Yohane 12:40 - BIBELE Mahungu Lamanene

⁴⁰ “Ú phumisile mahlo ya vona, ni ku tlanyata miehleketo ya vona, leswaku va nga ha voni, ni ku twisisa va nga ha twisisi, ni leswaku va nga hundzuki, na mina ndzi nga va hanyisi.”

Testamente Leyimpsha Xichangana

⁴⁰ “Aphumisile mahlo ya vona, ni kutlanyata miyehleketo ya vona, lesvaku vangahavoni, ni kutwisisa vangahatwisisi, ni lesvaku vangahundzuki, na mina ningavahanyisi.”

Xitsonga (Bibele)

⁴⁰ “U phumerisile mahlo ya vona, u nonon'hwisile timbilu ta vona, leswaku va nga tshuki va vona hi mahlo, va nga tshuki va twisisa hi timbilu va nga tshuki va hundzuka, kutani ndzi nga tshuki ndzi va hanyisa.”

Yohane 12:40 Referans Kwoze

Esaya 6:10

A engeta a ku ka mina: “Nonon'hwisa timbilu ta vanhu lava, u va pfala tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, hikuva va nga tshuka va hundzuka, kutani va rivaleriwa.”

Luka 8:10

Kutani a ku: “N'wina, mi nyikiwile ku tiva swihundla swa Mfumo wa Xikwembu, kambe van'wana va nyikiwa swona hi swifaniso, leswaku: “ ‘Ni loko va vona, va nga vonisisi, ni loko va twa, va nga twisisi.’

Marka 4:12

Swi ri leswaku, “ ‘loko ku ri ku vona, va vona kambe va nga vonisisi, hambi ku ri ku twa, va twa kambe va nga twisisi, leswaku va nga tshuki va hundzuka, va rivaleriwa swidyoho.’ ”

Esaya 29:10

HOSI Xikwembu xi mi huhuterile moya wa vurhongo lebyikulu; xi pfarile mahlo ya n'wina, va nga vaprofeta, xi khubumeta ni tinhloko ta n'wina, va nga vamavonakule.

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Yohane 9:39

Yesu a ku: “Ndzi tile emisaveni leyi ku ta avanyisa vanhu, leswaku lava nga voniki va kota ku vona, ni leswaku lava vonaka va hundzuka lavo-fe-mahlo.”

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Hosiya 14:4

Ku tiarisa ka vona, ndzi ta ku tshungula; ndzi ta va rhandza hi mbilu hinkwayo, hikuva sweswi a ndza ha va hlundzukelanga.

Hosiya 6:1

“Tanani, hi tlhelela eka HOSI Xikwembu; leswi xi hi handzuleleke, xi ta hi horisa, timbanga leti xi hi boxeke tona, xi ta ti bohelela.

Ezekiele 12:2

“Wena munhu, u tshama exikarhi ka vanhu lava tiarisaka; va ni mahlo ni tindleve, kambe a va voni nchumu, ni ku twa a va twi!

Yeremiya 3:22

Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Pisalema 147:3

Xi horisa lava vavisekaka timbilu, xi bohelela timbanga ta vona.

Pisalema 41:4

Mina ndzi te: “We HOSI, ndzi twele vusiwana, u ndzi horisa, hambileswi ndzi ku dyoheleke.”

Pisalema 6:2

Ntamu wa mina wa hela we HOSI, ndzi twele vusiwana! Ndzi horise, hikuva marhambu ya mina ya pandza,

Yoxuwa 11:20

HOSI Xikwembu hi xona xi nga nonon'hwisa timbilu ta vanhu lava leswaku va ta lwa nyimpi ni Vaisraele. HOSI Xikwembu a xi endlela leswaku vanhu lava va nga tweriwi vusiwana, kambe va herisiwa va nyamalalela makumu hilaha xi leriseke Muxe hakona.

Duteronoma 29:4

Kambe ku fikela namuntlha, HOSI Xikwembu a xi si mi pfula mahlo ni tindleve, mi kota ku twisisa leswi humeleleke.

Varhoma 9:18

Loko swi ri tano ke, Xikwembu xi tsetselela loyi xi rhandzaka ku n'wi tsetselela; kutani xi nonon'hwisa loyi xi rhandzaka ku n'wi nonon'hwisa.

Timhaka 28:26

“ ‘Famba u ya byela vanhu lava u ku: Ku twa mi ta twa, kambe a mi nga twisisi, ku vona mi ta vona, kambe a mi nga vonisisi!

Matewu 15:14

Va tshikeni, hi lavo-fe-mahlo lava fambisaka lavo-fe-mahlo. Loko lowo-fe-mahlo a fambisa lowo-fe-mahlo, va ta wela ekheleni hi vumbirhi bya vona.”

Ezekiele 14:9

“Loko un'wana wa vaprofeta o tshuka a xiseka, a ringeta ku hlamula vanhu lava, hi mina HOSI ndzi nga ta va ndzi xisile muprofeta yoloye; kutani ndzi ta tlakusa voko ra mina ndzi n'wi ba, ndzi n'wi susa exikarhi ka Vaisraele vanhu va mina.

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Timhaka 15:3

Kereke yi va longela yi ku: “Tindlela a ti base!” Kutani va tsemakanya matiko ya Fenikiya ni ya Samariya, va ri karhi va hlamusela hilaha vamatiko va hundzukeke hakona; kutani vamakwavo eHosini hinkwavo va tsakisiwa ngopfu hi mhaka leyi.

Marka 6:52

hikuva a va nga twisisanga swa mahlori ya swinkwa, naswona timbilu ta vona a ti ri leto nonon'hwa.

Esaya 53:5

Kasi a a boxiwa timbanga hikwalaho ka milandzu ya hina, a xanisiwa hikwalaho ka swidyoho swa hina. Ku biwa ka yena ku hi tisele ku rhula, hi hanyisiwile hi mafelangati ya yena.

Esaya 26:11

U tlakusile voko ra wena, we HOSI, kambe a va ri voni. Va kombe leswaku u hisekela vanhu va wena, va ta khoma hi tingana, va herise hi ndzilo lowu a wu wu lunghisele valala va wena!

Eksoda 14:17

Mina ndzi ta nonon'hwisa timbilu ta Vaegipta leswaku va ta nghena elwandle va landza Vaisraele; kutani ndzi ta dzunisiwa swinene hi mhaka ya leswi swi nga ta humelela eka Faro, ni le ka mavuthu ni makalichi ya yena, ni le ka vagadi va tihanci ta yena.

Eksoda 14:8

HOSI Xikwembu xi nonon'hwisa mbilu ya Faro hosi ya Egipta, kutani a landza Vaisraele loko va ri karhi va huma va ntshunxekile swinene.

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

Eksoda 7:13

Hambiswiritano, Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 7:3

Kambe mina ndzi ta nonon'hwisa mbilu ya Faro, lero hambiloko ndzi andzisa swikombiso ni swihlamariso etikweni ra Egipta,

Eksoda 4:21

Kutani HOSI Xikwembu xi ku ka Muxe: “Loko u tlhelerile etikweni ra Egipta, vona leswaku u endla, emahlweni ka Faro, swihlamariso hinkwaswo leswi ndzi ku nyikeke matimba ya ku swi endla; kambe ndzi ta nonon'hwisa mbilu ya yena, leswaku a nga pfumeleli Vaisraele ku famba.

1 TIHOSI 22:20

HOSI Xikwembu a xi ri karhi xi va vutisa xi ku: ‘Xana i mani la nga ta yenga Akabu ku ya hlasela Ramoto-Giliyadi, leswaku a ta ya fela kona, xana?’ Un'wana ú vula leswi, un'wana a vula leswiya.

Eksoda 9:12

Kambe HOSI Xikwembu xi nonon'hwisa mbilu ya Faro, a nga yingisi Muxe na Aroni, tanihilaha a xi byerile Muxe hakona.

Eksoda 10:1

Kutani HOSI Xikwembu xi ku ka Muxe: “Yana u ya nghena emutini wa Faro. Ndzi nonon'hwisile mbilu ya yena ni timbilu ta malandza ya yena, leswaku ndzi ta humesa swikombiso swa mina exikarhi ka vona,

Eksoda 11:10

Hakunene, hambileswi Muxe na Aroni va endleke swihlamariso leswi emahlweni ka Faro, HOSI Xikwembu xi nonon'hwisile mbilu ya yena, kutani a ala ku tshika vanhu va Israele va famba, va huma etikweni ra yena.

Esaya 6:9

Kutani a ku: “Famba u ya byela vanhu lava, u ku: “ ‘Ku twa mi ta twa, kambe a mi nga twisisi; ku vona mi ta vona, kambe a mi nga vonisisi!’ ”

Yohane 12:39

A va kotanga ku pfumela, hikwalaho Esaya a engeta a ku: