Yohane 13:18 - BIBELE Mahungu Lamanene

¹⁸ “A ndzi vulavuli ndzi katsa n'wina hinkwenu; ndzi tiva lava ndzi va hlawuleke; kambe Tsalwa ri fanele ku hetiseka, leri nge: ‘Loyi a dyaka vuswa bya mina, ú ndzi hundzukele, a ndzi khadlanya.’

Testamente Leyimpsha Xichangana

¹⁸ “Anivulavuli nipatsa n'wina hinkwenu; nitiva lava nivahlawuleke; kambe Tsalwa rifanele kuhetiseka, leringe: ‘Lweyi ajaka xinkwa na mina, anihundzukelile, anikhadlanya.’

Xitsonga (Bibele)

¹⁸ A ndzi vuri n'wina hinkwenu, ndzi tiva lava ndzi va hlawuleke; kambe hileswaku Tsalwa ri ta endleka leri nge: ‘La dyaka vuswa na mina, u ndzi khadlanyile hi xirhendze.’

Yohane 13:18 Referans Kwoze

Pisalema 41:9

Hambi a ri munghana wa mina loyi a ndzi n'wi tshemba, loyi a ndzi dya na yena, sweswi ú lwa na mina.

Matewu 26:23

A hlamula, a ku: “La nga ta ndzi xenga, hi loyi a xevaka na mina enkambaneni.

Yohane 17:12

Loko ndza ha ri na vona, a ndzi va hlayisa hi matimba ya vito ra wena leri u ndzi nyikeke rona; ndzi va biyelerile, kutani a ku vanga na un'we wa vona la loveke, loko a nga ri munhu wa ku lova, leswaku Matsalwa ma hetiseka.

Marka 14:20

A hlamula a ku: “I un'wana wa n'wina lava khume na vambirhi, la phemaka na mina enkambaneni.

Yohane 13:26

Yesu a hlamula, a ku: “Hi loyi ndzi nga ta n'wi nyika vuswa loko ndzi phemile ndzi peta enkambaneni.” Kutani a peta xiphemu xa vuswa, a teka a xi nyika Yudasi n'wana Simoni Iskariyota.

Yohane 6:70

Yesu a va hlamula, a ku: “Xana a hi mina ndzi nga mi hlawula, n'wina lava khume na vambirhi? Kasi un'wana wa n'wina i nala!”

Yohane 15:19

Loko a mi ri va misava, misava a yi ta rhandza swa yona. Kambe leswi mi nga riki va misava, ni leswi ndzi mi hlawuleke eka yona, misava ya mi venga.

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Yohane 15:16

A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya, mi ya veka mihandzu, ni leswaku mihandzu ya n'wina yi va kona masiku hinkwawo; kutani xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

Matewu 10:36

va ndyangu wa munhu va ta va valala va yena.’

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

2 Vakorinto 4:5

Hina a hi titwarisi, kambe hi twarisa Kriste Yesu, hi ku: I Hosi! Kutani hina hi tivula malandza ya n'wina hikwalaho ka Yesu.

Yeremiya 41:2

Hiloko Iximaele n'wana Netaniya ni vavanuna va khume lava a va ri na yena, va suka va yima, va tlhava Gedaliya n'wana Ahikama wa Xafani hi matlhari, va n'wi dlaya (kasi Gedaliya loyi a a vekiwile hi hosi ya Babilona ku va mulanguteri wa tiko).

Matewu 26:21

Va ku va ha dya, a ku ka vona: “Ndzi tiyisile ndzi ri ka n'wina: Un'wana wa n'wina ú ta ndzi xenga.”

Marka 14:17

Loko dyambu ri perile, Yesu a fika ni lava khume na vambirhi.

Marka 14:18

Kuteloko va tshamile, va ri karhi va dya, Yesu a ku: “Ndzi tiyisile ndzi ri ka n'wina: Un'wana wa n'wina ú ta ndzi xenga ... la dyaka na mina.”

Luka 22:21

Kambe vonani, loyi a ndzi xengaka ú le ku dyeni na mina sweswi.

Yohane 13:21

Loko Yesu a vurile timhaka teto, a karhateka emoyeni, kutani a boxa, a ku: “Ndzi tiyisisile, ndzi ri ka n'wina: Un'wana wa n'wina ú ta ndzi xenga.”

Yohane 13:22

Vadyondzisiwa va langutana, va kanakana, hikuva a va nga tivi leswaku ú vula mani.

Yohane 15:25

A swi ri leswaku rito leri nga tsariwa eNawini wa vona ri hetiseka, leri nge: ‘Va ndzi vengile ntsena ehandle ka mhaka.’

Yohane 18:32

(Leswi a ku ri ku hetisa rito leri Yesu a tshamaka a ri vula loko a fanisa rifu leri a nga ta fanela ku fa ha rona.)

Yohane 19:24

Kutani va byelana, va ku: “Hi nga wu handzuleni, kambe a hi hoxeni vuhlolotwana, hi ta tiva leswaku wu ta va wa mani.” Leswi a ku ri ku hetisa Tsalwa leri nge: “Va avelene tinguvu ta mina, va kumile xiambalo xa mina hi ku hoxa vuhlolotwana.” Hi swo leswi masocha ma nga endla swona.

Yohane 19:36

Hakunene timhaka leti ti humelerile leswaku Tsalwa ri hetiseka, leri nge: “A ku na rhambu na rin'we ra yena leri nga ta tshoviwa.”

Timhaka 1:2

ku ya fika siku leri a nga tlakuriwa ha rona a ya etilweni, loko a lerisile, hi Moya lowo Kwetsima, vaapostola lava a a va hlawurile.

Timhaka 1:16

“N'wina varikwerhu, a swi fanele leswaku Tsalwa ri hetiseka, leri Moya lowo Kwetsima wu nga ri vula hi nomo wa Davhida, ehenhla ka Yudasi loyi a a ri mufambisi wa lava khomeke Yesu.