Yohane 1:1 - BIBELE Mahungu Lamanene

¹ Eku sunguleni ka swilo hinkwaswo, Rito a ri ri kona, Rito a ri ri na Xikwembu, kutani rito a ri ri Xikwembu.

Testamente Leyimpsha Xichangana

¹ Kusunguleni ka svilo hinkwasvu, Rito arili kona, Rito arili ni Xikwembu, kutani Rito arili Xikwembu.

Xitsonga (Bibele)

¹ Eku sunguleni Rito a ri ri kona, Rito a ri ri ni Xikwembu, kutani Rito a xi ri Xikwembu.

Yohane 1:1 Referans Kwoze

Genesa 1:1

Eku sunguleni, Xikwembu xi tumbuluxile tilo ni misava.

Yohane 17:5

Sweswi Tatana, ndzi dzunise emahlweni ka wena hi ku dzuneka loku a ndzi ri na kona eka wena, misava yi nga si va kona.

Nhlavutelo 19:13

Ú ambele nguvu leyi petiweke engatini, kutani vito leri va n'wi thyeke rona i “Rito ra Xikwembu”.

Vakolosa 1:17

Ú rhangele swilo hinkwaswo, kutani eka yena swilo hinkwaswo swi khomene swin'we.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Nhlavutelo 22:13

Hi mina Alfa na Omega, lowo rhanga ni lowo hetelela, ku sungula ni ku hela.”

Yohane 1:2

Yena Rito a a ri Xikwembu ni le ku sunguleni.

Nhlavutelo 1:8

“Hi mina Alfa na Omega”, ku vula Hosi Xikwembu, “loyi a nga kona, loyi a a ri kona, loyi a taka, Lowa-matimba-hinkwawo.”

Vafilipiya 2:6

A a ri ni xiyimo xin'we ni Xikwembu, kutani a nga tekanga ku ringana ka yena ni Xikwembu xi va xilo lexi a nga khomelelaka eka xona,

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Matewu 1:23

“Maswivo, wanhwana ú ta tika, a veleka n'wana wa mufana; va ta n'wi thya vito ra ‘Emanuwele’ (hileswaku: ‘Xikwembu xi na hina’).”

Nhlavutelo 21:6

Kutani a ku ka mina: “Swi endlekile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika mati ntsena a nga hakeli, ma huma exihlobyeni xa mati ya vutomi.

Vaheveru 13:8

Yesu Kriste wa ha ri yena tolo ni namuntlha ni hilaha ku nga heriki.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Yohane 16:28

Ndzi humile eka Tatana, kutani ndzi tile emisaveni; sweswi ndzi tlhela ndzi suka emisaveni, ndzi ya eka Tatana.”

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Yohane 20:28

Tomasi a n'wi hlamula, a ku: “Hosi yanga ni Xikwembu xanga!”

Tito 2:13

hi ri karhi hi langutela minkateko leyi hi tshembisiweke yona, siku ku nga ta humelela ku kwetsima ka Xikwembu Nkulukumba, ni Muponisi wa hina Yesu Kriste.

Vaheveru 7:3

Tata wa yena a nga tiviwi, hambi a ri mana wa yena, kumbe mavito ya vakokwa wa yena. Masiku ya yena a ma na masungulo, hambi byi ri vutomi bya yena, a byi na makumu. Ú fana ni N'wana wa Xikwembu, kutani ú ya emahlweni a ri muprista hilaha ku nga heriki.

Nhlavutelo 3:14

“Tsalela ni ntsumi ya kereke ya le Lawodikiya, u ku: “ ‘Marito ya loyi a nga Amen, mbhoni leyi tshembekeke ya ntiyiso, masungulo ya leswi tumbuluxiweke hi Xikwembu, hi lawa:

Vaefesa 3:9

ni ku endla leswaku vanhu hinkwavo va tiva hilaha xihundla xa makungu ya Xikwembu xi endlekaka hakona. Xikwembu, lexi nga mutumbuluxi wa hinkwaswo, xi fihlile xihundla lexi eminkarhini hinkwayo leyi hundzeke,

Nhlavutelo 1:2

Hi ku rungula hinkwaswo leswi a swi voneke, Yohane ú veka vumbhoni ehenhla ka Rito leri humaka eka Xikwembu, ni le henhla ka ntiyiso wa leswi vuriwaka hi Yesu Kriste.

1 Yohane 5:7

Ku ni timbhoni tinharhu:

Varhoma 9:5

Vakokwa wa hina i va vona; na yena Kriste ú huma erixakeni ra vona, hi tlhelo ra ku velekiwa. Xikwembu lexi nge henhla ka swilo hinkwaswo, a xi vongiwe hilaha ku nga heriki. Amen!

Yohane 1:18

A ku na munhu la tshamaka a vona Xikwembu ni siku ni rin'we. Loyi a nga swakwe, loyi a nga Xikwembu, loyi a nge xifuveni xa Tatana, hi yena loyi a nga endla leswaku Tatana a tiviwa.

Pisalema 45:6

We hosi, u fana ni Xikwembu, u ta fuma hilaha ku nga heriki, nhonga ya vuhosi bya wena yi ta tisa ku lulama.

Nhlavutelo 2:8

“Tsalela ni ntsumi ya kereke ya le Smirna, u ku: “ ‘Marito ya loyi a nga wo rhanga ni wo hetelela, loyi a feke a tlhela a pfuka, hi lawa:

2 Petro 1:1

Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:

Nhlavutelo 1:11

ri ku: “Tsala leswi u swi vonaka, kutani u rhumela buku ya kona etikerekeni leti ta 7: Kereke ya le Efesa, ni ya le Smirna, ni ya le Pergamo, ni ya le Tiyatira, ni ya le Sarda, ni ya le Filadelfiya, ni ya le Lawodikiya.”

Luka 24:53

Kutani a va ri eTempeleni masiku hinkwawo, va ri karhi va dzunisa Xikwembu.

Yohane 8:58

Yesu a ku ka vona: “Ndzi tiyisisile ndzi ri ka n'wina: Loko Abrahama a nga si va kona, mina a ndzi ri ‘Loyi ndzi nga yena’.”

Vakolosa 1:15

Kriste i xifaniso xa Xikwembu lexi nga voniwiki, mativula ya hinkwaswo leswi tumbuluxiweke.