Yohane 16:32 - BIBELE Mahungu Lamanene

³² Vonani, nkarhi wa ta, ni sweswi wu fikile, lowu mi nga ta hangalaka ha wona, un'wana ni un'wana a tlhelela ekaya ka yena, mi ndzi siya ndzi ri ndzexe; hambiswiritano a ndzi ndzexe, hikuva Tatana ú na mina.

Testamente Leyimpsha Xichangana

³² Vonani, nkarhi wata, ni svosvi wufikile, lowu mingatahangalaka ha wona, mun'wana ni mun'wana atlhelela kaya ka yena, minisiya nilinoxe; hambi svilitano aninoxe, hikuva Tatana ana mina.

Xitsonga (Bibele)

³² Vonani, nkarhi wa ta, ni sweswi, wu tile, lowu mi nga ta hangalaka ha wona, un'wana ni un'wana a famba hi ndlela ya yena, mi ndzi siya ndzi ri swanga, kambe a ndzi swanga hikuva Tatana u na mina.

Yohane 16:32 Referans Kwoze

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Matewu 26:31

Kutani Yesu a ku ka vona: “Vusiku byebyi, mi ta khunguvanyeka hinkwenu hikwalaho ka mina, hikuva ku tsariwile leswaku: “ ‘Ndzi ta ba murisi, kutani tinyimpfu ta ntlhambi ti ta hangalaka.’

Yohane 8:29

Loyi a ndzi rhumeke, ú na mina; a nga ndzi tshikanga ndzi ri ndzexe, hikuva masiku hinkwawo ndzi endla leswi swi n'wi tsakisaka.”

Yohane 8:16

Kambe, na loko ndzi avanyisa, ku avanyisa ka mina hi lokunene; hikuva a ndzi ndzexe, kambe Tatana la ndzi rhumeke ú na mina.

Marka 14:27

Yesu a ku ka vona: “Hinkwenu mi ta khunguvanyeka, hikuva ku tsariwile leswaku: “ ‘Ndzi ta ba murisi, kutani tinyimpfu ti ta hangalaka.’

Matewu 26:56

Hambiswiritano, swilo leswi hinkwaswo swi humelerile leswaku ku hetiseka leswi tsariweke hi vaprofeta.” Hiloko vadyondzisiwa hinkwavo va n'wi siya, va tsutsuma.

Yohane 20:10

Kavaloko vadyondzisiwa va tlhelela emakaya.

Yohane 16:25

“Ndzi mi byerile timhaka leti hi ku vulavula hi swifaniso; kambe nkarhi wa ta, lowu ndzi nga ta ka ndzi nga ha vulavuri na n'wina hi mukhuva lowu; kambe ndzi ta mi byela swa Tatana erivaleni ndzi nga rhendzeleki.

Yohane 16:2

Va ta mi hlongola emasinagogeni; naswona, ku ta ta nkarhi lowu un'wana ni un'wana loyi a mi dlayaka a nga ta anakanya leswaku ú tirhela Xikwembu.

Yohane 4:23

Kambe nkarhi wa ta, ni sweswi wu tile, lowu vagandzeri va xiviri va nga ta gandzela Tatana hi moya ni ntiyiso, hikuva Tatana ú lava vagandzeri lavo tano.

Yohane 4:21

Yesu a ku ka yena: “Twana mina manana: Nkarhi wa ta, lowu mi nga ta ka mi nga ha gandzeri Tatana mi ri entshaveni leyi, hambi ku ri eYerusalema.

Yohane 12:23

Yesu a va hlamula, a ku: “Nkarhi wu fikile lowu N'wana-wa-Munhu a nga ta tlakuriwa ha wona.

Yohane 5:28

Mi nga hlamaleni hi mhaka leyi, hikuva nkarhi wa ta lowu hinkwavo lava nge masirheni va nga ta twa rito ra yena,

Yohane 5:25

Ndzi tiyisisile ndzi ri ka n'wina: Nkarhi wa ta, nisweswi wu tile, lowu vafi va nga ta twa rito ra N'wana wa Xikwembu, kutani lava va ri twaka va ta hanya.

Marka 14:50

Kavaloko vadyondzisiwa hinkwavo va n'wi tshika, va tsutsuma.

Timhaka 8:1

Kasi Sawulo a a nkhensa ku dlawa ka Stefano. Enkarhini wolowo, kereke ya Yerusalema yi sungula ku xanisiwa swinene, vapfumeri hinkwavo va hangalasiwa ematikweni ya Yudiya ni ya Samariya; ku sala vaapostola ntsena.

Yohane 16:31

Yesu a va hlamula, a ku: “Sweswi ma pfumela xana?

Yohane 19:27

Kutani a ku ka mudyondzisiwa: “Vona, mana wa wena hi loyi!” Ku sukela nkarhi wolowo, mudyondzisiwa loyi a n'wi amukela, a n'wi rhurhela ekaya ka yena.

Timhaka 21:6

Kuteloko hi lelanile na vona, hi nghena engalaveni, kutani vona va tlhelela ekaya.