Yohane 16:24 - BIBELE Mahungu Lamanene

²⁴ Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku va loku hetisekeke.

Testamente Leyimpsha Xichangana

²⁴ Kufika svosvi, amisikombela nchumu hi vito ra mina; kombelani, mitanyikiwa, lesvaku kutsaka ka n'wina kuva loku kuhetisekeke.

Xitsonga (Bibele)

²⁴ Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku hetiseka.

Yohane 16:24 Referans Kwoze

Yohane 15:11

“Ndzi mi byerile timhaka leti, leswaku ku tsaka ka mina ku va eka n'wina, ni leswaku ku tsaka ka n'wina ku va loku hetisekeke.

Yohane 16:23

“Hi siku ra kona, a mi nga ha ndzi vutisi nchumu. Ndzi tiyisisile ndzi ri ka n'wina: Xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

2 Yohane 1:12

Ndza ha ri ni leswo tala leswi ndzi nga mi tsalelaka swona, kambe ndzi vona leswaku swa antswa ndzi nga mi tivisi swona hi papila, hikuva ndzi ni ku tshemba leswaku ndzi ta ta ndzi ta mi vona kwaleyo ka n'wina, ni ku vulavula na n'wina hi nomo hi ri karhi hi vonana hi mahlo, leswaku ku tsaka ka hina ku va loku hetisekeke.

Matewu 6:9

“N'wina ke, khongelani hi mukhuva lowu, mi ku: “ ‘Tata wa hina la nge matilweni, vito ra wena a ri hlawuleke;

Yohane 3:29

N'winyi wa mutekiwa, i muteki; nxangwana ya muteki leyi yimaka yi yingisa muteki loyi, yi tsaka swinene loko yi twa rito ra yena; hikokwalaho sweswi ku tsaka ka mina ku hetisekile.

1 TIHOSI 18:36

Enkarhini wa magandzelo ya xinakulobye nindzhenga, muprofeta Eliya a tshinelela alitari, a ku: “We HOSI, Xikwembu xa Abrahama ni xa Isaka ni xa Yakobo, a swi tiveke namuntlha leswaku hi wena la nga Xikwembu etikweni ra Israele, ni leswaku ndzi nandza wa wena, ni leswaku ndzi endlile hinkwaswo leswi hi ku lerisiwa hi wena.

2 Vatesalonika 1:2

Tintswalo ni ku rhula a swi ve na n'wina, swi huma eka Xikwembu Tatana, ni ka Hosi Yesu Kriste!

Genesa 32:9

Kutani Yakobo a khongela a ku: “We Xikwembu xa Abrahama kokwa wa mina ni xa Isaka tata wa mina, we HOSI, u ndzi byerile u ku: ‘Tlhelela eka n'wina etikweni ra rikwenu, kutani mina ndzi ta ku endlela leswinene.’

2 TIHOSI 19:15

Kutani a khongela a ku: “Wena HOSI, Xikwembu xa Israele, wena u tshamaka exiluvelweni ehenhla ka tikerubu, hi wena ntsena la nga Xikwembu ehenhla ka mimfumo hinkwayo ya misava; hi wena la endleke tilo ni misava.

Yohane 14:1

“Timbilu ta n'wina ti nga karhateki; pfumelani ka Xikwembu, ni le ka mina mi pfumela.

Yohane 14:14

Loko mi kombela ka mina xa nchumu hi vito ra mina, ndzi ta xi endla.”