Yohane 11:38 - BIBELE Mahungu Lamanene

³⁸ Yesu a engeta a tlhaveka emoyeni, a ta kusuhi ni sirha. Sirha a ri ri bako, kutani bako ra kona a ri pfariwile hi ribye.

Testamente Leyimpsha Xichangana

³⁸ Yesu atlhela atlhaveka moyeni, ata kusuhi ni sirha. Sirha rakona arili mhakwa, mhakwa yakona ayipfaliwile hi ribze.

Xitsonga (Bibele)

³⁸ Yesu a engeta a tlhaveka embilwini ya yena, a ya esirheni. Kambe sirha a ri ri bakwa, kutani ribye a ri pfarile nyangwa ya rona.

Yohane 11:38 Referans Kwoze

Yohane 11:33

Loko Yesu a n'wi vona a ri karhi a ba nkosi a rila, ni loko a vona Vayuda lava n'wi heleketaka na vona va ri karhi va ba nkosi va rila, a tlhaveka swinene emoyeni ni ku twa ku vaviseka lokukulu;

Matewu 27:60

kutani a veka ntsumbu esirheni ra yena lerintshwa, leri a a ri kovotlile eribyeni; kutani a vumbuluxa ribye lerikulu ro pfala nomo wa sirha, a tifambela.

Yohane 20:1

Nimpundzu wa siku ra Sonto, loko ka ha phumile, Mariya wa Magadala a ya esirheni, kutani a ya kuma leswaku ribye ri susiwile enon'weni wa sirha.

Luka 24:2

Va kuma ribye ri vumbuluxiwele kule ni sirha.

Esaya 22:16

“Xana wena u tivona u ri mani, naswona u nyikiwile hi mani mpfumelelo wo tilunghisela sirha; hikwalaho ka yini u ya kovotla ribye exintshabyanini, u tilulamisela ndhawu leyi u nga ta lahliwa eka yona, xana?

Genesa 23:19

Endzhaku ka sweswo, Abrahama a lahla nsati wa yena Sara ebakweni leri nga nsin'wini ya le Makapela, evuxeni bya muti wa Mamre (hileswaku Hebroni), etikweni ra Kanana.

Marka 15:46

Yosefa a ya xava nceka wo saseka wo lahla ha wona; kutani a n'wi hawula, a n'wi phutsela ha wona, a n'wi veka esirheni leri kovotliweke eribyeni, kutani a vumbuluxa ribye ri pfala nomo wa sirha.

Marka 8:12

Yesu a hefemuteka ngopfu emoyeni wa yena a ku: “Rixaka leri ri kombelela yini mahlori? Ndzi tiyisile ndzi ri ka n'wina: Rixaka leri a ri nga kombiwi mahlori!”

Matewu 27:66

Kutani va ya, va ya tiyisa ribye hi mfungho wa vona, va veka ni valanguteri leswaku va sala va rindza.

Ezekiele 21:6

“Hikokwalaho wena munhu, huwelela u ba nkalanga u rila hi xiviti, Vaisraele va ri karhi va ku vona.

Ezekiele 9:4

HOSI Xikwembu xi ku ka yena: “Emutini wa Yerusalema, ku ni vanhu lava twaka ku vava, lava rilaka loko va vona manyala hinkwawo lama endliwaka emutini; kutani wena, rhendzeleka ni muti, u va fungha emimombyeni.”