Yohane 12:26 - BIBELE Mahungu Lamanene

²⁶ Loko munhu a ndzi tirhela, a a ndzi landze, kutani laha ndzi nga kona, na yena nandza wa mina ú ta va kona. Loko munhu a ndzi tirhela, Tatana ú ta n'wi komba mafundzha.

Testamente Leyimpsha Xichangana

²⁶ Loko munhu anitirhela, aanilandze, kutani laha ninga kona, na yena nandza wa mina atava kona. Loko munhu anitirhela, Tatana atamukomba malwandla.

Xitsonga (Bibele)

²⁶ Kungakuloko munhu a ndzi tirhela, a a ndzi landze; kutani laha ndzi nga kona la, ndzi tirhelaka, na yena u ta va kona; loko munhu a ndzi tirhela, Tatana u ta n'wi dzunisa.

Yohane 12:26 Referans Kwoze

Vagalatiya 1:10

Xana sweswo swi komba leswaku ndzi navela ku nkhensiwa hi vanhu kumbe hi Xikwembu ke? Xana ndzi vonaka ndzi ri la ringetaka ku tsakisa vanhu ke? Loko onge ndza ha ringeta ku endla sweswo, a ndzi nga ta va nandza wa Kriste.

1 SAMIELE 2:30

Hikokwalaho, HOSI Xikwembu xa Israele xi vurisa sweswo xi ri: ‘A ndzi hlambanyile ndzi ku, va ndyangu wa wena ni va rixaka ra wena va ta va vaprista, va ndzi tirhela hilaha ku nga heriki; kambe ku sukela sweswi, mina HOSI ndzi ri: Swi nga ka swi nga ha endleki, hikuva lava va ndzi xiximaka, ndza va xixima, kambe lava va ndzi nyenyaka, a va nga ha vi nchumu eka mina.

Vakolosa 3:24

hikuva ma swi tiva leswaku mi ta nyikiwa ndzhaka hi Hosi, yi ri hakelo ya n'wina. Mi le ku tirheleni ka Hosi ya hina Kriste.

Varhoma 1:1

Ku tsala mina Pawulo, nandza wa Kriste Yesu, muapostola loyi a nga hlawuriwa ni ku vitaniwa leswaku a ta twarisa Evhangeli ya Xikwembu.

Yohane 17:24

Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

Yohane 10:27

Tinyimpfu ta mina ti yingisa rito ra mina; ndza ti tiva, kutani ta ndzi landzelela.

2 Vakorinto 5:8

kutani ndzi ri, hi tiya nhlana, naswona a hi ta tsakela ku rhurha emirini lowu, leswaku hi ta va ekaya eHosini.

Yuda 1:1

Mina Yuda, nandza wa Yesu Kriste ni makwavo wa Yakobo, ndzi tsalela lava Xikwembu Tatana xi va vitaneke, lava hanyaka erirhandzwini ra xona, va ri karhi va hlayisiwa hi Yesu Kriste, ndzi ri:

1 Yohane 5:3

Hikuva ku rhandza Xikwembu, swi vula ku hlayisa milawu ya xona, naswona milawu leyi ya xona a yi tiki.

2 Petro 1:1

Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:

2 Vakorinto 4:5

Hina a hi titwarisi, kambe hi twarisa Kriste Yesu, hi ku: I Hosi! Kutani hina hi tivula malandza ya n'wina hikwalaho ka Yesu.

Varhoma 14:18

Loyi a tirhelaka Kriste hi mukhuva wolowo, ú tsakisa Xikwembu, naswona ú nkhensiwa hi vanhu.

Yohane 15:20

Tsundzukani leswi ndzi mi byeleke swona, loko ndzi te: ‘Nandza a hi nkulu eka n'wini wa yena.’ Loko va ndzi xanisile, na n'wina va ta mi xanisa; loko va hlayisile rito ra mina, ni ra n'wina va ta ri hlayisa.

Luka 6:46

“Xana mi ndzi vulela yini: ‘Hosi, Hosi’ xana, kasi a mi endli leswi ndzi mi byelaka swona!

Swivuriso 27:18

Loyi a hlayisaka nkuwa wa yena, ú ta dya mihandzu ya wona; swi tano ni loyi a hlayisaka n'wini wa yena, ú ta nkhensiwa.

Pisalema 91:15

Loko a ndzi vitana, ndzi ta n'wi hlamula, ndzi ta va na yena emaxangwini, ndzi n'wi lamulela ndzi n'wi nyika ni ndzhuti.

Vafilipiya 1:23

Ndzi susumetiwa hala ni hala: Ku navela ka mina i ku rhurha ndzi ya tshama na Kriste, hikuva hi swona leswi sasekeke ngopfu;

Yohane 14:3

Loko ndzi yile ku ya mi lunghisela kona, ndzi ta vuya; kutani ndzi ta mi teka mi ta ka mina, leswaku laha ndzi nga kona, mi va kona na n'wina.

Yohane 13:16

Ndzi tiyisisile ndzi ri ka n'wina: Nandza a hi nkulu eka n'wini wa yena, ni murhumiwa a hi nkulu eka loyi a n'wi rhumeke.

Luka 9:23

Kutani a byela vanhu hinkwavo a ku: “Loko munhu a lava ku ndzi landza, a a titshike, a tirhwexa xihambano xa yena siku rin'wana ni rin'wana, kutani a ndzi landza.

Matewu 25:21

N'wini wa yena a ku ka yena: ‘Hiswona nandza lonene, la tshembekeke; u tshembekile eswilweni swi nga ri swingani, ndzi ta ku veka ku va mulanguteri wa leswo tala; nghena eku tsakeni ka n'wini wa wena.’

Pisalema 17:15

Loko a ri mina, ndzi ta vona mombo wa wena ndzi ri loyi a pembeleke; loko ndzi pfuka, ndzi ta kolwa hi ku ku vona, wena hi xiviri xa wena!

Tinhlayo 14:24

Kambe Kalebe nandza wa mina, ndzi ta n'wi fikisa etikweni leri a a yile eka rona, hikuva yena ú ni moya wo hambana ni wa lavan'wana, naswona wa ndzi yingisa swinene, kutani vatukulu va yena va ta sala va teka tiko leri.

Nhlavutelo 14:4

Lava, hi lava va nga tinyamisangiki hi vavasati, hikuva va tengile. Hi lava va landzelelaka Xinyimpfana hinkwako lomu xi yaka kona. Lava hi lava va kutsuriweke exikarhi ka vanhu leswaku va va mihandzu yo rhanga ya ntshovelo, va humeseriwa Xikwembu ni Xinyimpfana.

Vakolosa 4:12

Epafra, loyi a nga un'wana wa n'wina, nandza wa Kriste Yesu, wa mi rungula; wa mi anakanya swinene masiku hinkwawo emikhongelweni ya yena, a kombela leswaku mi va lava hetisekeke ni lava tiyeke, eku endleni ka hinkwaswo leswi Xikwembu xi swi rhandzaka.

Yohane 21:22

Yesu a ku ka yena: “Loko ndzi lava leswaku a tshama ndzi kondza ndzi vuya, swi nga va yini eka wena ke? Wena, ndzi landze!”

Yohane 14:15

“Loko mi ndzi rhandza, mi ta hlayisa milawu ya mina.

Marka 8:34

Kuteloko a vitanile ntshungu ni vadyondzisiwa va yena, a ku ka vona: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza.

Matewu 16:24

Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Tinhlayo 32:11

‘Ndzi vula ndzi tiyisile leswaku, eka vanhu hinkwavo lava humeke etikweni ra Egipta va ri ni malembe ya 20 ni ku tlula, a ku na un'we wa vona la nga ta vona tiko leri ndzi hlambanyeke ku ri nyika Abrahama na Isaka na Yakobo, hikuva a va tinyiketelanga ku landza mina HOSI.

Luka 12:37

Ku katekile malandza lawa n'wini wa wona a nga ta ma kuma ma hitekile, siku a vuyaka! Ndzi tiyisile ndzi ri ka n'wina: Ú ta tikhama, a ma tshamisisa eswakudyeni, a ma phamela.