Yohane 16:21 - BIBELE Mahungu Lamanene

²¹ Loko wansati a veleka, ú twa ku vava lokukulu, hikuva nkarhi wa yena wu fikile; kambe loko a velekile n'wana, wa rivala maxangu ya yena hikwalaho ka ku tsaka, hileswi ku nga velekiwa munhu emisaveni.

Testamente Leyimpsha Xichangana

²¹ Loko wansati aveleka, atwa kuvava lokukulu, hikuva nkarhi wa yena wufikile; kambe loko avelekile n'wana, warivala maxangu ya yena hikolaho ka kutsaka, hi lesvi kungavelekiwa munhu misaveni.

Xitsonga (Bibele)

²¹ Loko wansati a veleka, u twa ku vaviseka, hikuva nkarhi wa yena wu fikile; kambe loko a velekile n'wana, a nga ha anakanyi ku xaniseka ka yena, hi ku tsaka ka yena, hikuva ku velekiwile munhu emisaveni.

Yohane 16:21 Referans Kwoze

Pisalema 113:9

Wansati loyi a a ri mhika, xi n'wi nyika ku tshamiseka emutini, ni ntsako wo veleka vana. Dzunisani HOSI!

Esaya 13:8

va ta tshukisiwa ngopfu, va khomiwa hi switlhavi, va xaniseka kukota wansati loko a ri kusuhi ni ku tintshunxa; va ta langutana, va hlamala, va dzuka nyuku hi ku chava.

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Mikiya 4:10

Solovanyani mi konya ku fana ni wansati la nga ku tintshunxeni, hikuva sweswi mi ta huma emutini wa n'wina mi ya tshama enhoveni; mi ta ya eBabilona! Hambiswiritano, HOSI Xikwembu xi ta ta kwale xi ta mi lamulela, xi ta ta xi ta mi kutsula emavokweni ya valala va n'wina.

Vagalatiya 4:27

Hikuva ku tsariwile va ku: “Tsaka wena mhika, la nga kumiki swihlangi, bana nkulungwana lowukulu, wena la nga twiki ku lumiwa ka ku veleka; hikuva wansati loyi a nga tshikiwa, ú ta va ni vana vo tala ku tlula wansati loyi a nga ni nuna.”

Genesa 3:16

HOSI Xikwembu xi ku ka wansati: “Ndzi ta andzisa switlhavi swa ku tika ka wena, loko u veleka vana, u ta twa ku vava, hambiswiritano a wu nga tshiki ku navela nuna wa wena, kutani u ta fumiwa hi yena.”

Esaya 21:3

Timhaka leti ti ndzi hete matimba, ti ndzi vangele switlhavi, wonge ndzo va wansati loyi a lavaka ku tintshunxa; a ndza ha koti ku ololoka, ni ku twa a ndza ha twi, swi ndzi tshukise ngopfu, lero a ndza ha koti na ku vona nchumu.

Esaya 66:7

HOSI Xikwembu xi ri: “Muti wa Siyoni wu fana ni wansati loyi a tintshunxaka hi xinkarhana, a kuma n'wana, a nga twanga ku vava.

Mikiya 4:9

N'wina vaaki va Siyoni, mi rilela yini xana? Hikwalaho ka yini mi khomiwa hi switlhavi wonge mo va wansati loyi a nga ku tintshunxeni? Xana swi vangiwa hi leswi mi pfumalaka hosi, ni leswi vatsundzuxi va n'wina va feke, xana?

Ntirho 11:16

Mahlomulo ya wena a wu nga ha ma tsundzuki, u ta ma rivala ku fana ni mati lama khulukeke ma hundzela mahlweni.