Yohane 10:38 - BIBELE Mahungu Lamanene

³⁸ Kambe loko ndzi endla yona, hambi mi nga ndzi pfumeli, pfumelani yona mintirho, mi ta tiva ni ku twisisa leswaku Tatana ú le ka mina, na mina ndzi le ka Tatana.”

Testamente Leyimpsha Xichangana

³⁸ Kambe loko niyendla yona, hambi minganipfumeli, pfumelani yona mintirho, mitativa ni kutwisisa lesvaku Tatana a le ka mina, na mina ni le ka Tatana.”

Xitsonga (Bibele)

³⁸ Kambe loko ndzi yi tirha, hambi mi nga pfumeri eka mina, pfumelani mitirho leyi, leswaku mi tiva, mi va mi pfumela leswaku Tatana u le ka mina, na mina ndzi le ka yena.”

Yohane 10:38 Referans Kwoze

Yohane 14:20

Hi siku ra kona, mi ta tiva leswaku ndzi le ka Tata wa mina, ni leswaku na n'wina mi le ka mina, kukotisa leswi na mina ndzi nga eka n'wina.

Yohane 10:30

Mina na Tatana hi un'we.”

Yohane 10:25

Yesu a va hlamula, a ku: “Ndzi mi byerile, kambe a mi pfumeri. Mintirho leyi ndzi yi endlaka hi vito ra Tata wa mina, yi veka vumbhoni ehenhla ka mina.

Timhaka 2:22

“Vavanuna va Israele, yingisani marito lawa: Yesu wa Nazareta, a a ri wanuna loyi Xikwembu xi nga mi komba yena, hi mintirho ya matimba, ni swihlamariso, ni mahlori lawa xi ma endleke ha yena exikarhi ka n'wina, hilaha mi swi tivaka hakona na n'wina;

Yohane 3:2

Siku rin'wana, ú tile eka Yesu ni vusiku, a fika a ku: “Mufundhisi, ha swi tiva leswaku u mudyondzisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 5:36

Kambe vumbhoni lebyi ndzi nga na byona byi tlula bya Yohane, hikuva mintirho leyi Tatana a ndzi nyikeke leswaku ndzi yi hetisisa, yi nga yona mintirho leyi ndzi yi endlaka, hi yona leyi vekaka vumbhoni ehenhla ka mina, bya leswaku ndzi rhumiwile hi Tatana.

Yohane 17:11

A ndza ha ri emisaveni, kambe vona va laha misaveni, kutani ndzi ta kwaleyo ka wena. Tatana la kwetsimeke, va hlayise hi matimba ya vito ra wena, leri u ndzi nyikeke rona, leswaku va va un'we ku fana na hina.

Yohane 11:4

Loko Yesu a twa sweswo, a ku: “Vuvabyi lebyi a byi nga yisi eku feni, kambe i bya ku dzunisa Xikwembu, ni leswaku N'wana wa Xikwembu a dzunisiwa hikwalaho ka byona.”

1 Yohane 3:24

Loyi a hlayisaka milawu ya xona, ú tshame eka xona, na xona eka yena. Kutani ndlela leyi hi tivaka leswaku xi tshame ka hina, hi leyi: Hileswaku hi ni Moya lowu xi hi nyikeke wona.