Yohane 10:15 - BIBELE Mahungu Lamanene

¹⁵ hilaha Tatana a ndzi tivaka hakona, ni hilaha na mina ndzi tivaka Tatana hakona; kutani ndzi nyiketa vutomi bya mina ndzi fela tinyimpfu.

Testamente Leyimpsha Xichangana

¹⁵ Tani hilaha Tatana anitivaka hakona, ni hilaha na mina nitivaka Tatana hakona; kutani ninyiketa vutomi bza mina nifela tinyempfu.

Xitsonga (Bibele)

¹⁵ Hi mukhuva lowu Tatana a ndzi tivaka, na mina, ndzi tiva Tatana; kutani ndzi nyiketa tinyimpfu vutomi bya mina.

Yohane 10:15 Referans Kwoze

Yohane 10:11

“Hi mina murisi lonene. Murisi lonene ú nyiketa vutomi bya yena a fela tinyimpfu.

Vagalatiya 1:4

yena loyi a tinyiketeke hikwalaho ka swidyoho swa hina, leswaku a ta hi kutsula eka nguva leyo biha ya masiku lawa. Ú endle sweswo hi ku yingisa ku rhandza ka Xikwembu Tata wa hina;

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

Matewu 11:27

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

Esaya 53:10

A ku ri ku rhandza ka HOSI Xikwembu leswaku a twisiwa ku vava, a kombiwa maxangu. Leswi a tinyiketeke ku va mhamba yo riha swidyoho, ú ta vona vatukulu va yena, a hanya malembe layo tala; hi yena la nga ta yisa mahlweni ntirho wa HOSI Xikwembu.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

Yohane 15:13

A ku na munhu la nga ni rirhandzu leri tlulaka ra loyi a nyiketaka vutomi bya yena hikwalaho ka vanakulobye.

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Yohane 17:25

Tatana la lulameke, misava a yi ku tivanga, kambe mina ndzi ku tivile, kutani vanhu lava va swi tivile leswaku ndzi rhumiwile hi wena.

Yohane 6:46

A swi vuli leswaku ku ni munhu loyi a tshamaka a vona Tatana, e-e! Loyi a humaka eka Xikwembu, hi yena ntsena la voneke Tatana.

Yohane 1:18

A ku na munhu la tshamaka a vona Xikwembu ni siku ni rin'we. Loyi a nga swakwe, loyi a nga Xikwembu, loyi a nge xifuveni xa Tatana, hi yena loyi a nga endla leswaku Tatana a tiviwa.

Luka 10:21

Enkarhini wolowo Moya lowo Kwetsima wu n'wi tshukatshukisa hi ku tsaka, a ku: “Ndza ku nkhensa Tatana, Hosi ya tilo ni misava, hikuva timhaka leti, u ti fihlele lavo tlhariha ni lava mano, kambe u ti pfuletele lavatsongo. Ina, Tatana, u swi lavise sweswo.

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Esaya 53:8

Ú khomiwile hi tihanyi, a avanyisiwa, a susiwa misaveni, vanhu va nga ri na mhaka na yena, kasi a a biwa, a susiwa emisaveni ya lava hanyaka, hikwalaho ka swidyoho swa vanhu va ka hina.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Yohane 8:55

Kasi a mi n'wi tivi, kambe mina ndza n'wi tiva. Loko ndzi nga vula leswaku a ndzi n'wi tivi, ndzi ta va muhembi ku fana na n'wina. Kambe mina ndza n'wi tiva, kutani ndzi hlayisa rito ra yena.

Luka 10:22

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana leswaku i mani, loko a nga ri Tatana; naswona a ku na loyi a tivaka Tatana leswaku i mani, loko a nga ri N'wana, ni loyi N'wana a lavaka ku hlavutela Tatana eka yena.”