Yohane 10:6 - BIBELE Mahungu Lamanene

⁶ Yesu ú va byerile xifaniso lexi, kambe vona a va twisisanga leswi a a va byela swona.

Testamente Leyimpsha Xichangana

⁶ Yesu avabzelile xifaniso lexi, kambe vona avatwisisanga lesvi aavabzela svona.

Xitsonga (Bibele)

⁶ Yesu a va byela xifaniso lexi, kambe vona a va swi twanga leswi a va byeleke swona.

Yohane 10:6 Referans Kwoze

Esaya 56:11

Varhangeri lava va fana ni timbyana to rhandza ngopfu swakudya, a va xurhi! I varisi lava nga ehleketiki, hinkwavo va endla leswi va tsakelaka swona, un'wana ni un'wana ú tirha leswi swi nga ta vuyerisa yena ntsena.

Swivuriso 28:5

Vanhu vo biha timbilu, a va tivi leswi lulameke, kambe lava gandzelaka HOSI Xikwembu, va swi tiva swinene.

Pisalema 82:5

“Kambe n'wina a mi na vutivi, ni ku twisisa a mi twisisi; mi gugurhuteka emunyameni, hikokwalaho masungulo ya misava hinkwayo ma tsekatseka.

Yohane 16:25

“Ndzi mi byerile timhaka leti hi ku vulavula hi swifaniso; kambe nkarhi wa ta, lowu ndzi nga ta ka ndzi nga ha vulavuri na n'wina hi mukhuva lowu; kambe ndzi ta mi byela swa Tatana erivaleni ndzi nga rhendzeleki.

Matewu 13:51

“Xana ma ti twisisa timhaka leti hinkwato ke?” Va ku ka yena: “Ina!”

Daniele 12:10

Lavo tala va ta tibasisa, va va lava tengeke; kambe lavo homboloka va ta endla leswo biha, naswona a ku nga vi na un'we wa vona loyi a nga ta twisisa leswi humelelaka. Kambe lava tlhariheke, hi vona ntsena lava nga ta twisisa.

Pisalema 106:7

Loko vatata wa hina va ri le Egipta, a va twisisanga mintirho leyo hlamarisa ya Xikwembu, a va tsundzukanga vukulu bya rirhandzu ra xona, kambe va tiarisile loko va ri kusuhi ni lwandle, rona Lwandle-ro-Tshwuka.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

1 Vakorinto 2:14

Munhu loyi a nga riki na Moya, a nga amukeri swa Moya wa Xikwembu, hikuva eka yena i vuhunguki; kutani wa hluleka ku swi twisisa, hikuva swi fanele ku avanyisiwa hi Moya.

Yohane 8:43

Hikwalaho ka yini mi nga twisisi leswi ndzi swi vulaka xana? I mhaka ya leswi mi tsandzekaka ku yingisa rito ra mina.

Yohane 8:27

A va tivanga leswaku a a vulavula na vona hi swa Tatana.

Yohane 7:36

Xana ú vula yini, loko a ku: ‘Mi ta ndzi lava, kambe a mi nga ndzi kumi’, ni loko a ku: ‘Laha ndzi nga ta va kona, mi nga ka mi nga ti?’ ”

Yohane 6:60

Loko vadyondzisiwa va Yesu lavo tala va twile leswi, va ku: “Rito leri ra nonon'hwa; i mani la nga ri tiyelaka xana?”

Yohane 6:52

Vayuda va kanetana hi xivona, va ku: “Xana munhu loyi a nga hi nyikisa ku yini nyama ya yena leswaku hi dya xana?”

Matewu 13:34

Yesu ú byerile mintshungu timhaka teto hinkwato hi swifaniso; a nga va byelanga nchumu loko ku nga ri hi swifaniso,

Marka 4:34

A nga va byelanga nchumu, loko ku nga ri hi ku tirhisa xifaniso; kambe loko va ri etlhelweni, a hlamusela hinkwaswo eka vadyondzisiwa va yena.

Yohane 16:29

Vadyondzisiwa va yena va ku ka yena: “Aha! Sweswi u vulavula erivaleni u nga rhendzeleki; a wa ha vulavuli hi swifaniso.

2 Petro 2:22

Swi va humelele hilaha xivuriso xa ntiyiso xi vuleke hakona, loko xi te: “Mbyana yi vuyela emahlanteni ya yona.” Naswona: “Nguluve, loko yi hlantswiwile, yi tlhela yi puluvundza endzhopeni!”