, ni leswaku u va rhandzile kukotisa leswi u ndzi rhandzeke.

Yohane 17:23 Referans Kwoze

Yohane 17:21

ndzi navela leswaku hinkwavo va va un'we, ku fana ni leswi wena Tatana u nga ka mina, na mina ndzi nga ka wena, leswaku na vona va va eka hina, kutani misava yi ta pfumela leswaku u ndzi rhumile.

Yohane 16:27

hikuva Tatana hi xiviri xa yena wa mi rhandza. Ú mi rhandza hikuva mi ndzi rhandzile, mi va mi pfumela leswaku ndzi huma eka Xikwembu.

1 Yohane 3:1

Ma nga vona rirhandzu lerikulu leri Tatana a hi rhandzaka ha rona, ku fika laha hi vuriwaka vana va Xikwembu; nisweswi, hi vona. Lexi endlaka leswaku misava yi nga hi tivi, i mhaka ya leswi yi nga n'wi tivangiki.

Yohane 13:35

Hinkwavo va ta tiva leswaku mi vadyondzisiwa va mina, loko mi rhandzana.”

1 Yohane 1:3

Leswi hi swi voneke ni ku swi twa, hi mi tivisa swona na n'wina, leswaku mi va ni xinakulobye na hina. Xinakulobye xi kona exikarhi ka hina na Tatana, ni le xikarhi ka hina ni n'wana wa yena Yesu Kriste.

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

Vakolosa 3:14

Kutani ehenhla ka leswi hinkwaswo, ku laveka rirhandzu, ri nga rona leri ri bohaka swilo hinkwaswo swi twanana hi ku hetiseka.

Yohane 17:26

Ndzi ku tivisile eka vona; ndza ha ta ku tivisa, leswaku rirhandzu leri u ndzi rhandzeke ha rona, ri va ka vona, na mina ndzi va ka vona.”

Yohane 17:24

Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Yohane 14:23

Yesu a n'wi hlamula, a ku: “Loko munhu a ndzi rhandza, ú ta hlayisa rito ra mina, kutani Tata wa mina ú ta n'wi rhandza, kutani hi ta ta eka yena, hi tshama na yena.

Yohane 14:10

Xana a wu pfumeri leswaku ndzi le ka Tatana, ni leswaku Tatana ú le ka mina xana? Leswi ndzi mi byelaka swona a swi humi emiehleketweni ya mina. Tatana la nge ka mina, hi yena la tirhaka mintirho leyi ya yena.

Vakolosa 2:2

Ndzi lava leswaku timbilu ta vona ti tiyisiwa, ni leswaku va khomana swin'we hi rirhandzu, kutani va ta fumisiwa hi matlhelo hinkwawo hi ku nyikiwa ku twisisa loku hetisekeke, leswaku va tiva xihundla xa Xikwembu, a nga Kriste;

Vafilipiya 3:15

Hina hinkwerhu lava hi kuleke emoyeni, hi fanele ku va ni mianakanyo leyo tano; kambe loko, eka swin'wana, mi anakanya hi ndlela yin'wana, Xikwembu xi ta swi hlavutela eka n'wina.

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Yohane 6:56

Loyi a dyaka nyama ya nga ni ku nwa ngati ya nga, ú tshama eka mina, na mina ndzi tshama eka yena.

Yohane 3:17

Xikwembu a xi rhumanga N'wana wa xona emisaveni ku ta avanyisa misava, kambe a ku ri ku endlela leswaku misava yi ta ponisiwa ha yena.

1 Yohane 4:19

Hina hi ni rirhandzu hikuva ku rhangile Xikwembu xi hi rhandza.

Vakolosa 1:28

Hi yena loyi hi n'wi twarisaka, hi ri karhi hi tsundzuxa ni ku dyondzisa vanhu hinkwavo, hi vutlhari hinkwabyo; hi endlela ku tisa vanhu hinkwavo eka Xikwembu va ri lava vupfeke eka Kriste.

Yohane 10:38

Kambe loko ndzi endla yona, hambi mi nga ndzi pfumeli, pfumelani yona mintirho, mi ta tiva ni ku twisisa leswaku Tatana ú le ka mina, na mina ndzi le ka Tatana.”

Yohane 15:9

“Tanihi leswi Tatana a ndzi rhandzeke, na mina ndzi mi rhandzile; tshamani erirhandzwini ra mina.

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Yohane 17:8

hikuva ndzi va nyikile marito lawa u ndzi nyikeke wona; va ma amukerile, kutani va dyondzile hakunene leswaku ndzi huma eka wena, kutani va pfumerile leswaku ndzi rhumiwile hi wena.

Yohane 17:11

A ndza ha ri emisaveni, kambe vona va laha misaveni, kutani ndzi ta kwaleyo ka wena. Tatana la kwetsimeke, va hlayise hi matimba ya vito ra wena, leri u ndzi nyikeke rona, leswaku va va un'we ku fana na hina.

Nhlavutelo 3:9

Vona, loko va ri va ntlawa wa ka Sathana, vahembi lava tivulaka Vayuda kasi a hi vona, ndzi ta endla leswaku va ta, va ta nkhinsama emahlweni ka wena va ku gandzela; va ta tiva leswaku ndzi ku rhandzile.