Yohane 15:18 - BIBELE Mahungu Lamanene

¹⁸ “Loko misava yi mi venga, tivani leswaku yi rhangile yi venga mina, yi nga si mi venga.

Testamente Leyimpsha Xichangana

¹⁸ “Loko vanhu va misava vamivenga, tivani lesvaku varhangile vavenga mina, vangasivenga n'wina.

Xitsonga (Bibele)

¹⁸ “Kungakuloko misava yi mi venga, tivani leswaku yi rhangile yi ndzi venga.

Yohane 15:18 Referans Kwoze

1 Yohane 3:13

Hikokwalaho, mi nga hlamaleni, vamakwerhu, loko misava yi mi venga.

Yohane 7:7

Misava yi nga ka yi nga mi vengi, kambe mina ya ndzi venga, hikuva ndzi tiyisa vumbhoni bya leswaku mintirho ya yona yi bihile.

Yohane 3:20

Un'wana ni un'wana la endlaka leswo biha, ú venga ku vonakala, kutani a nga ti eku vonakaleni, hi ku chava leswaku mintirho ya yena yi nga ta humela erivaleni.

Marka 13:13

Mi ta vengiwa hi vanhu hinkwavo hikwalaho ka vito ra mina, kambe loyi a tiyiselaka ku fika makumu hi yena loyi a nga ta ponisiwa.

Luka 6:22

“Mi katekile loko vanhu va mi venga, loko va mi hlongola ni ku mi rhuketela, ni loko va sola vito ra n'wina wonge hi loko ri bihile, hikwalaho ka N'wana-wa-Munhu.

Matewu 10:22

Mi ta vengiwa hi vanhu hinkwavo hikwalaho ka vito ra mina; kambe loyi a tiyiselaka ku fika makumu, hi yena loyi a nga ta ponisiwa.

1 Yohane 3:1

Ma nga vona rirhandzu lerikulu leri Tatana a hi rhandzaka ha rona, ku fika laha hi vuriwaka vana va Xikwembu; nisweswi, hi vona. Lexi endlaka leswaku misava yi nga hi tivi, i mhaka ya leswi yi nga n'wi tivangiki.

Matewu 5:11

“Mi ta kateka loko va mi rhuketela, loko va mi xanisa ni ku mi lumbeta hi mavunwa layo tala hikwalaho ka mina.

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

1 TIHOSI 22:8

Kutani hosi ya Israele yi hlamula Yoxafati yi ku: “Ina, ka ha ri ni munhu un'we, loyi hi nga vutisaka eka yena leswaku HOSI Xikwembu xi ri yini eka swona; i Mikaya n'wana Imila. Kambe mina ndza n'wi venga hikuva a nga ndzi vhumbheli nchumu xo saseka, wo ndzi byela leswo biha ntsena minkarhi hinkwayo.” Yoxafati a ku: “Hayi, a hi wena hosi u fanelaka ku vulavurisa sweswo!”

1 Yohane 3:3

Kutani un'wana ni un'wana loyi a n'wi tshembaka, ú tihlayisa a tshama a tengile, tanihi leswi yena a tengeke.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Matewu 24:9

“Enkarhini wolowo va ta mi nyiketa eku xanisiweni, va mi dlaya; mi ta vengiwa hi vanhu va matiko hinkwawo hikwalaho ka vito ra mina.

Esaya 49:7

Mukutsuri ni Muhlawuleki wa Israele, ú vulavula ni loyi a sandziwaka ni ku vengiwa hi vanhu va matiko, yena hlonga ra tihosi, a ku ka yena: “Loko tihosi ti ku vona, ti ta suka ti yima, ni tindhuna ti ta ku dzunisa, loko ti ku vona, hikuva mina HOSI Xikwembu Muhlawuleki wa Israele, mina ndzi tshembekeke, ndzi ku hlawurile.”

Zakariya 11:8

Hi n'hweti yin'we, ndzi hlongola varisi van'wana vanharhu entirhweni, kambe ndzi sungula ku karhala hi tinyimpfu leti, na tona ti nga ha ndzi tsakeli.

Swivuriso 29:27

Munhu wo lulama ú venga lowo homboloka, kasi na yena munhu wa mahanyelo lamanene, ú vengiwa hi lavo homboloka.

Esaya 66:5

N'wina mi xiximaka milawu ya HOSI Xikwembu, twanani leswi xi vulaka swona; xi ri: “Vamakwenu va mi venga, va mi hlongola hi mhaka ya leswi mi ndzi tshembaka, va mi hlekula, va ku: ‘HOSI Xikwembu a xi mi kombe ku dzuneka ka xona, hi ta vona ku tsaka ka n'wina!’ Kambe vanhu volavo, hi vona va nga ta va ni tingana.”

Yohane 16:1

“Ndzi mi byerile timhaka leti leswaku mi ta ka mi nga khunguvanyeki.

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”