Yohane 16:13 - BIBELE Mahungu Lamanene

¹³ Kasi loko yoloyi a ta, a nga Moya wa ntiyiso, ú ta mi fambisa endleleni hinkwayo ya ntiyiso; hikuva a nga ka a nga vulavuri swo huma emiehleketweni ya yena; kambe xin'wana ni xin'wana lexi a xi twaka, ú ta xi vula; naswona ú ta mi tivisa leswi swi nga ta ta.

Testamente Leyimpsha Xichangana

¹³ Kambe loko yena ata, anga Moya wa ntiyiso, atamifambisa ndleleni hinkwayu ya ntiyiso; hikuva angakala angavulavuli svohuma ka yena; kambe xin'wana ni xin'wana lexi axitwaka, ataxivula; nasvona atamitivisa lesvi svingatata.

Xitsonga (Bibele)

¹³ Kambe kutakuloko yeloyi a ta, wu nga Moya wa ntiyiso, wu ta mi fambisa entiyisweni hinkwawo; hikuva wu nga ka wu nga vulavuri wu tisungulela swa wona; kambe hinkwaswo leswi wu swi tweke, wu ta swi vula; na swona wu ta mi tivisa leswi nga ta ta.

Yohane 16:13 Referans Kwoze

Yohane 14:26

Kambe Muyimeri, a nga Moya lowo Kwetsima lowu Tatana a nga ta wu rhuma hi vito ra mina, ú ta mi dyondzisa hinkwaswo, ni ku mi tsundzuxa hinkwaswo leswi ndzi mi byeleke swona.

Yohane 14:17

a nga Moya wa ntiyiso. Misava yi nga ka yi nga n'wi amukeli, hikuva a yi n'wi voni, a yi n'wi tivi. N'wina ma n'wi tiva, hikuva ú tshama na n'wina, naswona ú le ndzeni ka n'wina.

Yohane 15:26

“Siku ku nga ta fika Muyimeri, loyi ndzi nga ta mi rhumela yena a ta hi le ka Tatana, a nga Moya wa ntiyiso lowu humaka eka Tatana, ú ta humesa vumbhoni ehenhla ka mina;

1 Yohane 2:27

Kambe Moya lowu Kriste a nga mi chela wona, wu tshame eka n'wina, kutani a mi faneli ku dyondzisiwa hi munhu; hikuva Moya wa yena lowu mi nga cheriwa wona, wa mi dyondzisa ehenhla ka hinkwaswo, naswona i Moya wa ntiyiso, a wu hembi; hikokwalaho, tshamani eka Kriste, hilaha Moya wu mi dyondzisaka hakona.

1 Yohane 2:20

Kambe n'wina mi cheriwile Moya hi loyi a kwetsimaka, kutani hinkwenu mi ni vutivi.

Yohane 12:49

Hikuva a ndzi vulavulanga swo huma emiehleketweni ya mina, kambe Loyi a ndzi rhumeke, yena Tatana hi xiviri xa yena, ú ndzi lerisile leswi ndzi faneleke ku swi tivisa ni ku swi vula.

1 Yohane 4:6

Hina hi va Xikwembu. Un'wana ni un'wana la tivaka Xikwembu, wa hi yingisa, kasi loyi a nga riki wa Xikwembu, a nga hi yingisi. Hikwalaho ka leswi, hi tiva ku hambana exikarhi ka Moya wa ntiyiso ni moya wa mavunwa.

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Nhlavutelo 1:19

Hikokwalaho, tsala leswi u swi vonaka, swi nga leswi nga kona sweswi ni leswi nga ta humelela endzhaku ka swona.

Yohane 8:38

Mina ndzi vulavula hi leswi ndzi swi voneke eka Tatana, kambe n'wina mi endla leswi mi swi tweke swi huma eka tata wa n'wina.”

2 Vatesalonika 2:3

Mi nga xisiwi hi munhu niswitsanana, hikuva siku ra kona a ri nga ti, loko ku nga si ta ku lahleka lokukulu, ni loko ku nga si humeseriwa erivaleni munhu lowo homboloka, la nga ta helela eku loveni.

Nhlavutelo 1:1

Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

2 Vatesalonika 2:12

Ku hela ka swona hileswaku lava nga amukelangiki ntiyiso, va nga lava tsakeleke tindlela leto biha, va ta avanyisiwa.

Timhaka 27:24

yi ku: ‘Pawulo, u nga tshuki u chava, hikuva u fanele ku ya yima emahlweni ka Khezari; kutani tiva leswaku Xikwembu xi ku nyikile vanhu hinkwavo lava fambaka na wena engalaveni, leswaku u va ponisa.’

Yuwele 2:28

“Endzhaku ka sweswo, nkarhi wu ta fika lowu ndzi nga ta chela moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, lava dyuhaleke va n'wina va ta lorha milorho, vana va n'wina va majaha va ta vona swivono.

Timhaka 20:23

ndzi tiva ntsena leswaku Moya lowo Kwetsima wa karhi wa ndzi tsundzuxa swinene emutini wun'wana ni wun'wana, leswaku ku khomiwa ni maxangu swi ndzi yimerile.

Yohane 3:32

Yena ú vula vumbhoni bya leswi a swi voneke ni ku swi twa, kambe a ku na loyi a amukelaka vumbhoni bya yena.

Timhaka 11:28

Un'wana wa vona, loyi a va ku i Agabo, a suka a yima, a tivisa hi matimba ya Moya leswaku ndlala leyikulu yi ta wa emisaveni hinkwayo (kunene yi humelele enkarhini wa hosi Klawudiyo).

Esaya 11:2

Moya wa HOSI Xikwembu wu ta tshama eka yena, wu nga Moya lowu nyikaka vutlhari ni ku twisisa, Moya wo tsundzuxa, wo susa vutoya, Moya lowu pfunaka ku tiva HOSI Xikwembu ni ku xi chava.

Yohane 16:12

“Ndza ha ri ni leswo tala leswi ndzi fanelaka ku mi byela swona, kambe swi nga mi tikela sweswi.

Vaheveru 1:1

Hi minkarhi leyo tala ni tindlela leto tala, Xikwembu xi vulavurile khale na vatatana, hi milomo ya vaprofeta.

1 Yohane 5:6

Yesu Kriste hi yena loyi a teke eka hina hi mati ya nkhuvulo wa yena, ni ngati ya ku dlawa ka yena; ku nga ri hi mati ntsena, kambe hi mati ni ngati. Kutani Moya i mbhoni ya swona, hikuva Moya i ntiyiso.