Yohane 12:49 - BIBELE Mahungu Lamanene

⁴⁹ Hikuva a ndzi vulavulanga swo huma emiehleketweni ya mina, kambe Loyi a ndzi rhumeke, yena Tatana hi xiviri xa yena, ú ndzi lerisile leswi ndzi faneleke ku swi tivisa ni ku swi vula.

Testamente Leyimpsha Xichangana

⁴⁹ Hikuva anivulavulanga svohuma ka mina, kambe Lweyi anirhumeke, yena Tatana hi xiviri xa yena, anileletile lesvi nifaneleke kusvitivisa ni kusvivula.

Xitsonga (Bibele)

⁴⁹ Hikuva a ndzi vulavulanga ndzi tisungulela swa mina; kambe Tatana la ndzi rhumeke, hi yena la ndzi leriseke leswi ndzi swi vulaka, ni mukhuva lowu ndzi swi vulaka ha wona;

Yohane 12:49 Referans Kwoze

Yohane 14:10

Xana a wu pfumeri leswaku ndzi le ka Tatana, ni leswaku Tatana ú le ka mina xana? Leswi ndzi mi byelaka swona a swi humi emiehleketweni ya mina. Tatana la nge ka mina, hi yena la tirhaka mintirho leyi ya yena.

Yohane 8:26

Ndzi ni leswo tala leswi ndzi nga swi vulaka ni ku swi avanyisa ehenhla ka n'wina; kambe Loyi a ndzi rhumeke i ntiyiso wa xiviri; kutani leswi ndzi swi tweke eka yena, ndzi swi tivisa misava.”

Yohane 5:30

“Ndzi nga ka ndzi nga tisunguleli ndzi endla xilo hi ndzexe; ndzi avanyisa hilaha ndzi byeriwaka hakona; hikokwalaho, ku avanyisa ka mina ku lulamile, hikuva a ndzi lavi ku endla ku rhandza ka mina, kambe ku rhandza ka Loyi a ndzi rhumeke.

Yohane 17:8

hikuva ndzi va nyikile marito lawa u ndzi nyikeke wona; va ma amukerile, kutani va dyondzile hakunene leswaku ndzi huma eka wena, kutani va pfumerile leswaku ndzi rhumiwile hi wena.

Duteronoma 18:18

Ndzi ta va rhumela muprofeta loyi a fanaka na wena, loyi a nga ta huma eka va ka vona. Ndzi ta n'wi byela leswi a faneleke ku vulavula swona, kutani yena ú ta va tivisa hinkwaswo leswi ndzi nga ta n'wi lerisa swona.

Yohane 14:31

Hinkwaswo leswi, swi lava ku komba misava leswaku ndzi rhandza Tatana, ni leswaku ndzi tirha hilaha Tatana a ndzi leriseke hakona. Sukani mi yima, a hi fambeni hi suka la!

Yohane 15:15

A ndza ha mi vuri malandza, hikuva nandza a nga tivi lexi n'wini wa yena a xi endlaka; kambe ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tata wa mina.

Yohane 8:42

Yesu a ku ka vona: “Loko Xikwembu a xi ri tata wa n'wina, a mi ta ndzi rhandza, hikuva mina sweswi ndzi nga kwala ndzi huma eka Xikwembu. A ndzi lo titisa, kambe ndzi rhumiwile hi xona.

Yohane 3:32

Yena ú vula vumbhoni bya leswi a swi voneke ni ku swi twa, kambe a ku na loyi a amukelaka vumbhoni bya yena.

Yohane 3:11

Ndzi tiyisisile ndzi ri ka wena, hi vulavula hi leswi hi swi tivaka, naswona hi veka vumbhoni bya leswi hi swi voneke; kambe a mi amukeri vumbhoni bya hina.

Nhlavutelo 1:1

Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Yohane 5:19

Kutani Yesu a ku ka vona: “Ndzi tiyisisile ndzi ri ka n'wina, N'wana a nga ka a nga tisunguleli a endla xilo hi yexe; ú endla ntsena lexi a xi voneke xi endliwa hi Tata wa yena; hinkwaswo leswi Tatana a swi endlaka, na yena N'wana wa swi endla.

Yohane 6:68

Simoni Petro a hlamula, a ku ka yena: “Hosi, hi nga ya ka mani xana? U ni marito ya vutomi lebyi nga heriki.

Yohane 7:16

Yesu a va hlamula a ku: “Dyondzo leyi ndzi yi dyondzisaka a hi ya mina, kambe i ya Loyi a ndzi rhumeke.

Yohane 8:28

Hikokwalaho, Yesu a ku ka vona: “Loko mi ta va mi tlakusile N'wana-wa-Munhu, hi kona mi nga ta tiva leswaku ‘Mina ndzi yena’. Naswona mi ta tiva leswaku a ndzi endli nchumu hi ku tirhandzela ka mina, kambe ndzi vula swilo leswi hilaha Tatana a ndzi dyondziseke hakona.

Yohane 14:24

Loyi a nga ndzi rhandziki, a nga hlayisi marito ya mina; kutani rito leri mi ri twaka, a hi ra mina, kambe i ra Tatana la ndzi rhumeke.