Yohane 14:12 - BIBELE Mahungu Lamanene

¹² “Ndzi tiyisisile ndzi ri ka n'wina: La pfumelaka ka mina, na yena ú ta endla mintirho leyi ndzi yi endlaka; ú ta endla ni leyi tlulaka yoleyi, hikuva ndzi ya eka Tatana.

Testamente Leyimpsha Xichangana

¹² “Nitiyisisile nili ka n'wina: Lweyi apfumelaka ka mina, na yena atayendla mintirho leyi niyiyendlaka; atayendla nileyitlulaka leyi, hikuva niya ka Tatana.

Xitsonga (Bibele)

¹² “Ndzi vurisile ndzi ri eka n'wina: La pfumelaka ka mina, mitirho leyi ndzi yi endlaka u ta yi endla na yena, u ta endla ni leyi tlulaka leyi, hikuva ndzi ya ka Tatana.

Yohane 14:12 Referans Kwoze

Matewu 21:21

Yesu a va hlamula a ku: “Ndzi tiyisile ndzi ri ka n'wina, loko mi ri ni ku pfumela mi nga kanakani, a mi nga endli leswi endliweke eka nkuwa lowu ntsena, kambe ni loko mi ku eka ntshava leyi: ‘Suka, u ya tihoxa elwandle!’ swi ta endleka;

Marka 16:17

Mahlori lama nga ta endliwa hi lava pfumelaka hi lawa: Hi vito ra mina va ta hlongola mademona; va ta vulavula tindzimi letintshwa;

Timhaka 16:18

A hamba a endlisa sweswo hi masiku layo tala ku kondza Pawulo a karhateka swinene, kutani a hundzuluka, a ku ka moya: “Hi vito ra Yesu Kriste ndza ku lerisa ndzi ri: Huma eka wanhwana loyi!” Kutani hi nomu lo moya wu huma.

Timhaka 9:34

Kutani Petro a ku ka yena: “Eniya! Yesu Kriste wa ku hanyisa; pfuka, u tisongela sangu ra wena.” Hi nomu lo a pfuka a yima.

Timhaka 19:12

swi fika laha vanhu va nga tisela vavabyi maduku ni swiambalo leswi khumbeke miri wa yena, kutani vavabyi lava va hola, ni mimoya leyo biha yi huma eka vona.

Timhaka 9:40

Kambe Petro a va humesela handle hinkwavo; a nkhinsama hi matsolo, a khongela; kutani a hundzulukela ka ntsumbu, a ku: “Tabita, pfuka!” Kavaloko Tabita a pfula mahlo, kutani loko a vona Petro, a pfuka a tshama.

Timhaka 8:7

hikuva mimoya ya thyaka a yi huma eka vanhu lavo tala lava a va ri na yona, yi ri karhi yi huwelela hi rito leri tlakukeke, naswona lavo tala lava omeke swirho, ni lava a va ri swigono, a va hanyisiwa.

Timhaka 5:15

ku ko ku fika laha vavabyi va tisiwaka emintsendzeleni, va vekiwa emasangwini ne vuhlakeni, leswaku loko Petro a hundza, van'wana va vona va ta khumbiwa hambi ku ri hi ndzhuti wa yena ntsena.

Timhaka 2:41

Hiloko lava amukeleke marito ya yena, va khuvuriwa; kutani esikwini rero, ku amukeriwa vanhu lava lavaka ku va 3 000.

Timhaka 4:4

Hambiswiritano, lavo tala exikarhi ka lava va tweke Rito, va pfumela. Nhlayo ya vavanuna enkarhini wolowo a yi lava ku fika eka 5 000.

Yohane 16:7

Hambiswiritano, ndza mi byela ntiyiso: Swi ta va swinene eka n'wina loko ndzi famba. Hikuva loko ndzi nga fambi, Muyimeri a nga ka a nga ti eka n'wina; kambe loko ndzi famba, ndzi ta n'wi rhumela a ta eka n'wina.

Timhaka 2:33

Sweswi ke ú tlakuriwile a ya evokweni ra xinene ra Xikwembu; ú amukele Moya lowo Kwetsima lowu tshembisiweke, wu nga lowu humaka ka Tatana, kutani ú cherile ehenhla ka hina leswi mi swi vonaka ni leswi mi swi twaka.

Yohane 7:39

Hi ku vula sweswo, a a ringanisa Moya lowu lava pfumeleke eka yena va nga ta nyikiwa wona. Ku fikela nkarhi wolowo, Moya lowo Kwetsima a wu nga si nyikiwa, hikuva Yesu a a nga si tlakusiwa.

Yohane 7:33

Kavaloko a ku ka vona: “Ndza ha ta va na n'wina nkarhinyana, kutani endzhaku ka swona ndzi ta ya eka Loyi a ndzi rhumeke.

Varhoma 15:19

hi matimba ya mahlori ni swihlamariso, ni matimba ya Moya; hi mukhuva wolowo, ndzi haxile Mahungu Lamanene ya Kriste ematlhelweni hinkwawo, ku sukela le Yerusalema, ku ya fika le Iliriya;

Timhaka 6:7

Rito ra Xikwembu ri ya emahlweni swinene; na yona nhlayo ya vadyondzisiwa yi ya yi andza ngopfu eYerusalema, naswona vaprista lavo tala va tinyiketa eku pfumeleni.

Timhaka 4:16

“Xana hi ta endla yini hi vanhu lava xana, hikuva swi tiveka hinkwako eYerusalema leswaku hi vona lava endleke mahlori lamakulu lawa; a hi koti ku swi kaneta.

Yohane 14:28

Mi ndzi twile loko ndzi te eka n'wina: ‘Ndza famba, kutani ndzi ta tlhela ndzi vuya ndzi va na n'wina.’ Loko onge mi ndzi rhandzile, ingi mi tsakile hi leswi ndzi yaka eka Tatana, hikuva Tatana i nkulukumba ku tlula mina.

Timhaka 10:46

Hikuva a va va twa va vulavula hi tindzimi tin'wana, va ri karhi va dzunisa Xikwembu. Kutani Petro a ku:

Timhaka 4:33

Vaapostola a va tiyisa hi matimba lamakulu vumbhoni bya ku pfuka ka Hosi Yesu eku feni; kutani hinkwavo a va fundzhiwa ngopfu.

Marka 11:13

Kutani a vona nkuwa lowu nga ni matluka a ha ri kulenyana; a hambuka ku ya kamba loko kumbexana a nga kuma xa nchumu eka wona, kambe loko a fika kona, a nga kumanga nchumu, loko ma nga ri matluka ntsena, hikuva a wu nga ri nkarhi wa makuwa.

Yohane 4:37

Hi mukhuva wolowo xivuriso lexi nge: ‘Un'wana wa byala, un'wana wa tshovela’, xi tiyile.

Yohane 5:20

Hikuva Tatana ú rhandza N'wana; wa n'wi komba hinkwaswo leswi a swi endlaka, kutani ú ta n'wi komba ni mintirho leyikulu leyi tlulaka ni leyi, ku endlela leswaku n'wina mi ta hlamala.