Yohane 1:34 - BIBELE Mahungu Lamanene

³⁴ Mina Yohane ndzi swi vonile, kutani ndzi vekile vumbhoni ndzi ku, loyi hi yena N'wana wa Xikwembu.”

Testamente Leyimpsha Xichangana

³⁴ “Mina nisvivonile kutani niveka vumboni niku, lweyi hi yena N'wana wa Xikwembu.”

Xitsonga (Bibele)

³⁴ Kutani ndzi swi vonile, kambe ndzi vurile vumbhoni bya mina leswaku loyi i N'wana wa Xikwembu.”

Yohane 1:34 Referans Kwoze

Pisalema 2:7

Ndzi ta twarisa leswi HOSI Xikwembu xi swi boheke; Xi te ka mina: “U n'wananga, namuntlha ndzi ku tswarile.

Yohane 1:49

Nataniele a n'wi hlamula, a ku: “Rabi, u N'wana wa Xikwembu, u Hosi ya Israele.”

Matewu 4:3

Kutani muringi a ta ka yena, a ta ku: “Loko u ri N'wana wa Xikwembu, lerisa maribye lawa leswaku ma hundzuka vuswa.”

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Nhlavutelo 2:18

“Tsalela ni ntsumi ya kereke ya le Tiyatira, u ku: “ ‘Marito ya N'wana wa Xikwembu, loyi a nga ni mahlo lama fanaka ni malangavi ya ndzilo, loyi minkondzo ya yena yi fanaka ni koporo leyi vangamisiweke, hi lawa:

Varhoma 1:4

kambe, hi tlhelo ra moya wa yena lowu kwetsimaka, swi tikombile leswaku i N'wana wa Xikwembu la nga ni matimba hinkwawo, hi ku pfuka ka yena exikarhi ka vafi.

Yohane 20:31

Kambe timhaka leti ti tsaleriwile n'wina, mi ta ka mi pfumela leswaku Yesu i Mesiya, N'wana wa Xikwembu, ni leswaku, hi mhaka ya ku pfumela, mi va ni vutomi evitweni ra yena.

1 Yohane 4:9

Rirhandzu ra Xikwembu ri tikombile eka hina hi ndlela leyi: Hileswaku Xikwembu xi rhumile N'wana la nga un'we wa xona ku ta laha misaveni, leswaku hi ta kota ku hanya hikwalaho ka yena.

1 Yohane 3:8

Loyi a tshamelaka ku dyoha i wa Diyavulosi, hikuva Diyavulosi ú dyohile ku sukela eku sunguleni. Lexi N'wana wa Xikwembu a humeleleke ku ta endla xona, a ku ri ku ta herisa mintirho ya Diyavulosi.

1 Yohane 2:23

Loyi a landzulaka N'wana, na yena Tatana a nga kona eka yena. Loyi a nkhensaka N'wana, hambi a ri Tatana ú kona eka yena.

2 Vakorinto 1:19

Hikuva N'wana wa Xikwembu Yesu Kriste loyi hi n'wi twariseke exikarhi ka n'wina, mina na Silvano na Timotiya, a a nga ri “Ina — E-e!” kambe eka yena ku vuriwa “Ina!” masiku hinkwawo.

Yohane 19:7

Vayuda va n'wi hlamula, va ku: “Hi ni nawu, kutani hi nawu wa hina ú fanele ku fa, hikuva ú tiendlile N'wana wa Xikwembu.”

Yohane 11:27

A ku ka yena: “Ina Hosi, ndza pfumela leswaku hi wena Mesiya, N'wana wa Xikwembu, loyi a taka laha misaveni.”

Yohane 10:36

Kutani ke, hikwalaho ka yini mi ku: ‘U sandza Xikwembu’, hi mhaka ya leswi ndzi nga te: ‘Ndzi N'wana wa Xikwembu’ xana? Kasi hi mina loyi Tatana a nga n'wi hlawula ni ku n'wi rhuma emisaveni.

Marka 1:1

Lawa hi wona masungulo ya Evhangeli ya Yesu Kriste, [N'wana wa Xikwembu].

Matewu 27:54

Loko ndhuna ya dzana ra masocha ni lava a va ri na yona ku rindza Yesu, va vona ku tsekatseka ka misava ni leswi humeleleke, va chava ngopfu, va ku: “Hakunene munhu loyi a a ri N'wana wa Xikwembu.”

Matewu 27:43

Ú tshembile Xikwembu, a xi n'wi ponise sweswi loko xi n'wi tsakela, hikuva ú te: ‘Ndzi N'wana wa Xikwembu.’ ”

Matewu 27:40

“Wena la nhlanhlaka Tempele, u ku u ta yi pfuxa hi masiku manharhu, tiponise ke, u xika la xihambanweni, loko u ri N'wana wa Xikwembu!”

Matewu 26:63

Kambe Yesu a miyela. Muprista lonkulu a engeta, a ku ka yena: “Ndzi ri ka wena: Hlambanya hi Xikwembu lexi hanyaka, u hi byela loko u ri Mesiya, N'wana wa Xikwembu.”

Matewu 17:5

A ku a ha vulavula, papa lero vangama ri humelela, ri va funengeta; kutani ku twala rito leri humaka epapeni, ri ku: “Loyi i N'wananga la rhandzekaka, loyi ndzi n'wi tsakelaka, n'wi yingiseni!”

2 Yohane 1:9

Un'wana ni un'wana loyi a yaka emahlweni ni swa yena a nga tiyiseli edyondzweni ya Kriste, a nga na Xikwembu; loyi a tiyiselaka edyondzweni ya kona, ú na Tatana swin'we ni N'wana.

Vaheveru 7:3

Tata wa yena a nga tiviwi, hambi a ri mana wa yena, kumbe mavito ya vakokwa wa yena. Masiku ya yena a ma na masungulo, hambi byi ri vutomi bya yena, a byi na makumu. Ú fana ni N'wana wa Xikwembu, kutani ú ya emahlweni a ri muprista hilaha ku nga heriki.

Luka 3:22

Moya lowo Kwetsima wu xikela henhla ka yena, wu ri ni xivumbeko lexi fanaka ni xa tuva; kutani rito ri huma etilweni ri ku: “U N'wananga la rhandzekaka, loyi ndzi n'wi tsakelaka swinene.”

Luka 1:35

Ntsumi yi n'wi hlamula, yi ku: “Moya lowo Kwetsima wu ta xikela ka wena, ni matimba ya Loyi-a-nge-henhla-henhla ma ta ku funengeta; hikwalaho n'wana lowo hlawuleka la nga ta velekiwa, ú ta vuriwa N'wana wa Xikwembu.

Marka 1:11

kutani rito leri humaka etilweni ri ku: “U N'wananga la rhandzekaka, loyi ndzi n'wi tsakelaka.”

Matewu 16:16

Kutani Simoni Petro a hlamula a ku: “U Mesiya, N'wana wa Xikwembu lexi hanyaka.”

Matewu 11:27

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

Matewu 8:29

Kutani va huwelela, va ku: “Mhaka ya wena na hina hi yihi ke, wena N'wana wa Xikwembu? Xana u tele ku ta hi xanisa nkarhi wu nga si fika ke?”

Matewu 4:6

a ku ka yena: “Loko u ri N'wana wa Xikwembu, jitama, hikuva ku tsariwile leswi: “ ‘Xikwembu xi ta lerisa tintsumi ta xona hikwalaho ka wena, kutani ti ta ku qhavulela emavokweni ya tona, leswaku nenge wa wena wa nga tshuki wu vavisiwa hi ribye.’ ”

Matewu 3:17

Kutani ku twakala rito leri humaka etilweni, ri ku: “Loyi i N'wananga la rhandzekaka, loyi ndzi n'wi tsakelaka.”

Yohane 20:28

Tomasi a n'wi hlamula, a ku: “Hosi yanga ni Xikwembu xanga!”

Yohane 10:30

Mina na Tatana hi un'we.”

Yohane 6:69

Kutani hina hi ni ku pfumela, ni ku swi tiva leswaku hi wena Muhlawuleki wa Xikwembu.”

Yohane 1:18

A ku na munhu la tshamaka a vona Xikwembu ni siku ni rin'we. Loyi a nga swakwe, loyi a nga Xikwembu, loyi a nge xifuveni xa Tatana, hi yena loyi a nga endla leswaku Tatana a tiviwa.