Yohane 12:25 - BIBELE Mahungu Lamanene

²⁵ La rhandzaka vutomi bya yena ku tlula mina, ú ta lahlekeriwa ha byona, kambe loyi a byi nyiketaka emisaveni leyi, ú ta byi hlayisela vutomi lebyi nga heriki.

Testamente Leyimpsha Xichangana

²⁵ Lweyi arhandzaka vutomi bza yena kutlula mina, atalahlekeliwa ha bzona, kambe lweyi abzinyiketaka misaveni leyi, atatihlayisela vutomi lebzingaheliki.

Xitsonga (Bibele)

²⁵ La rhandzaka vutomi bya yena u ta lahlekeriwa ha byona; kambe; la vengaka vutomi bya yena emisaveni leyi, u ta byi hlayisela evutomini lebyi nga heriki.

Yohane 12:25 Referans Kwoze

Matewu 10:39

Loyi a lavaka ku tihlayisela vutomi bya yena, ú ta lahlekeriwa ha byona; kambe loyi a lahlekeriwaka hi vutomi bya yena hikwalaho ka mina, ú ta byi kuma.

Luka 17:33

Un'wana ni un'wana loyi a nga ta lava ku tihlayisela vutomi bya yena, ú ta lahlekeriwa ha byona; kambe un'wana ni un'wana loyi a lahlekeriwaka hi vutomi bya yena, ú ta byi ponisa.

Marka 8:35

La rhandzaka ku tihlayisela vutomi bya yena, ú ta lahlekeriwa ha byona; kambe la lahlekeriwaka hi vutomi bya yena hikwalaho ka mina ni hikwalaho ka Evhangeli, ú ta byi ponisa.

Matewu 16:25

hikuva la rhandzaka ku tihlayisela vutomi bya yena, ú ta lahlekeriwa hi byona; kambe loyi a lahlekeriwaka hi vutomi bya yena hikwalaho ka mina, u ta tlhela a byi kuma.

Luka 14:26

“Loko un'wana a ta ka mina, kambe a nga ndzi rhandzi ku tlula tata wa yena, ni mana wa yena, ni nsati, ni vana, ni makwavo, hambi byi ri vutomi bya yena, a nga ka a nga vi mudyondzisiwa wa mina.

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.

Matewu 19:29

Kutani un'wana ni un'wana la tshikeke tindlu ta yena, kumbe vamakwavo va xinuna ni va xisati, kumbe tata wa yena, kumbe mana wa yena, kumbe vana, kumbe masimu, hikwalaho ka vito ra mina, ú ta nyikiwa swona ka dzana, a tlhela a dya ndzhaka ya vutomi lebyi nga heriki.

Timhaka 20:24

Hambiswiritano, ndzi vona leswaku ku lahlekeriwa hi vutomi, a swi na mhaka nikutsongo eka mina, loko ndzi nga kota ntsena ku heta leswi ndzi nga rhumiwa ku endla swona, ni ntirho lowu ndzi wu amukeleke eka Hosi Yesu, wa ku vula Mahungu Lamanene ya tintswalo ta Xikwembu.

Eklesiasta 2:17

Hiloko ndzi sungula ku venga vutomi hi byoxe, hikuva leswi humelelaka laha misaveni a swi ndzi nyiki ku rhula. Hakunene ku hava lexi pfunaka, ko va ku hlongorisa moya ntsena.

Timhaka 21:13

Kambe Pawulo a hlamula, a ku: “Xana mi endla yini loko mi rila hi mukhuva lowu ni ku ndzi tlhava mbilu ke? Kasi mina a ndzi tilunghiselanga ku bohiwa ntsena, kambe ndzi tilunghisele ni ku ya fela vito ra Hosi Yesu eYerusalema.”

Vaheveru 11:35

Vavasati va tlhele va kuma vafi va vona lava pfuxiweke eku feni. Van'wana va kombiwile maxangu, kambe va ala ku ntshunxiwa, leswaku va ta pfukela evuton'wini lebyi antswaka.