Yohane 12:32 - BIBELE Mahungu Lamanene

³² Kambe mina, loko ndzi ta va ndzi tlakuriwile ndzi suka emisaveni, ndzi ta kokela vanhu hinkwavo eka mina.”

Testamente Leyimpsha Xichangana

³² Kambe mina, loko nitava nitlakuliwile nisuka misaveni, nitakokela vanhu hinkwavu ka mina.”

Xitsonga (Bibele)

³² Kutani mina, kutakuloko ndzi ta va ndzi tlakusiwile emisaveni, ndzi ta kokela vanhu hinkwavo eka mina.”

Yohane 12:32 Referans Kwoze

Yohane 8:28

Hikokwalaho, Yesu a ku ka vona: “Loko mi ta va mi tlakusile N'wana-wa-Munhu, hi kona mi nga ta tiva leswaku ‘Mina ndzi yena’. Naswona mi ta tiva leswaku a ndzi endli nchumu hi ku tirhandzela ka mina, kambe ndzi vula swilo leswi hilaha Tatana a ndzi dyondziseke hakona.

Yohane 3:14

Ku fana na leswi Muxe a tshamaka a hayeka nyoka emananga, N'wana-wa-Munhu na yena ú ta fanela ku hayekiwa hi mukhuva wolowo,

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Yohane 6:44

A ku na munhu la nga taka ka mina, loko a nga kokeriwi ka mina hi Tatana la ndzi rhumeke, kutani mina ndzi ta n'wi pfuxa hi siku ra makumu.

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

1 Timotiya 2:6

loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

Vaheveru 2:9

Kambe hi vona Yesu, loyi a nga endliwa ku va hansi ka tintsumi nkarhinyana, sweswi a nga nyikiwa ku kwetsima ni ku twala swi va harhi ya vuhosi enhlokweni ya yena, hi mhaka ya ku twisiwa ku vaviseka ka rifu; a swi ri leswaku, hi tintswalo ta Xikwembu, a twa nhlomulo wa rifu hikwalaho ka munhu un'wana ni un'wana.

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Yohane 1:7

Ú tile ku va mbhoni, ku ta veka vumbhoni ehenhla ka ta ku vonakala leswaku hinkwavo va ta pfumela hikwalaho ka yena.

Hosiya 11:4

Ndzi va fambisile hi moya wa ntwelavusiwana ni tintswalo, kutani eka vona ndzi hundzukile mupfuni loyi a va vevukiselaka mpingu; ndzi titsongahatile ndzi ta eka vona, ndzi ta va phamela swakudya.

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Yohane 19:17

kutani a huma a byarhile xihambano xa yena n'wini, a ya endhawini leyi a va ku i “Ndhawu ya Pala”, leyi hi Xiheveru va nge i “Gologota”.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Yohane 12:34

Ntshungu wu n'wi hlamula, wu ku: “Hi twile eNawini leswaku Mesiya ú ta hanya hilaha ku nga heriki; u nga vurisa ku yini wena, leswi u nge: ‘N'wana-wa-Munhu ú fanele ku tlakuriwa’ xana? I mani N'wana-wa-Munhu loyi xana?”

Risimu ra Tinsimu 1:4

Hatlisa u ndzi koka, hi tsutsuma swin'we. Ndzi nghenise endlwini ya wena, we hosi yanga. Hi ta ku dzunisa, hi ku tsakela; hi ta tlangela rirhandzu ra wena, leri tsokombelaka ku tlula vhinyo. Kunene swa fanela leswaku vanhwana va ku rhandza.

2 SAMIELE 18:9

Abixalomu o tshuka a hlangene ni masocha ya Davhida, a gadile meyila, kutani loko yi hundza hi le hansi ka marhavi lama phasa-phasaneke ya murhi lowukulu, nhloko ya Abixalomu yi khomiwa hi marhavi, a sala a ncikinyile empfhukeni, meyila yona yi hundzela emahlweni.

Esaya 11:10

Eminkarhini yoleyo, loyi a humaka erimitswini ra Yese, ú ta fana ni mujeko lowu dzimeriweke matiko hinkwawo; vanhu hinkwavo va ta ya vutisa timhaka eka yena; hinkwako laha a nga ta va a tshama kona, ku ta va ku sasekile.

Yohane 18:32

(Leswi a ku ri ku hetisa rito leri Yesu a tshamaka a ri vula loko a fanisa rifu leri a nga ta fanela ku fa ha rona.)

Tinhlayo 21:9

Muxe a vumba nyoka hi koporo, kutani a yi hayeka emhandzeni. Loko munhu un'wana a tshuka a lumiwile hi nyoka, a a languta leyi ya koporo, kutani a hanya.