Biblia Todo Logo
Bib sou entènèt

- Piblisite -




Yohane 14:27 - BIBELE Mahungu Lamanene

27 “Ndzi mi siyela ku rhula, ndzi mi nyika ku rhula ka mina. A ndzi mi nyiki hilaha misava yi nyikaka hakona. Timbilu ta n'wina ti nga karhateki, ti nga khomiwi hi ku chava.

Gade chapit la Kopi

Testamente Leyimpsha Xichangana

27 “Nimisiyela kurhula, niminyika kurhula ka mina. Animinyiki hilaha misava yinyikaka hakona. Timbilu ta n'wina tingakarhateki, tingakhomiwi hi kuchava.

Gade chapit la Kopi

Xitsonga (Bibele)

27 “Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

Gade chapit la Kopi




Yohane 14:27
65 Referans Kwoze  

kutani ku rhula ka Xikwembu loku tlulaka ku twisisa hinkwako, ku ta hlayisa timbilu ta n'wina ni mianakanyo ya n'wina eka Kriste Yesu.


Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”


Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.


Sweswi ke, Hosi ya ku rhula, hi xiviri xa yona, a yi mi nyike ku rhula minkarhi hinkwayo ne matlhelweni hinkwawo. Hosi a yi ve na n'wina hinkwenu!


Kutani endlani leswaku ku rhula ka Kriste ku fuma etimbilwini ta n'wina, ku nga ku rhula loku mi vitaneriweke kona, emirini wun'we ntsena. Naswona dyondzani ku nkhensa.


Hikuva Xikwembu a xi hi nyikanga moya wa vutoya, kambe xi hi nyikile moya wa matimba, ni wa rirhandzu, ni wa ku tikhoma.


Ingi Xikwembu lexi ku langutela ku humaka ka xona xi nga mi tata hi ku tsaka hinkwako ni ku rhula hinkwako eku pfumeleni, leswaku, hi matimba ya Moya lowo Kwetsima, ku langutela ku mi talela, ku va ku khapa.


HOSI a yi mi langute hi tintswalo, yi mi nyika ku rhula.’


Ku anakanya swa ntumbuluko wa laha misaveni i rifu, kambe ku anakanya swa Moya i vutomi ni ku rhula.


U nga tshuki u va chava, hikuva ndzi ta va na wena ndzi ku sirhelela. Ndzi vula sweswo mina HOSI.”


Tintswalo ni ku rhula a swi ve na n'wina, swi huma eka Xikwembu Tata wa hina, ni ka Hosi Yesu Kriste,


Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,


A xi tiyise vanhu va xona, xi va nyika minkateko ni ku rhula.


Loko swi ri tano, leswi hi nga endliwa lava lulameke hi mhaka ya ku pfumela, hi ni ku rhula ni Xikwembu, hi Hosi ya hina Yesu Kriste;


“Timbilu ta n'wina ti nga karhateki; pfumelani ka Xikwembu, ni le ka mina mi pfumela.


Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.


Makungu layo biha a ma n'wi tshukisi, ú tiyile hikuva ú tshemba HOSI Xikwembu.


Loko ha ha ri valala eka Xikwembu, hi endliwile lava vuyelelaneke na xona hi ku fa ka N'wana wa xona; kutani, leswi hi nga vuyelelana na xona, ngopfu-ngopfu hi ta ponisiwa hi mhaka ya ku hanya ka Kriste.


Yesu a engeta a ku ka vona: “Ku rhula a ku ve na n'wina! Tanihi leswi Tatana a ndzi rhumeke, na mina ndza mi rhuma.”


ndzi tshemba xona, a ndzi chavi nchumu. Xana munhu wa misava leyi a nga ndzi endla yini xana?


Makhombo lama taka nivusiku, hambi yi ri miseve leyi copiwaka ninhlekanhi, a wu nga swi chavi;


ni ku endla leswaku, ha yena, swilo hinkwaswo swi vuyelelana na xona, hikuva hi yena Kriste la tiseke ku rhula hi ku fa ka yena exihambanweni; hinkwaswo, hambi la misaveni, hambi le matilweni, swi vuyelelana ni Xikwembu ha yena.


Ndza mi xeweta, n'wina hinkwenu lava mi nga eRhoma, lava rhandziwaka hi Xikwembu, lava vitaniweke ku va vahlawuriwa va xona, ndzi ri: Tintswalo ni ku rhula a swi ve na n'wina, swi huma eka Xikwembu Tata wa hina, ni ka Hosi Yesu Kriste.


Lava va ku akaka hi vuntshwa, va ta dyondzisiwa hi mina, ndzi ta va nyika minkateko ni ku rhula.


Rirhandzu ni ku tshembeka swi hlanganile, ku lulama ni ku rhula swa vukarhana.


Tintswalo ni ku rhula a swi ve na n'wina, swi huma eka Xikwembu Tata wa hina, ni ka Hosi Yesu Kriste!


Loko ndzi khomiwa hi ku chava, ndzi titshembela wena ntsena.


Madyambu ya siku rero ra Sonto, tinyangwa ta laha vadyondzisiwa va hlengeletaneke kona a ti pfariwile, hikwalaho ka ku chava Vayuda. Yesu a fika, a yima exikarhi ka vona, kutani a ku ka vona: “Ku rhula a ku ve na n'wina!”


Tintswalo ni ku rhula a swi ve na n'wina, swi huma eka Xikwembu Tatana, ni ka Hosi Yesu Kriste!


Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.


“Ku dzuneka a ku ve eka Xikwembu ematilweni ya le henhla-henhla, ku rhula a ku ve emisaveni eka vanhu lava xi va tsakelaka.”


ku ta voninga lava nga tshama emunyameni ni le ndzhutini wa rifu, ni ku hi fambisa etindleleni ta ku rhula.”


Sweswi ke Xikwembu xa ku rhula lexi pfuxeke Hosi ya hina Yesu exikarhi ka vafi — yena loyi a nga Murisi Lonkulu wa tinyimpfu, la nga fungha ntwanano lowu nga heriki hi ngati ya yena —


Vusiku byin'wana Hosi yi humelela eka Pawulo hi xivono, yi ku ka yena: “U nga chavi; kambe vulavula, u nga miyeri,


“Hikokwalaho mi nga tshuki mi chava vanhu, hikuva a ku na xilo lexi funengetiweke lexi nga ta ka xi nga fununguriwi, ni xilo xa xihundla lexi nga ta ka xi nga tiviwi.


“Mi ta huma mi tsakile mi fambisiwa hi ku rhula; tintshava ni swintshabyana swi ta yimbelela swi ba minkulungwana emahlweni ka n'wina, mirhi hinkwayo yi ri karhi yi phokotela.


Rivoni ra mina ni muponisi wa mina i HOSI Xikwembu, xana i mani la nga ndzi chavisaka xana? HOSI Xikwembu i khokholo ra vutomi bya mina, xana i mani loyi ndzi nga n'wi chavaka xana?


U nga chavi leswi nga kusuhi ni ku ku twisa ku vava. Vona, Diyavulosi ú lava ku hoxa van'wana va n'wina ekhotsweni, leswaku mi ta ringetiwa, kutani mi ta heta khume ra masiku ma ha xaniseka. U va la tshembekaka ku fikela eku feni, kutani mina ndzi ta ku nyika harhi ya vutomi.


Mina Yohane ndzi tsalela tikereke ta 7 leti nge tikweni ra Asiya, ndzi ri: Tintswalo ni ku rhula a swi ve na n'wina, swi huma eka loyi a nga kona, loyi a a ri kona, loyi a taka; swi huma ni le ka mimoya ya 7 leyi nga mahlweni ka xiluvelo xa yena,


kutani Abrahama a n'wi pambulela vukhume bya hinkwaswo leswi phanghiweke. Xo sungula, vito ra “Melkisedeke” loko ri hlamuseriwa, ri vula “hosi ya ku lulama”; xa vumbirhi, i “hosi ya Salema”, hileswaku “hosi ya ku rhula”.


Loko ku hundzile masiku ya 8, vadyondzisiwa va tlhela va va kona endlwini. Tomasi na yena a a ri na vona. Yesu a ta, tinyangwa ti pfariwile, a yima exikarhi ka vona, a ku: “Ku rhula a ku ve na n'wina!”


U nga chavi we Ezekiele, u nga chavisiwi hi ku vulavula ka vona, hambiloko va ku rhendzerile kukota mitwa kumbe mahlwehlwe, va ku luma ku fana ni swipame. U nga chavisiwi hi marito ya vona kumbe ndlela leyi va ku langutaka ha yona, hikuva i vatiarisi.


U nga tshuki u ndzi katsa ni lavo homboloka, ndzi vula vona lava endlaka leswo biha: Va tiendla vanhu vanene loko va vulavula ni vaakelani, kasi timbilu ta vona ti tele vukanganyisi.


Hosi Nebukadnetsara ú rhumela mahungu eka vanhu va tinxaka hinkwato lava akeke emisaveni, lava vulavulaka tindzimi to hambana-hambana a ku ka vona: “Ku rhula a ku ve na n'wina!


loko ku tshuka ku humelela leswo chavisa, u nga tsemeki nhlana, ni loko lavo homboloka va ku tela ku fana ni xidzedze, u nga chavi,


Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.


Ku rhula ni ku tsetseleriwa a swi ve ehenhla ka hinkwavo lava fambaka hi nawu lowu, ni ka vanhu hinkwavo va Xikwembu.


Emutini wihi ni wihi lowu mi nga ta nghena eka wona, rhangani mi ku: ‘Ku rhula a ku ve ni ndyangu lowu!’


Hakunene Tempele ya mina yi ta akiwa hi yena, hi yena la nga ta nyikiwa vuhosi, ú ta fuma a tshamile exiluvelweni xa yena. Kusuhi ni xiluvelo lexi, ku ta va ni muprista, kutani lavambirhi va ta twanana va hanyisana hi ku rhula.”


Hinkwavo lava nga kona etikweni, ni lava nga matikweni ya le kule, ndzi ta va nyika ku rhula ka mina HOSI; vanhu va mina, ndzi ta va hanyisa.


A ku ve ni ku lulama enkarhini wa ku fuma ka yena, ku rhula ku va kona ku kondza n'weti wu nga ha vonaki.


hi tsalela vahlawuriwa va Xikwembu lava nga le Kolosa, vamakwerhu lava tshembekaka eka Kriste, hi ri: Tintswalo ni ku rhula a swi ve na n'wina, swi huma ka Xikwembu Tata wa hina.


“Ndzi byela n'wina mi nga vanakulorhi ndzi ri: Mi nga tshuki mi chava lava dlayaka miri, va ri hava leswi va nga engetaka va swi endla ku tlula sweswo.


HOSI Xikwembu xi vurisa sweswo, xi ri: “Hambileswi mi solekeke, mi nga chavi n'wina va ka Yakobo, ndzi vula n'wina Vaisraele! Mina ndzi ta mi pfuna; mukutsuri wa n'wina, hi mina Muhlawuleki wa Israele.


Kutani hosi Dariyosi a tsalela vanhu va tinxaka hinkwato lava akeke etikweni ra yena hinkwaro lava vulavulaka tindzimi to hambana-hambana a ku: “Ku rhula a ku ve na n'wina!


“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”


Khokholo ra mina ri le ka HOSI Xikwembu, kutani xana mi ndzi byelela yini, mi ku: “Haha ku fana ni xinyanyana, u ya tumbela etintshaveni!


“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,


ú ndzi pfumata ku rhula emoyeni, ndzi rivele ni leswaku ku tsaka swi vula yini!


leswaku a avanyisela vanhu timhaka ta vona hi nawu, a biyelela swisiwana swa wena.


Kutani Yoxafati a va ni ku rhula eku fumeni ka yena, hikuva Xikwembu a xi n'wi lwerile eka valala matlhelo hinkwawo.


Swiv nou:

Piblisite


Piblisite