Yohane 14:8 - BIBELE Mahungu Lamanene

⁸ Filipi a ku ka yena: “Hosi, hi kombe Tatana, kutani swi ta va swi hi ringene.”

Testamente Leyimpsha Xichangana

⁸ Filipi aku ka yena: “Hosi, hikombe Tatana, kutani svitava svihiringene.”

Xitsonga (Bibele)

⁸ Filipi a ku eka yena: “Hosi, hi kombe Tatana swi ta va swi hi ringene.”

Yohane 14:8 Referans Kwoze

Yohane 16:25

“Ndzi mi byerile timhaka leti hi ku vulavula hi swifaniso; kambe nkarhi wa ta, lowu ndzi nga ta ka ndzi nga ha vulavuri na n'wina hi mukhuva lowu; kambe ndzi ta mi byela swa Tatana erivaleni ndzi nga rhendzeleki.

Pisalema 17:15

Loko a ri mina, ndzi ta vona mombo wa wena ndzi ri loyi a pembeleke; loko ndzi pfuka, ndzi ta kolwa hi ku ku vona, wena hi xiviri xa wena!

Ntirho 33:26

Ú ta huwelela eka Xikwembu; xona xi ta n'wi tsakela, xi tikomba eka yena esikwini ra ntsako, a tlhela a va wo lulama eka xona.

Matewu 5:8

Ku katekile lava nga ni timbilu leti tengeke, hikuva va ta vona Xikwembu.

Pisalema 63:2

Ndzi ku langutile eTempeleni ya wena, ndzi vona matimba ya wena ni ku dzuneka ka wena.

Yohane 1:48

Nataniele a ku ka yena: “U ndzi tivisa ku yini?” Yesu a n'wi hlamula, a ku: “Filipi a nga si ku vitana, ndzi ku vonile u ri ehansi ka nkuwa.”