Yohane 1:45 - BIBELE Mahungu Lamanene

⁴⁵ Filipi a kuma Nataniele, a ku ka yena: “Hi kumile loyi Muxe a tsaleke timhaka ta yena eNawini; na vona vaprofeta va ti tsarile: I Yesu wa Nazareta n'wana Yosefa.”

Testamente Leyimpsha Xichangana

⁴⁵ Filipi akuma Nataniyeli aku ka yena: “Hikumile lweyi Moxe atsaleke timhaka ta yena Naweni; na vona vaprofeta vatitsalile: I Yesu wa le Nazareta n'wana Yosefa.”

Xitsonga (Bibele)

⁴⁵ Filipi a kuma Nataniele, a ku eka yena: “Hi vonile loyi Muxe a tsaleke timhaka ta yena enawini, ni vaprofeta va ti tsarile; i Yesu wa Nazareta, n'wana Yosefa.”

Yohane 1:45 Referans Kwoze

Luka 24:27

Kutani a va hlamusela hilaha timhaka ta yena ti nga vuriwa eMatsalweni hinkwawo hakona, ku sungula hi Muxe ku yisa eka vaprofeta hinkwavo.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Matewu 2:23

a ya aka emutini lowu vuriwaka Nazareta, leswaku ku hetiseka leswi vaprofeta va nga vula swona hi tlhelo ra Mesiya, loko va te: “U ta vuriwa Munazarene.”

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Luka 4:22

Kutani hinkwavo va vula vumbhoni byo saseka ehenhla ka yena, va ri karhi va hlamala marito layo saseka lama humaka enon'wini wa yena, va ku: “Xana munhu loyi a hi yena n'wana Yosefa xana?”

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Zakariya 6:12

Kutani n'wi byele leswaku mina HOSI ya matimba hinkwawo ndzi ri: “Ku ni munhu loyi va nge i Hluke, ú ta kula kwala a nga kona, kutani ú ta aka Tempele ya mina.

Esaya 53:2

Nandza wa HOSI Xikwembu ú kurile emahlweni ka xona tanihi ximilana, a kota rimitsu ra murhi wa le misaveni leyi omeke; xivumbeko xa yena a xi nga hi tsakisi, a xi nga hi koki mahlo, naswona a hi nga n'wi naveli, hikuva a a nga sasekanga.

Yohane 18:7

Kutani a va vutisa kambe a ku: “Mi lava mani xana?” Va ku: “Yesu wa Nazareta.”

Esaya 4:2

Ri ta ta siku leri ximila xa HOSI xi nga ta hluka, xi saseka ni ku dzuneka; Vaisraele lava nga ta va va ponile, va ta tinyungubyisa, va tidzunisa hi leswi swi mileke etikweni.

Genesa 22:18

Kutani vanhu hinkwavo laha misaveni va ta katekisiwa hikwalaho ka vatukulu va wena, hikuva wena u yingisile rito ra mina.’ ”

Marka 6:3

Xana yoloyi a hi yena muvatli, n'wana Mariya, ni makwa Yakobo, na Yosi, na Yuda, na Simoni ke? Xana vamakwavo va yena va xisati a hi na vona kwala ke?” Kutani va vilela swinene hikwalaho ka yena.

Matewu 21:11

Kutani mintshungu yi hlamula yi ku: “Munhu loyi i Yesu, muprofeta la humaka eNazareta wa Galeliya.”

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Timhaka 22:8

Mina ndzi hlamula ndzi ku: ‘U mani, Hosi?’ A ku ka mina: ‘Hi mina Yesu wa Nazareta, loyi u n'wi xanisaka.’

Timhaka 10:38

mi tiva ni ta Yesu wa Nazareta, ni hilaha Xikwembu xi cheleke hakona Moya lowo Kwetsima ni matimba ehenhla ka yena. A a famba-famba hinkwako, a ri karhi a endla leswinene, a horisa hinkwavo lava xanisiwaka hi Diyavulosi, hikuva Xikwembu a xi ri na yena.

Yohane 21:2

Simoni Petro, na Tomasi loyi va nge i “Hahla”, na Nataniele wa Kana etikweni ra Galeliya, ni vana va Zebediya, ni vadyondzisiwa vambirhi van'wana va Yesu, a va ri swin'we.

Luka 2:4

Yosefa na yena a suka Galeliya emutini wa Nazareta, a ya eYudiya emutini wa Davhida lowu vuriwaka Betlehema, hikuva a a ri munhu wa rixaka ra Davhida, ni wa yindlu ya yena.

Marka 14:67

loko a vona Petro a ri karhi a tinyawusa endzilweni, a n'wi honolela, a ku: “Na wena, a wu ri na Munazarene loyi va nge i Yesu.”

Matewu 13:55

Xana a hi yena n'wana wa muvatli ke? Mana wa yena, xana a hi yena loyi a vuriwaka Mariya ke? Ni vamakwavo va yena, xana a hi vona va Yakobo, na Yosefa, na Simoni, na Yuda ke?

Timhaka 26:9

“Na mina khale, a ndzi anakanya leswaku ndzi fanele ku lwa swinene ni vito ra Yesu wa Nazareta.

Timhaka 3:6

Kambe Petro a ku ka yena: “Silivhere ndzi hava, ni nsuku a ndzi na wona, kambe lexi ndzi nga na xona, ndzi ta ku nyika xona: Hi vito ra Yesu Kriste wa Nazareta, ndzi ri: Famba!”

Timhaka 2:22

“Vavanuna va Israele, yingisani marito lawa: Yesu wa Nazareta, a a ri wanuna loyi Xikwembu xi nga mi komba yena, hi mintirho ya matimba, ni swihlamariso, ni mahlori lawa xi ma endleke ha yena exikarhi ka n'wina, hilaha mi swi tivaka hakona na n'wina;

Yohane 19:19

Pilato a tsala ni papila ra xitiviso, a ri nameka ehenhla ka xihambano. Leswi a swi tsariwile hi leswi: “Yesu wa Nazareta, hosi ya Vayuda.”

Yohane 18:5

Va n'wi hlamula, va ku: “Yesu wa Nazareta.” Yesu a ku ka vona: “Hi mina loyi!” Yudasi muxengi, na yena a a yimile na vona kwalaho.

Yohane 6:42

Kutani va ku: “Xana loyi a hi yena Yesu n'wana Yosefa, loyi hi tivaka tata wa yena ni mana wa yena ke? Kutani sweswi ú vurisa ku yini, loko a ku: ‘Ndzi xikile hi le tilweni?’ ”

Luka 3:23

Yesu a a ri kusuhi ni malembe ya 30 loko a sungula ntirho wa yena; kutani, hi ku ehleketa ka vanhu, a a ri n'wana Yosefa, wa Heli,

Matewu 10:3

Filipi na Bartolomi; Tomasi na Matewu muluvisi; Yakobo, n'wana Alfiya, na Tadiya;

Luka 2:48

Loko vatswari va yena va n'wi vona kona, va hlamala ngopfu. Kutani mana wa yena a ku ka yena: “N'wananga, hikwalaho ka yini u hi tirhisile hi ndlela leyi? Waswivo, tata wa wena na mina a hi ku lava hi ri eku karhatekeni swinene.”

Yohane 1:44

Filipi a a ri munhu wa le Betsayida, muti wa va Andriya na Petro.

Yohane 6:5

Kuteloko Yesu a tlakusile mahlo ya yena, ni loko a vonile leswaku ku ni ntshungu lowukulu lowu taka eka yena, a ku ka Filipi: “Xana hi nga xava kwihi swinkwa leswaku vanhu lava va kota ku dya ke?”

Yohane 6:7

Filipi a n'wi hlamula, a ku: “Swinkwa swa tidenari ta 200 swi nga ka swi nga va ringani hambiloko un'wana ni un'wana a nga kuma xiphemu lexitsongo ntsena.”

Yohane 12:21

Va ta eka Filipi, loyi wa Betsayida etikweni ra Galeliya, va ta ku: “Nkulukumba, hi lava ku vona Yesu.”

Yohane 14:8

Filipi a ku ka yena: “Hosi, hi kombe Tatana, kutani swi ta va swi hi ringene.”

Luka 18:37

Va n'wi byela va ku: “I Yesu wa Nazareta loyi a hundzaka.”