Yohane 16:20 - BIBELE Mahungu Lamanene

²⁰ Ndzi tiyisisile ndzi ri ka n'wina: Mi ta rila mi va mi kolola, kambe misava yona yi ta tsaka; mi ta twa ku vaviseka, kambe ku vaviseka ka n'wina ku ta hundzuka ku tsaka.

Testamente Leyimpsha Xichangana

²⁰ Nitiyisisile nili ka n'wina: Mitarila miva mikolola, kambe misava yona yitatsaka; mitatwa kuvaviseka, kambe kuvaviseka ka n'wina kutahundzuka kutsaka.

Xitsonga (Bibele)

²⁰ Ndzi vurisile ndzi ri eka n'wina: Mi ta rila, mi va mi kolola, kutani yona misava yi ta tsaka; mi ta va ni ku vaviseka, Kambe ku vaviseka ka n'wina ku ta hundzuka ku tsaka.

Yohane 16:20 Referans Kwoze

Yakobo 1:2

Yi tekeni yi ri mhaka ya ku tsakisa swinene, vamakwerhu, loko mi hlangana ni miringo ya tinxaka-xaka,

Matewu 5:4

Ku katekile lava rilaka, hikuva va ta chaveleriwa.

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.

Marka 16:10

Mariya a ya tivisa vadyondzisiwa lavan'wana va Yesu lava a va ri enkosini, va n'wi rila;

Yeremiya 31:25

Lava karheleke ndzi ta va nyika matimba, ndzi tiyisa lava tsaneke.

Yuda 1:24

Eka yena loyi a nga ni matimba ya ku mi hlayisa leswaku mi nga khuguriwi mi wa, eka yena la kwetsimaka, la kotaka ku mi yimisa emahlweni ka yena mi nga ri na xivati, mi tsakile,

Luka 24:21

Loko hi ri hina, a hi tshembile leswaku hi yena loyi a nga ta kutsula Israele; hambiswiritano, namuntlha i siku ra vunharhu timhaka leti ti humelerile.

Pisalema 30:11

Ku rila ka mina u ku hundzurile ku tsaka, u ndzi hluvurile swiambalo leswo khwaxa swa nkosi, u ndzi ambexa swiambalo swa nkhuvo.

Pisalema 30:5

hikuva vukari bya yona i bya nkarhinyana ntsena, kambe minkateko ya yona i ya vutomi hinkwabyo. Nimadyambu i mihloti, loko ri xa i minkulungwana!

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Varhoma 5:11

Ku nga ri sweswo ntsena, kambe ha tidzunisa eka Xikwembu ha Hosi ya hina Yesu Kriste, loyi sweswi hi amukeleke ku vuyelelana loku ha yena.

Luka 24:17

Kutani a ku ka vona: “Hi tihi timhaka leti mi vulavulaka ha tona endleleni ke?” Hiloko vona va yima va ri ni gome.

Luka 23:27

Na wona ntshungu lowukulu ni vavasati lavo tala a va landza Yesu, va ri karhi va ba nkosi, va n'wi rila.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Nhlavutelo 18:7

N'wi kombeni maxangu ni mahlomulo, hi ku ya hi mpimo wa ku tidzunisa ka yena ni wa ku hunguka ka yena, hikuva embilwini ya yena ú vula a ku: ‘Ndzi tshama la, mina Nkosikazi! A ndzi wansati wa noni, a ndzi nga heli hi ku vona mahlomulo!’

Nhlavutelo 11:10

Lava akeke emisaveni va tsaka hi ku dlawa ka vona, va cina, va nyikana ni tinyiko, hikuva vaprofeta lava vambirhi a va vangela vaaki va misava emaxangu.

Timhaka 5:41

Loko va ri vona, va huma ehubyeni va tsakile, hikuva a va kumiwile va ri lava fanelaka ku soriwa hikwalaho ka vito ra Yesu.

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

Yohane 16:6

Kambe hi mhaka ya leswi ndzi mi byeleke swilo leswi, timbilu ta n'wina ti tele hi gome.

Luka 22:62

Kutani Petro a humela handle, a ya rila hi xiviti.

Luka 22:45

Loko a hetile ku khongela, a suka a yima, a ta eka vadyondzisiwa, a va kuma va etlele hikwalaho ka gome.

Luka 6:21

Mi katekile n'wina mi twaka ndlala sweswi, hikuva mi ta dya mi xurha. Mi katekile n'wina mi rilaka sweswi, hikuva mi ta hlekelela.

Marka 14:72

Nkarhi wolowo nkuku wu ringa ra vumbirhi. Kwalaho Petro a tsundzuka rito leri Yesu a n'wi byeleke rona, loko a te: “Nkuku wu nga si ringa kambirhi, u ta va u ndzi landzurile kanharhu.” Hiloko Petro a tlhaveka a rila.

Esaya 66:5

N'wina mi xiximaka milawu ya HOSI Xikwembu, twanani leswi xi vulaka swona; xi ri: “Vamakwenu va mi venga, va mi hlongola hi mhaka ya leswi mi ndzi tshembaka, va mi hlekula, va ku: ‘HOSI Xikwembu a xi mi kombe ku dzuneka ka xona, hi ta vona ku tsaka ka n'wina!’ Kambe vanhu volavo, hi vona va nga ta va ni tingana.”

Esaya 12:1

Eminkarhini yoleyo, munhu ú ta yimbelela a ku: “Ndza ku tlangela, we HOSI, hikuva hambileswi a wu ndzi hlundzukerile, sweswi vukari bya wena byi rhelerile, u tlhela u ndzi khongotela.

Pisalema 97:11

Lavo lulama va tlhavela hi ku vonakala, lava nga ni timbilu to basa va kuma ku tsaka.

Ntirho 20:5

minkulungwana ya lowo homboloka a yi hlweli ku hela, ntsako wa loyi a rivalaka Xikwembu, i wa nkarhinyana ntsena.

1 Vatesalonika 1:6

Kutani na n'wina mi landzile mitila ya hina ni ya Hosi, hikuva, hambileswi mi nga xaniseka ngopfu, mi amukerile Rito ra Xikwembu hi ku tsaka loku nyikiwaka hi Moya lowo Kwetsima.

Yohane 20:20

Loko a vurise sweswo, a va komba swandla swa yena ni tsheve ra yena. Vadyondzisiwa va tsaka ngopfu loko va vona Hosi.

Matewu 21:38

Kambe loko vatirhi va vona n'wana loyi, va byelana va ku: ‘Mudyandzhaka hi loyi! Tanani hi n'wi dlaya, hi ta kuma ndzhaka ya yena.’