Yohane 17:21 - BIBELE Mahungu Lamanene

²¹ ndzi navela leswaku hinkwavo va va un'we, ku fana ni leswi wena Tatana u nga ka mina, na mina ndzi nga ka wena, leswaku na vona va va eka hina, kutani misava yi ta pfumela leswaku u ndzi rhumile.

Testamente Leyimpsha Xichangana

²¹ ninavela lesvaku hinkwavu vava mun'we, kufana ni lesvi wena Tatana unga ka mina, na mina ninga ka wena, lesvaku na vona vava ka hina, kutani misava yitapfumela lesvaku unirhumile.

Xitsonga (Bibele)

²¹ swi ri leswaku hinkwavo va va un'we kukotisa leswi wena, Tatana, u nga eka mina, na mina ndzi nga ka wena; na vona va endla un'we na hina, leswaku misava yi ta pfumela leswaku u ndzi rhumile.

Yohane 17:21 Referans Kwoze

1 Vakorinto 12:12

Kutani ke, miri i wun'we, hambileswi wu nga ni swirho leswo tala; naswona swirho, eku taleni ka swona, swi endla miri wun'we ntsena. Kutani na wona miri wa Kriste, wu tano.

Yohane 17:11

A ndza ha ri emisaveni, kambe vona va laha misaveni, kutani ndzi ta kwaleyo ka wena. Tatana la kwetsimeke, va hlayise hi matimba ya vito ra wena, leri u ndzi nyikeke rona, leswaku va va un'we ku fana na hina.

Vafilipiya 1:27

Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

Yohane 13:35

Hinkwavo va ta tiva leswaku mi vadyondzisiwa va mina, loko mi rhandzana.”

Timhaka 4:32

Nhlengeletano ya lava pfumeleke a yi ri mbilu yin'we ni moya wun'we; a ku nga ri na munhu ni un'we loyi a a vula leswaku swilo leswi a nga na swona hambi xi ri xin'we xa swona, i swa yena ntsena; kambe swilo hinkwaswo a va ku, i swa vona hinkwavo.

Zakariya 14:9

HOSI Xikwembu xi ta fuma misava hinkwayo, xi ta va Xikwembu xi ri xoxe; hi siku rero, ku ta gandzeriwa xona ntsena.

Yohane 17:8

hikuva ndzi va nyikile marito lawa u ndzi nyikeke wona; va ma amukerile, kutani va dyondzile hakunene leswaku ndzi huma eka wena, kutani va pfumerile leswaku ndzi rhumiwile hi wena.

Yohane 10:38

Kambe loko ndzi endla yona, hambi mi nga ndzi pfumeli, pfumelani yona mintirho, mi ta tiva ni ku twisisa leswaku Tatana ú le ka mina, na mina ndzi le ka Tatana.”

Yohane 10:30

Mina na Tatana hi un'we.”

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

1 Vakorinto 1:10

Ndza mi khongotela vamakwerhu, hi vito ra Hosi ya hina Yesu Kriste, ndzi ri: Twananani hinkwenu eku vulavuleni. Ku nga tshuki ku va ni ku avana exikarhi ka n'wina, kambe mi hlangana mi va van'we eku anakanyeni ne makungwini ya n'wina;

Varhoma 12:5

hi mukhuva wolowo, na hina, hambi hi tele, hi miri wun'we eka Kriste, kutani un'wana ni un'wana wa hina i xirho eka un'wana.

Yeremiya 32:39

Ndzi ta va pfuna ku va ni mbilu yin'we, va ndzi hanyela hinkwavo ni ku ndzi komba xichavo minkarhi hinkwayo; kutani hi mukhuva wolowo va ta kuma minkateko, vona ni vana va vona.

1 Yohane 5:7

Ku ni timbhoni tinharhu:

Timhaka 2:46

Masiku hinkwawo a va chivirika ku hlangana eTempeleni, va ri mbilu yin'we, naswona a va hlangana va phema xinkwa emindyangwini ya vona, va dya swakudya swa vona hi ku tsaka lokukulu ni timbilu to basa,

Yohane 17:25

Tatana la lulameke, misava a yi ku tivanga, kambe mina ndzi ku tivile, kutani vanhu lava va swi tivile leswaku ndzi rhumiwile hi wena.

Yohane 10:16

Naswona ndzi ni tinyimpfu tin'wana leti nga riki ta tshanga leri; na tona ndzi fanele ku ti vuyisa; ti ta yingisa rito ra mina, kutani ti ta endla ntlhambi wun'we, ti va ni murisi un'we.

Sofoniya 3:9

“Enkarhini wolowo, ndzi ta tlhela ndzi nyika vamatiko milomo leyi tengeke, leswaku hinkwavo va khongela mina HOSI, va ndzi tirhela hi ku twanana;

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Yohane 5:23

leswaku hinkwavo va va ni xichavo eka N'wana, kukotisa leswi va nga ni xichavo eka Tatana. Un'wana ni un'wana la nga riki na xichavo eka N'wana, a nga na xichavo ni ka Tatana la n'wi rhumeke.

Yohane 3:17

Xikwembu a xi rhumanga N'wana wa xona emisaveni ku ta avanyisa misava, kambe a ku ri ku endlela leswaku misava yi ta ponisiwa ha yena.

Yohane 17:18

Tanihi leswi u ndzi rhumeke emisaveni, na mina ndzi va rhumile emisaveni.

Yohane 11:42

Mina ndzi swi tivile leswaku masiku hinkwawo wa ndzi yingisa, kambe ndzi vurile swilo leswi hikwalaho ka ntshungu lowu yimeke kwala, wu ta kala wu pfumela leswaku hi wena la ndzi rhumeke.”

Yohane 17:20

“A ndzi khongeleri vona ntsena, kambe ndzi khongelela ni lava va nga ta pfumela eka mina hi rito ra vona;

1 Vakorinto 6:17

Kambe loyi a tihlanganisaka ni Hosi, ú endla moya wun'we na yona.

1 Yohane 1:3

Leswi hi swi voneke ni ku swi twa, hi mi tivisa swona na n'wina, leswaku mi va ni xinakulobye na hina. Xinakulobye xi kona exikarhi ka hina na Tatana, ni le xikarhi ka hina ni n'wana wa yena Yesu Kriste.

Marka 3:24

Naswona, loko mfumo wu avana hi le xikarhi, mfumo lowu a wu koti ku tiya.

Yohane 13:32

Leswi xi dzunisiweke eka yena, na xona xi ta n'wi dzunisa emahlweni ka xona; xi ta hatla xi swi endla.