Yohane 1:29 - BIBELE Mahungu Lamanene

²⁹ Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Testamente Leyimpsha Xichangana

²⁹ Amundzuku wakona Yohani avona Yesu na ali karhi ata, amukongomile, kutani aku; hi lexi Xinyempfana xa Xikwembu lexisusaka svijoho sva misava!

Xitsonga (Bibele)

²⁹ Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Yohane 1:29 Referans Kwoze

Esaya 53:7

A a xanisiwa, a twisiwa ku vava, kambe a nga pfuli nomo; a a fana ni xinyimpfana lexi yisiwaka eku tlhaviweni, kumbe nyimpfu leyi nga riliki loko va yi tsemeta voya.

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

1 Yohane 3:5

Ma swi tiva leswaku Kriste ú humelele ku ta susa swidyoho, kutani eka yena ku hava ku dyoha.

1 Petro 1:19

kambe hi ngati ya nkoka ya Kriste, leyi fanaka ni ya xinyimpfana lexi nga riki na vulema kumbe xivati.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Esaya 53:11

Ú ta vona mihandzu ya maxangu ya yena layo chavisa, kutani a tsaka. HOSI Xikwembu xi ri: “Nandza wa mina ú tiva ku rhandza ka mina; leswi a nga riki na nandzu, ú ta ntshunxa lavo tala emilandzwini ya vona hikuva ú biwile ematshan'wini ya vona.

Nhlavutelo 6:1

Kutani ndzi vona Xinyimpfana loko xi ri karhi xi lemula xilemo xo sungula eka leswa 7, kutani ndzi twa xin'wana xa swivumbiwa leswi hanyaka swa mune xi vula hi rito leri dzindzaka ku fana na tilo, xi ku: “Tana!”

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Yohane 1:36

A vona Yesu a ri karhi a hundza, kutani a ku: “Vonani! Hi lexi Xinyimpfana xa Xikwembu!”

Nhlavutelo 7:17

hikuva Xinyimpfana lexi nge xiluvelweni xi ta va murisi wa vona; xi ta va yisa eswihlobyeni swa mati ya vutomi, kutani Xikwembu xi ta sula mihloti hinkwayo emahlweni ya vona.”

Timhaka 8:32

Ndzimana ya buku leyi a a yi hlaya hi leyi: “A a fana ni nyimpfu leyi yisiwaka eku tlhaviweni, kumbe xinyimpfana lexi miyelaka loko va xi tsemeta voya: A nga pfulanga nomo.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Nhlavutelo 14:1

Ndzi languta, kutani ndzi vona Xinyimpfana xi yimile entshaveni ya Siyoni, xi ri ni vanhu va 144 000 lava mimombo ya vona yi tsariweke vito ra xona ni ra Tata wa xona.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Nhlavutelo 19:9

Kutani ntsumi yi ku ka mina: “Tsala leswi: Ku katekile lava rhambiweke ku ta lalela enkhubyeni wa vukati bya Xinyimpfana.” Kutani yi engeta yi ku ka mina: “Lawa i marito lama tiyeke ya Xikwembu.”

Nhlavutelo 14:10

na yena ú ta nwa vhinyo ya vukari bya Xikwembu, leyi nga ta cheriwa exinwelweni xa ku kariha loku ka xona, yi nga timuriwanga; kutani ú ta xanisiwa hi ndzilo ni xivavula, emahlweni ka tintsumi leto kwetsima ni le mahlweni ka Xinyimpfana.

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga un'we, leswaku un'wana ni un'wana la pfumelaka ka yena, a nga lovi, kambe a va ni vutomi lebyi nga heriki.

Nhlavutelo 19:7

A hi tsakeni hi tsakisisa, hi xi dzunisa, hikuva nkhuvo wa vukati bya Xinyimpfana wu fikile, ni mutekiwa wa xona ú tilulamisile;

Nhlavutelo 14:4

Lava, hi lava va nga tinyamisangiki hi vavasati, hikuva va tengile. Hi lava va landzelelaka Xinyimpfana hinkwako lomu xi yaka kona. Lava hi lava va kutsuriweke exikarhi ka vanhu leswaku va va mihandzu yo rhanga ya ntshovelo, va humeseriwa Xikwembu ni Xinyimpfana.

Nhlavutelo 5:8

Loko xi tekile buku, swivumbiwa leswi hanyaka swa mune ni vakulukumba va 24 va nkhinsama emahlweni ka Xinyimpfana. Un'wana ni un'wana wa vona a a ri ni haripa, ni minkambana ya nsuku leyi taleke hi murhi wa risuna, yi nga mikhongelo ya vahlawuriwa va Xikwembu.

Nhlavutelo 1:5

ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

Nhlavutelo 21:9

Kutani ku fika yin'wana ya tintsumi ta 7 leti nga ni minkambana ya 7, leyi teleke mintungu leyo hetelela; ntsumi yi vulavula na mina yi ku: “Tana, ndzi ta ku komba Mutekiwa, nsati wa Xinyimpfana.”

Nhlavutelo 6:16

Va vitana tintshava ni maribye va ku: “Hi weleni ehenhla, mi hi funengeta leswaku loyi a tshameke exiluvelweni a ta kala a nga hi voni, ni vukari bya Xinyimpfana byi ta kala byi nga hi fikeli.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

1 Yohane 4:10

Rirhandzu ra kona i rikulu, hikuva a hi hina hi rhandzeke Xikwembu, kambe hi xona xi hi rhandzeke, kutani xi rhumele N'wana wa xona ku va mhamba ya swidyoho swa hina.

1 Timotiya 2:6

loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

1 Vakorinto 15:3

Ndzi mi hundzisele leswi na mina ndzi swi amukeleke, swi nga leswikulu eka hinkwaswo: Hileswaku Yesu ú fele swidyoho swa hina, hilaha Matsalwa ma vulaka hakona;

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Nhlavutelo 5:6

Kutani ndzi vona Xinyimpfana xi yimile exiluvelweni, xi rhendzeriwile hi swivumbiwa leswi hanyaka swa mune ni vakulukumba, xona xi ri xikarhi. Xinyimpfana a xi vonaka onge hi loko xi tshama xi dlayiwa; a xi ri ni timhondzo ta 7, ni mahlo ya 7, lawa ya nga mimoya ya 7 ya Xikwembu leyi rhumeriweke emisaveni hinkwayo.

Vaheveru 9:28

swi tano na Kriste: Ú nyiketiwile kan'we ku rhwala swidyoho swa lavo tala; hikokwalaho, ú ta humelela ra vumbirhi, ku nga ri ku ta susa swidyoho, kambe ku ta ponisa lava va n'wi languteleke hi ku hiteka.

Vagalatiya 1:4

yena loyi a tinyiketeke hikwalaho ka swidyoho swa hina, leswaku a ta hi kutsula eka nguva leyo biha ya masiku lawa. Ú endle sweswo hi ku yingisa ku rhandza ka Xikwembu Tata wa hina;

Timhaka 13:39

sweswi un'wana ni un'wana la pfumelaka wa pemberisiwa ka swona ha Yesu.

Matewu 1:21

ú ta veleka n'wana wa mufana, kutani wena u ta n'wi thya vito ra Yesu, hikuva hi yena loyi a nga ta ponisa tiko rakwe eswidyohweni swa rona.”

Nhlavutelo 21:14

Kutani rirhangu ra muti a ri ri ni maribye ya masungulo ya 12, eka wona ku ri ni mavito ya 12 ya vaapostola lava khume na vambirhi va Xinyimpfana.

Vaheveru 2:17

Hikokwalaho swi nga fanela leswaku a endliwa la fanaka ni vamakwavo hi matlhelo hinkwawo, a ta va Muprista Lonkulu wa tintswalo ni loyi a tshembekeke entirhweni wa Xikwembu, leswaku a susa swidyoho swa vanhu.

Levhitika 10:17

“Hikwalaho ka yini mi nga dyanga nyama ya xiphongho xa mhamba yo susa swidyoho, mi yi dyela exivandleni lexo hlawuleka, xana? Nyama ya mhamba leyi yi hlawulekile swinene; mi nyikiwile yona leswaku mi ta susa ha yona swidyoho swa ntshungu wa Vaisraele, mi va basisa emahlweni ka HOSI Xikwembu.

Hosiya 14:2

Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Eksoda 28:38

Aroni ú fanele ku vekela xiphepherhele lexi emombyeni wa yena; ú ta byarha xidyoho xa mhamba yin'wana ni yin'wana leyo hlawuleka leyi Vaisraele va nga ta va va nga yi humesanga hi ndlela leyinene. Aroni ú ta tshama a vekerile xiphepherhele lexi emombyeni wa yena, leswaku magandzelo ma ta amukeleka emahlweni ka mina HOSI.

Tinhlayo 18:23

Valevhi hi vona ntsena lava nga ta tirha mintirho ya kona, kutani hi vona lava nga ta byarha milandzu leyi kongomaneke ni Ntsonga. Wu ta va ntirho wa vona ni vatukulu va vona hilaha ku nga heriki; na vona a va nga vi na ndzhaka etikweni ra Israele.

Tinhlayo 18:1

HOSI Xikwembu xi ku ka Aroni: “Milandzu hinkwayo leyi kongomaneke ni xivandla lexo hlawuleka yi ta rhwexiwa wena ni vana va wena, ni va nyimba ya ka n'wina, kambe leyi kongomaneke ni vuprista, yi ta rhwexiwa wena ni vana va wena ntsena.

Tinhlayo 7:27

ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

Esaya 53:10

A ku ri ku rhandza ka HOSI Xikwembu leswaku a twisiwa ku vava, a kombiwa maxangu. Leswi a tinyiketeke ku va mhamba yo riha swidyoho, ú ta vona vatukulu va yena, a hanya malembe layo tala; hi yena la nga ta yisa mahlweni ntirho wa HOSI Xikwembu.

Zakariya 13:1

“Hi siku rero ku ta baleka xihlovo lexi xi nga ta basisa vatukulu va Davhida ni vaaki va Yerusalema, xi susa swidyoho swa vona ni swilo swa vona swa manyala.”

Yohane 1:35

Siku leri tlhandlamaka, Yohane a tlhela a va kona kwalaho, a ri ni vadyondzisiwa va yena vambirhi.

Yohane 1:43

Siku leri tlhandlamaka, Yesu a a lava ku ya eGaleliya, kutani a kuma Filipi. A ku ka yena: “Ndzi landze!”

Yohane 2:1

Loko ku hundzile masiku mambirhi, ku va ni nkhuvo wa vukati emutini wa Kana eGaleliya. Mana wa Yesu na yena a a ri kona.

Yohane 4:42

hiloko va ku ka wansati: “A ma ha ri wona mahungu ya wena lama endlaka leswaku hi pfumela; hikuva na hina hi n'wi twile, kutani ha swi tiva leswaku loyi i Muponisi wa misava hakunene.”

Yohane 6:51

Hi mina vuswa lebyi hanyaka lebyi xikeke hi le tilweni; loko munhu a dya vuswa bya kona, ú ta hanya hilaha ku nga heriki, kutani vuswa lebyi ndzi nga ta byi nyika vanhu, i nyama ya nga; ndza yi nyika leswaku misava yi va ni vutomi.”

Tinhlayo 7:39

ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

Tinhlayo 21:9

Muxe a vumba nyoka hi koporo, kutani a yi hayeka emhandzeni. Loko munhu un'wana a tshuka a lumiwile hi nyoka, a a languta leyi ya koporo, kutani a hanya.