Yohane 15:11 - BIBELE Mahungu Lamanene

¹¹ “Ndzi mi byerile timhaka leti, leswaku ku tsaka ka mina ku va eka n'wina, ni leswaku ku tsaka ka n'wina ku va loku hetisekeke.

Testamente Leyimpsha Xichangana

¹¹ “Nimibzelile timhaka leti, lesvaku kutsaka ka mina kuva ka n'wina ni lesvaku kutsaka ka n'wina kuva loku kuhetisekeke.

Xitsonga (Bibele)

¹¹ Ndzi mi byerile timhaka leti leswaku ku tsaka ka mina ku tshama eka n'wina, ni leswaku ku tsaka ka n'wina ku hetiseka.

Yohane 15:11 Referans Kwoze

Varhoma 15:13

Ingi Xikwembu lexi ku langutela ku humaka ka xona xi nga mi tata hi ku tsaka hinkwako ni ku rhula hinkwako eku pfumeleni, leswaku, hi matimba ya Moya lowo Kwetsima, ku langutela ku mi talela, ku va ku khapa.

Yohane 17:13

Sweswi ndzi ta kwaleyo ka wena, kutani ndzi vula swilo leswi ndzi ri emisaveni, leswaku ku tsaka ka mina ku va loku hetisekeke eka vona.

Yohane 16:24

Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku va loku hetisekeke.

1 Yohane 1:4

Kutani hi mi tsalela timhaka leti, leswaku ku tsaka ka hina ku va loku hetisekeke.

1 Petro 1:8

Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

2 Yohane 1:12

Ndza ha ri ni leswo tala leswi ndzi nga mi tsalelaka swona, kambe ndzi vona leswaku swa antswa ndzi nga mi tivisi swona hi papila, hikuva ndzi ni ku tshemba leswaku ndzi ta ta ndzi ta mi vona kwaleyo ka n'wina, ni ku vulavula na n'wina hi nomo hi ri karhi hi vonana hi mahlo, leswaku ku tsaka ka hina ku va loku hetisekeke.

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

2 Vakorinto 1:24

A hi leswaku hina hi fuma ku pfumela ka n'wina, kambe hi tirhisana na n'wina leswaku mi ta kuma ku tsaka, hikuva mi tiyile eku pfumeleni.

1 Vatesalonika 5:16

Tshamani mi tsakile masiku hinkwawo.

Luka 15:32

kambe a hi fanele ku tsaka, hi ba minkulungwana, hikuva makwenu loyi a a file, kutani sweswi ú hanyile; a a lahlekile, kutani sweswi ú kumiwile.’ ”

Luka 15:9

Kutaku loko a ri kumile, a rhamba vanghana ni lava va akelaneke na yena, a ku ka vona: ‘A hi tsakeni swin'we, hikuva ndzi kumile cheleni ra mina, leri a ri lahlekile.’

Vafilipiya 1:25

Hi ku kholwa swinene mhaka leyi, ndzi tiva leswaku ndzi ta xwa na n'wina ni ku heta masiku ndzi ri na n'wina hinkwenu, leswaku ndzi mi pfuna ku ya emahlweni mi ri karhi mi tsaka eku pfumeleni.

Vaefesa 5:18

Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

Yohane 3:29

N'winyi wa mutekiwa, i muteki; nxangwana ya muteki leyi yimaka yi yingisa muteki loyi, yi tsaka swinene loko yi twa rito ra yena; hikokwalaho sweswi ku tsaka ka mina ku hetisekile.

Luka 15:5

Kutaku loko a yi kumile, a yi tlakula, a yi pakatsa a tsakile.

Luka 15:23

Tisani rhole leri noneke, mi ri tlhava, hi dya, hi tsaka;

Yeremiya 32:41

Ndzi ta tsaka ku va katekisa hi mbilu ya mina hinkwayo, ndzi va nyika vutshamo lebyi tiyeke etikweni rorero.

Esaya 53:11

Ú ta vona mihandzu ya maxangu ya yena layo chavisa, kutani a tsaka. HOSI Xikwembu xi ri: “Nandza wa mina ú tiva ku rhandza ka mina; leswi a nga riki na nandzu, ú ta ntshunxa lavo tala emilandzwini ya vona hikuva ú biwile ematshan'wini ya vona.

Sofoniya 3:17

HOSI Xikwembu xa wena, xi na wena, yona nhenha leyi yi ku hlurisaka valala; xi ta tlhela xi ku komba rirhandzu ra xona, xi ta tsaka swinene ha wena,

Yeremiya 33:9

Loko vanhu va misava hinkwayo va twa hinkwaswo leswinene leswi ndzi swi endlelaka va le Yerusalema, va ta ndzi tsakela, va ndzi dzunisa ni ku ndzi twarisa; loko va vona ku kateka ni ku rhula loku ndzi ku tiselaka Yerusalema, va ta hlamala va ndzi komba xichavo.’ ”

Esaya 62:4

A wu nga ha vuriwi “Ntshikiwani”, ni tiko ra wena a ri nga ha vuriwi “N'wa-Marhumbi”, kambe va ta ku, hi we “Murhandziwani”, ni tiko ra wena va ta ri thya vito ra “Nkandza-vukati”, hikuva HOSI Xikwembu xi ta tlhela xi ku rhandza, xi va nuna wa tiko ra wena.