Yeremiya 9:7 - BIBELE Mahungu Lamanene

⁷ Hikokwalaho HOSI ya matimba hinkwawo yi vurisa sweswo yi ri: “Ndzi ta kambela vanhu va mina ndzi va basisa hi ndzilo, hikuva ku hava swin'wana leswi ndzi nga va endlaka swona.

Xitsonga (Bibele)

⁷ Hikwalaho, Yehovha wa tinyimpi u vula, a ku: “Ndzi ta va n'okisa, ndzi va ringa, hikuva ndzi nga endlisa ku yini eka n'wana wa tiko ranga xana?

Yeremiya 9:7 Referans Kwoze

Esaya 1:25

Ndzi ta mi hundzukela, ndzi mi ba, ndzi mi basisa ku fana ni loko va basisa silivhere hi ndzilo, thyaka leri mi nga na rona, ndzi ta ri susa hinkwaro.

Malakiya 3:3

Ú ta tshama hansi, kukota munhu loyi a n'okisaka ni ku basisa nsuku ni silivhere: Ú ta basisa va ka Levhi, a va endla lava tengeke, leswaku va humesela HOSI Xikwembu magandzelo lama amukelekaka.

Yeremiya 6:27

HOSI Xikwembu xi ku ka Yeremiya: “Ndzi ku hlawurile leswaku u kambela vanhu va mina; u nga chavi nchumu: Kambela mahanyelo ya vona u ma tiva!

Esaya 48:10

Vonani, ndzi mi kamberile hi ku mi hoxa endzilweni wa maxangu, ku fana ni loko va basisa silivhere hi ku yi n'okisa, kambe ndzi kuma leswaku a mi basanga.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

1 Petro 4:12

Varhandziwa, mi nga hlamaleni loko mi wela hi miringo leyi pfurhaka ku fana ni ndzilo ku ta ringa ku tiya ka n'wina, onge hi loko mi humeleriwa hi swin'wana leswi nga riki swona.

1 Petro 1:7

Miringo leyi yi endla leswaku ku pfumela ka n'wina, loku tlulaka nsuku hi nkoka, ku vonaka ku tiyile. Nsuku, hambileswi wu ringetiwaka hi ndzilo, wa onhaka; kambe ku pfumela ka n'wina, loko ku tiyile, ku ta mi tisela ku dzunisiwa ni ku twarisiwa ni ku fundzhiwa, siku Yesu Kriste a humelelaka.

Yeremiya 31:20

HOSI Xikwembu xi ri: “N'wina va ka Efrayimi, mi vana va mina lava rhandzekaka, lava ndzi va tsakelaka swinene. Hambiloko ndzi mi tshinya minkarhi hinkwayo, a mi suki emiehleketweni ya mina; hikokwalaho, leswi ndzi mi rhandzaka swinene, ndzi ta mi twela vusiwana hakunene!”

2 TIKRONIKA 36:15

Minkarhi hinkwayo, HOSI Xikwembu xa vatata wa vona xi va rhumerile malandza ya xona ku va tsundzuxa, hikuva a xi rhandza vanhu va xona ni yindlu ya xona.

2 SAMIELE 13:26

Abixalomu a ku: “Leswi wena u tsandzekaka, ndzi kombela leswaku makwerhu Aminoni a famba na hina.” Hosi yi n'wi hlamula yi ku: “Xana mi n'wi lavela yini Aminoni leswaku a famba na n'wina xana?”

Pisalema 55:22

Andlala timhaka ta wena emahlweni ka HOSI Xikwembu, kutani xona xi ta ku seketela; xi nga ka xi nga pfumeli leswaku lowo lulama a tsekatsekisiwa, ni siku ni rin'we.

Pisalema 62:5

Moya wa mina wu kuma ku wisa eka Xikwembu ntsena, hikuva xi ndzi nyika ku tshemba.

Pisalema 120:4

Xi ta ku tlhava hi miseve leyo tontswa ya nyimpi, leyi nga ni makala lama vuvumelaka.

Esaya 59:3

Mavoko ya n'wina ni tintiho ta n'wina swi lo pyì, hi ngati ni leswo homboloka; loko mi pfula nomo mi vulavula, ku huma vuxisi ni ku kanganyisa ntsena.

Yeremiya 5:1

HOSI Xikwembu xi ri: “Rhendzelekani hi magondzo ya Yerusalema, mi xiyaxiya leswi humelelaka. Lavisisani etimbaleni ta muti, kutani loko mi nga tshuka mi kuma munhu la tsakelaka ntiyiso ni ku endla leswi lulameke, mina ndzi ta rivalela Yerusalema.

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.