Yohane 16:15 - BIBELE Mahungu Lamanene

¹⁵ Hinkwaswo leswi Tatana a nga na swona, i swa mina; hikwalaho ndzi nga vula leswaku, leswi a mi tivisaka swona, ú ta va a swi kuma eka mina.

Testamente Leyimpsha Xichangana

¹⁵ Hinkwasvu lesvi Tatana anga na svona, i sva mina; hi kolaho ningavula lesvaku, lesvi amitivisaka svona, atava asvikuma ka mina.

Xitsonga (Bibele)

¹⁵ Hinkwaswo leswi Tatana a nga na swona, i swa mina; hikwalaho ndzi nge: Wu ta teka leswi nga swa mina, wu mi tivisa swona.

Yohane 16:15 Referans Kwoze

Yohane 17:10

Hinkwaswo leswi nga swa mina, i swa wena; ni swa wena, i swa mina; kutani ndzi dzunisiwile hikwalaho ka swona.

Yohane 3:35

Tatana ú rhandza N'wana, kutani ú vekile swilo hinkwaswo emavokweni ya yena.

Matewu 11:27

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

Vakolosa 1:19

Hikuva swi tsakisile Xikwembu leswaku vukwembu hinkwabyo bya xona byi tshama eka yena,

Luka 10:22

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana leswaku i mani, loko a nga ri Tatana; naswona a ku na loyi a tivaka Tatana leswaku i mani, loko a nga ri N'wana, ni loyi N'wana a lavaka ku hlavutela Tatana eka yena.”

Matewu 28:18

Kutani Yesu a va tshinelela, a vulavula na vona, a ku: “Ndzi nyikiwile vuhosi hinkwabyo etilweni ni la misaveni;

Yohane 13:3

Yesu, hi ku tiva leswaku Tatana ú vekile swilo hinkwaswo emavokweni ya yena, ni leswaku ú humile eka Xikwembu, naswona a ya eka Xikwembu,

Vakolosa 2:9

Hikuva vukwembu hinkwabyo byi akile hi ku tala eka yena, emirini wa yena,

Yohane 17:2

Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Vakolosa 2:3

eka yena ku tumbetiwile rifuwo hinkwaro ra vutlhari ni ra vutivi.

Yohane 14:21

Loyi a amukeleke milawu ya mina, kutani a yi hlayisa, hi yena loyi a ndzi rhandzaka; kutani loyi a ndzi rhandzaka, ú ta rhandziwa hi Tata wa mina; na mina ndzi ta n'wi rhandza, ndzi va ndzi tipfuletela eka yena.”