Yeremiya 9:8 - BIBELE Mahungu Lamanene

⁸ Tindzimi ta vona i miseve leyi dlayaka, va vulavula mavunwa. Un'wana ni un'wana ú tiendla munhu wo rhula loko a vulavula, kambe embilwini ú luka mano yo dlaya muakelani.

Xitsonga (Bibele)

⁸ Tindzimi ta vona i miseve leyi dlayaka, va vulavula vunwa; hi milomu ya yena un'wana u byela warikwavo ku rhula, kambe exifuveni xa yena a n'wi rhiya hi xirimbana.

Yeremiya 9:8 Referans Kwoze

Pisalema 28:3

U nga tshuki u ndzi katsa ni lavo homboloka, ndzi vula vona lava endlaka leswo biha: Va tiendla vanhu vanene loko va vulavula ni vaakelani, kasi timbilu ta vona ti tele vukanganyisi.

Yeremiya 9:3

Ririmi ra vona ri fana ni vurha lebyi kongiweke, etikweni ku tele vukanganyisi, vanhu va tsakela byona ku tlula ntiyiso. HOSI Xikwembu xi ri: “Vanhu va mina va tlhandleka leswo biha ehenhla ka leswo biha, ni ku ndzi tiva a va ha ndzi tivi!”

Pisalema 120:3

Wena mukanganyisi, xana Xikwembu xi ta ku endla yini, nakona xi ta ku ba ha yini xana?

Pisalema 57:4

Ndzi etlela exikarhi ka tinghala, va nga vanhu lava mitetelaka van'wana; milomo ya vona i matlhari ni miseve, marito ya vona ma kariha onge i mikwana leyi lotiweke.

Pisalema 55:21

Marito ya yena a ma tsokombela wonge i vulombe, kambe a a ehleketa ntsena ku pfuxa tinyimpi; ku vulavula ka yena a ku rhetela kukota mafurha, kambe embilwini a a hlome matlhari.

Pisalema 12:2

Hinkwavo ka vona, va byelana mavunwa; va kanganyisa hi ku vulavula swo tsakisa, kasi i vanhu va milomo mimbirhi.

2 SAMIELE 3:27

Kuteloko Abinere a fikile eHebroni, Yowabu a n'wi kokela etlhelo kusuhi ni nyangwa ya muti, wonge hi loko a lava ku vulavula na yena exihundleni, kutani a n'wi tlhava khwiri a fa. Yowabu a a rihisela swa ku dlawa ka Asahele makwavo.

Yeremiya 9:5

Un'wana ni un'wana ú xisa munhu-kulobye, ku hava la vulavulaka ntiyiso, va titolovete ngopfu ku hembelana ni ku endla leswo homboloka; a va ha koti ku hundzuka.

Yeremiya 5:26

“Lavo homboloka va kona exikarhi ka vanhu va mina; un'wana ni un'wana ú le ku ongeni ku fana ni loyi a rhiyaka tinyanyana. Va le ku rhiyeni ka mintlhamu, va phasa vanhu ha yona.

Pisalema 64:8

Va ta tiphasa hi ku vulavula ka vona, kutani vanhu lava va nga ta va vona, va ta hlakahla tinhloko;

Pisalema 35:20

Leswi va swi vulaka a swi rhulisi mbilu, va vulavula ntsena makungu ya ku kanganyisa vanhu lavo rhula etikweni.

Swivuriso 25:18

Munhu loyi a lumbetaka muakelani hi vumbhoni byo hemba, wa dlaya ku fana ni xigiya, kumbe fumu, kumbe nseve wo tontswa.

Yeremiya 9:4

“Tivoneleni hinkwenu eka vaakelani va n'wina, mi nga tshembani hambi mi ri vamakwavo, hikuva un'wana ni un'wana i mukanganyisi eka makwavo wa yena, hinkwavo va le ku lumbetaneni.

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Pisalema 12:3

We HOSI, va tseme milomo vakanganyisi lava hinkwavo, vona lava tikukumuxaka ngopfu,

Pisalema 62:5

Moya wa mina wu kuma ku wisa eka Xikwembu ntsena, hikuva xi ndzi nyika ku tshemba.

Yeremiya 5:9

Hikokwalaho mina HOSI ndzi ri: Vanhu lava ndzi ta va ba hakunene, rixaka lero tano, ndzi ta tirihisela eka rona!