Yohane 10:28 - BIBELE Mahungu Lamanene

²⁸ Ndzi ti nyika vutomi lebyi nga heriki; ti nga ka ti nga lovi ni siku ni rin'we, naswona a ku na munhu la nga ta ti vutla evokweni ra mina.

Testamente Leyimpsha Xichangana

²⁸ Kutani nitinyika vutomi lebzingaheliki; tingakala tingalovi, nasvona aku na munhu lweyi angatativutla vokweni ra mina.

Xitsonga (Bibele)

²⁸ mina ndzi ti nyika vutomi lebyi nga heriki; ti nga ka ti nga lovi, ni siku ni rin'we, kambe a ku na munhu la nga ti vutlaka evokweni ra mina.

Yohane 10:28 Referans Kwoze

Yohane 6:37

Hinkwavo lava Tatana a ndzi nyikaka vona, va ta ta ka mina; ni loyi a taka ka mina, ndzi nga ka ndzi nga n'wi cukumeteli handle.

Vaheveru 7:25

Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Varhoma 8:29

Hikuva lava xi va tiveke ka ha ri ku sunguleni, xi lulamisile ka ha ri khale leswaku va ta vonaka va ri lava fanaka ni N'wana wa xona, ni leswaku a va yena wa mativula exikarhi ka vamakwavo lavo tala.

Yohane 18:9

(A swi ri leswaku rito leri a nga ri vula ri hetiseka, loko a te: “A ndzi tshikanga na un'we wa lava u ndzi nyikeke vona, a lova.”)

Vafilipiya 1:6

Ndzi ni ku tshemba swinene leswaku Xikwembu lexi sunguleke ntirho lowo saseka lowu exikarhi ka n'wina, xi ta wu yisa emahlweni ku fikela makumu ka wona, hi siku ra Kriste Yesu.

Esaya 54:17

hikokwalaho, matlhari hinkwawo lama endleriweke ku ku dlaya, a ma nga pfuni nchumu, u ta kaneta ni vanhu hinkwavo lava va ku lumbetaka ehubyeni. Leyi hi yona ndzhaka ya malandza ya mina HOSI, ndzi ta va lwela hi ndlela yoleyo. Ndzi vurisa sweswo, mina HOSI.”

1 Yohane 2:25

Kutani leswi a nga hi tshembisa swona, i vutomi lebyi nga heriki.

Yohane 4:14

Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Varhoma 8:1

Kutani sweswi a ka ha ri na ku avanyisiwa eka lava nga va ka Kriste Yesu.

Yuda 1:24

Eka yena loyi a nga ni matimba ya ku mi hlayisa leswaku mi nga khuguriwi mi wa, eka yena la kwetsimaka, la kotaka ku mi yimisa emahlweni ka yena mi nga ri na xivati, mi tsakile,

Yohane 17:2

Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Yohane 5:24

“Ndzi tiyisisile ndzi ri ka n'wina, la yingisaka rito ra mina, a va a pfumela eka Loyi a ndzi rhumeke, ú ni vutomi lebyi nga heriki; kutani a nga ka a nga avanyisiwi, kambe ú humile eku feni a ya nghena evutomini.

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

1 Yohane 5:11

Kutani vumbhoni bya kona hi lebyi: Hileswaku Xikwembu xi hi nyikile vutomi lebyi nga heriki, ni leswaku vutomi lebyi byi le ka N'wana wa xona.

Yuda 1:21

Tshamani erirhandzwini ra Xikwembu. Langutelani musa wa Hosi ya hina Yesu Kriste lowu yisaka evutomini lebyi nga heriki.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Pisalema 37:28

hikuva HOSI Xikwembu xi tsakela leswo lulama, lava va xi khongelaka, a xi nga va tshiki empfhukeni, xi ta va hlayisa hilaha ku nga heriki; kambe vana va lavo homboloka vona va ta heriseriwa makumu.

Duteronoma 33:3

Vanhu va xona, xa va rhandza hakunene, hinkwavo lava xi nga tihlawulela vona va le vokweni ra xona, va nkhinsama emilengeni ya xona, va amukela swileriso swa xona.

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Yohane 11:25

Yesu a ku ka yena: “Hi mina ku pfuka ni vutomi; la pfumelaka ka mina, hambi a nga fa, ú ta hanya,

Yeremiya 31:3

Vaisraele a va ku: ‘HOSI yi tikombile eka hina yi suka kule!’ Kutani mina ndzi ku ka vona: Ndzi mi rhandzile hi rirhandzu leri nga heriki, a ndzi tshiki ku mi komba ku tshembeka ka mina.

Yuda 1:1

Mina Yuda, nandza wa Yesu Kriste ni makwavo wa Yakobo, ndzi tsalela lava Xikwembu Tatana xi va vitaneke, lava hanyaka erirhandzwini ra xona, va ri karhi va hlayisiwa hi Yesu Kriste, ndzi ri:

Swivuriso 24:16

hikuva munhu la lulameke, hambiloko o wa ka 7, ú tlhela a pfuka, kambe loko khombo ri fika, lavo homboloka va khuguka va wela makumu.

2 Vatesalonika 2:13

Swa hi fanela ku nkhensa Xikwembu masiku hinkwawo hikwalaho ka n'wina vamakwerhu, n'wina lava Hosi yi mi rhandzaka, hikuva Xikwembu xi mi hlawurile leswaku mi va lavo rhanga ku ponisiwa, hi Moya lowu wu mi endlaka lava tengeke, ni ku pfumela ka n'wina eka ntiyiso.

Yohane 3:36

Loyi a pfumelaka eka N'wana, ú ni vutomi lebyi nga heriki; loyi a nga yingisiki N'wana, a nga ka a nga kumi vutomi, kambe vukari bya Xikwembu byi tshame henhla ka yena.

2 Timotiya 1:12

Kutani ndzi xaniseka hi ndlela leyi hikwalaho ka swona; kambe a ndzi na tingana, hikuva ndzi tiva loyi ndzi pfumeleke eka yena, kutani ndzi tshemba swinene leswaku wa swi kota ku hlayisa leswi a swi vekeke emavokweni ya mina, ku fikela siku lerikulu.

Varhoma 5:21

a swi ri leswaku, kukotisa leswi ku dyoha ku fumeke hi rifu, tintswalo na tona ti ta fumisa sweswo hi ku lulama loku yisaka evutomini lebyi nga heriki, ha Yesu Kriste Hosi ya hina.

Ntirho 17:9

Loyi a nge, ú lulamile, a nga hundzuki miehleketo, loyi a nge, mavoko ya yena ma tengile, ú ta omela kwalaho.

1 Timotiya 1:16

Kambe ndzi tsetseleriwile, ku endlela leswaku eka mina loyi a nga mudyohi wo rhanga hi ku biha, Kriste Yesu a ta swi kota ku komba ku leha loku hetisekeke ka mbilu ya yena, kutani xi va xikombiso eka lava nga ta pfumela eka yena, va kuma vutomi lebyi nga heriki.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Varhoma 5:17

Rifu ri fumile hi mhaka ya nandzu wa munhu un'we ntsena; hi mukhuva wolowo, lava va amukelaka ndzalo ya tintswalo ni ya nkateko wa ku endliwa lava lulameke, va ta tlurisa ngopfu-ngopfu hi ku fuma evutomini, hi mhaka ya munhu un'we a nga Yesu Kriste.

Varhoma 5:2

naswona hi ku pfumela, hi kotile ku kuma ha yena tintswalo leti hi yimeke ka tona sweswi, kutani hi tidzunisa eku languteleni ka hina ka ku averiwa ku kwetsima ka Xikwembu.

Timhaka 7:59

Kakuloko va ri karhi va n'wi khandla hi maribye, Stefano a khongela, a ku: “Hosi Yesu, amukela moya wa mina!”

Yohane 14:19

Endzhaku ka nkarhinyana, misava a yi nga ha ndzi voni, kambe n'wina mi ta ndzi vona. Leswi ndzi hanyaka, na n'wina mi ta hanya.

Yohane 6:47

“Ndzi tiyisisile ndzi ri ka n'wina, loyi a pfumelaka, ú ni vutomi lebyi nga heriki.

Yohane 6:27

Mi nga tirheleni swakudya leswi bolaka, kambe tirhelani swakudya leswi nga boriki, swi nga leswi nyikaka vutomi lebyi nga heriki. Swakudya leswi, mi ta nyikiwa hi N'wana-wa-Munhu, hikuva hi yena loyi Xikwembu Tatana xi n'wi fungheke hi mfungho wa xona.”

Yeremiya 32:40

Ndzi ta endla na vona ntwanano lowu nga heriki; a ndzi nga tshiki ku va katekisa; ndzi ta va pfuna ku ndzi komba xichavo va nga ha ndzi fularheli.

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

Varhoma 5:9

Loko swi ri tano, leswi hi nga endliwa lava lulameke sweswi, hi mhaka ya rifu ra yena, ngopfu-ngopfu hi ta ponisiwa ha yena evukarini bya Xikwembu.

Yohane 6:68

Simoni Petro a hlamula, a ku ka yena: “Hosi, hi nga ya ka mani xana? U ni marito ya vutomi lebyi nga heriki.

Luka 23:46

Kutani Yesu a huwelela hi rito leri tlakukeke, a ku: “Tatana, ndzi nyiketa moya wa mina emavokweni ya wena.” Loko a vurile sweswo, a hlala a fa.

Yeremiya 31:34

A ku nga ha vi na loyi a dyondzisaka muakelani kumbe makwavo, a ku: ‘Tiva HOSI Xikwembu!’ hikuva vanhu hinkwavo va ta ndzi tiva, ku sukela eka lontsongo ku ya fika eka lonkulu. Ndzi ta va rivalela ku homboloka ka vona, swidyoho swa vona a ndzi nga ha swi tsundzuki; ndzi vula sweswo mina HOSI.”

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Pisalema 31:5

We HOSI, ndzi veka vutomi bya mina emavokweni ya wena; u ndzi kutsurile we HOSI, wena Xikwembu xo tshembeka.

Marka 13:22

hikuva ku ta humelela Vamesiya va mavunwa, ni vaprofeta va mavunwa; va ta endla mahlori ni swihlamariso ku hambukisa na vona vahlawuriwa va Xikwembu, loko swi endleka.

Esaya 55:3

Rhiyani ndleve, mi yingisa; tanani eka mina, mi ta kuma vutomi. Ndzi ta endla na n'wina ntwanano lowu nga heriki, ndzi hlayisa rirhandzu ra mina lero tshembeka leri ndzi ri kombeke Davhida.

Esaya 27:3

Mina HOSI, ndzi muhlayisi wa yona, nkarhi wun'wana ni wun'wana, ndza yi cheleta; ndzi yi rindza vusiku ni nhlekanhi, leswaku ku nga vi na munhu loyi a yi onhaka.

Yeremiya 23:4

Ndzi ta va hlawulela varisi lava nga ta va hlayisa; a va nga ha rhurhumeli kumbe ku chavisiwa hi nchumu, naswona a ku nga vi na un'we loyi a nga ta lahleka.

Yohane 10:29

Tata wa mina la ndzi nyikeke tona, ú nkulukumba ku tlula hinkwaswo; kutani a ku na munhu la kotaka ku vutla nchumu evokweni ra Tatana.

1 Yohane 1:2

Vutomi byi tikombile eka swona, kutani hi byi vonile. Hi timbhoni ta byona, kutani ha mi tivisa ta vutomi bya kona lebyi nga heriki, lebyi a byi ri eka Tatana, kutani byi kombiwile eka hina.