Yohane 12:31 - BIBELE Mahungu Lamanene

³¹ Misava leyi sweswi ya karhi ya avanyisiwa, kutani mufumi wa misava leyi ú ta hlongoriwa sweswi.

Testamente Leyimpsha Xichangana

³¹ Misava leyi svosvi yikarhi yiyavanyisiwa, kutani hosana ya misava leyi atahlongoliwa svosvi.

Xitsonga (Bibele)

³¹ Sweswi, ku avanyisa ka misava leyi, ku kona; kutani hosi ya misava leyi, yi ta hlongoleriwa ehandle.

Yohane 12:31 Referans Kwoze

2 Vakorinto 4:4

xikwembu xa misava leyi xi pfarile miehleketo ya vanhu lava va nga pfumeriki; xi va sive mahlo leswaku va nga voni ku vangama ka Mahungu Lamanene lama twarisaka ku kwetsima ka Kriste, yena loyi a nga xifaniso xa Xikwembu.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi le hansi ka matimba ya Lowo biha.

1 Yohane 3:8

Loyi a tshamelaka ku dyoha i wa Diyavulosi, hikuva Diyavulosi ú dyohile ku sukela eku sunguleni. Lexi N'wana wa Xikwembu a humeleleke ku ta endla xona, a ku ri ku ta herisa mintirho ya Diyavulosi.

Vaefesa 6:12

Hikuva a hi lwi ni vanhu va misava leyi, kambe hi lwa ni mimoya leyo biha leyi nge henhla emimpfhukeni: Hi lwa ni tindhuna, ni vafumi, ni tihosi leti fumaka ta nguva leyi ya munyama.

Yohane 14:30

A ndzi nga ha vulavuri swo tala na n'wina, hikuva mufumi wa misava leyi wa ta; kambe a nga na matimba ehenhla ka mina.

Vaheveru 2:14

Hikokwalaho, leswi vana va nga va nyama ni ngati yin'we hinkwavo, swi tano na yena: I wa ntumbuluko wun'we na vona leswaku, hi rifu ra yena, a ta kota ku herisa loyi a nga ni matimba ya rifu, a nga yena Diyavulosi,

Vakolosa 2:15

Kriste ú hetile matimba ya mimoya ya vundhuna ni ya vufumi, a yi endla xisolo erivaleni, hi ku yi hlulela makumu hi xihambano.

1 Yohane 4:4

Kambe n'wina vana vanga, mi va Xikwembu, kutani mi hlurile va mavunwa, hikuva Moya lowu nga eka n'wina wu tlula hi vukulu moya lowu wu nga eka vanhu va misava.

Matewu 12:28

Kambe loko ndzi hlongola mademona hi Moya wa Xikwembu, swi vula leswaku Mfumo wa Xikwembu wu tile eka n'wina.

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Esaya 49:24

Vaisraele va vutisa va ku: “Xana swi nga koteka ku tekela nhenha leswi yi swi phangheke, kumbe ku ntshunxa lava mufumi wa tihanyi a va khomeke, xana?”

Yohane 3:19

Ku avanyisiwa ku ta hi mhaka leyi: Hileswaku ku vonakala ku tile emisaveni, kambe vanhu va rhandzile munyama ku tlula ku vonakala, hikuva mintirho ya vona a yi ri leyo biha.

Yohane 9:39

Yesu a ku: “Ndzi tile emisaveni leyi ku ta avanyisa vanhu, leswaku lava nga voniki va kota ku vona, ni leswaku lava vonaka va hundzuka lavo-fe-mahlo.”

1 Vakorinto 1:20

Yi kwihi ntlhari xana? Ú kwihi mutsari xana? Loyi a tsakelaka ku phikisana na van'wana hi swa misava leyi, ú kwihi ke? Xana Xikwembu a xi kombanga leswaku vutlhari bya misava leyi i vuhunguki ke?

1 Vakorinto 1:21

Hikuva, evutlharini bya xona, Xikwembu xi endlile leswaku vanhu va misava, hi vutlhari bya vona, va tsandzeka ku xi tiva. Kutani swi tsakisile Xikwembu ku ponisa lava pfumelaka, hi ku tirhisa swo sweswi vanhu va nge i “vuhunguki”, loko hi twarisa Rito.