Yeremiya 9:5 - BIBELE Mahungu Lamanene

⁵ Un'wana ni un'wana ú xisa munhu-kulobye, ku hava la vulavulaka ntiyiso, va titolovete ngopfu ku hembelana ni ku endla leswo homboloka; a va ha koti ku hundzuka.

Xitsonga (Bibele)

⁵ Un'wana ni un'wana u kanganyisa xaka ra yena, kutani a va vulavuri leswi tiyeke, va dyondzisile tindzimi ta vona ku hemba, va tikarhata eku hombolokeni.

Yeremiya 9:5 Referans Kwoze

Habakuku 2:13

Yingisa! Vanhu va matiko va tikarhatela leswi nga ta tshwa ntsena, kutani vaaki va wona va tirhela mahala. Xana mhaka leyi a yi humi eka HOSI ya matimba hinkwawo xana?

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Esaya 57:10

Mi fambile mi kondza mi karhala, kambe a mi kalanga mi ku: ‘Leswi a swi hi pfuni nchumu!’ Mi wisile, kutani mi tlhela mi kuma matimba yo ya emahlweni mi dyoha.

Ntirho 15:5

Swidyoho swa wena swi ku nyika marito, u hlawula mavulavulele ya vakanganyisi.

1 Timotiya 4:2

ni hikokwalaho ka ku xiseteriwa hi vahembi lava mapfalo ya vona ma tlanyaleke.

Vaefesa 4:25

Hikokwalaho ke, tshikani vunwa; un'wana ni un'wana a a vule ntiyiso eka munhu-kulobye, hikuva hinkwerhu hi swirho swa miri wun'we.

Mikiya 6:3

HOSI Xikwembu xi ri: “N'wina vanhu va mina, xana ndzi mi dyohele yini, xana ndzi tshama ndzi mi tikisela vutomi xana? Ndzi hlamuleni!

Ezekiele 24:12

Kambe sweswo i ku tikarhatela mahala, hikuva thyaka ra kona a ri nga suki hambi ri hisiwa hi ndzilo.

Yeremiya 9:8

Tindzimi ta vona i miseve leyi dlayaka, va vulavula mavunwa. Un'wana ni un'wana ú tiendla munhu wo rhula loko a vulavula, kambe embilwini ú luka mano yo dlaya muakelani.

Yeremiya 9:3

Ririmi ra vona ri fana ni vurha lebyi kongiweke, etikweni ku tele vukanganyisi, vanhu va tsakela byona ku tlula ntiyiso. HOSI Xikwembu xi ri: “Vanhu va mina va tlhandleka leswo biha ehenhla ka leswo biha, ni ku ndzi tiva a va ha ndzi tivi!”

Esaya 5:18

Va ni khombo vanhu lava rhambaka vubihi va byi koka hi tintambhu, vona lava kokaka vudyoho ku fana ni loko va koka golonyi hi tinghole,

Swivuriso 4:16

Lavo homboloka a va etleli loko va nga si endla swo biha, loko va nga si vavisa munhu, vurhongo a byi ti.

Pisalema 140:3

Marito ya vona ma tlhava kukota meno ya nyoka, ku vulavula ka vona ka dlaya ku fana ni vuxungu bya mhiri.

Pisalema 64:3

hikuva ku vulavula ka vona ka tlhava kukota tlhari leri lotiweke, marito ya vona ma dlaya, onge i miseve leyi nga ni vuxungu.

Pisalema 50:19

“Milomo ya n'wina, mi yi tirhisa ku vulavula leswo homboloka, tindzimi ta n'wina ti tele vukanganyisi.

Pisalema 7:14

Hi luya lowo homboloka, u ehleketa ku dyoha, manyala u lo hliki, hi wona, u humesa mavunwa ntsena.

Ntirho 11:3

Ku phyaphyarha ka wena ku nga miyeta vanhu ke? Loko u sola Xikwembu, a wu nga tshinyiwi xana?

Genesa 19:11

Kavaloko va endla leswaku vavanuna lava a va ri enyangweni hinkwavo, lavakulu ni lavatsongo, va biwa hi riphume, kutani va gugurhuteka va lava nyangwa va kondza va karhala.

Pisalema 52:3

U rhandza ngopfu leswo biha ku tlula leswinene, ku vulavula mavunwa u swi tsakela ku tlula ntiyiso.

Yeremiya 7:28

Va tivise u ku: ‘Mi rixaka leri alaka ku yingisa HOSI Xikwembu xa rona, leri nga pfumeliki ku tshinyiwa. Ntiyiso wu file, a wa ha twali exikarhi ka n'wina.

Yeremiya 12:6

Ndzi vula hikuva lava va ku kanganyisaka i vamakwenu, i vanhu va ka n'wina, hi vona va ku salaka endzhaku. Hambiloko va ku tsakisa hi marito, u nga tshuki u va tshemba!”

Yeremiya 12:13

Vaisraele va byarile mavele, kambe va tshovele mitwa, va tikarhatile, kambe a swi va pfunanga nchumu: Leswi va swi tshoveleke a swi nyawuli, hikuva HOSI Xikwembu xi swi hisile hinkwaswo hi vukari bya xona.

Yeremiya 13:23

HOSI Xikwembu xi ri: “Xana munhu wa le Etiyopiya a nga ncinca nhlonge ya yena ke, kumbe yingwe yi nga hundzula mavala ya yona xana? E-e! Na wena u toloveleke ku endla leswo biha, u nge pfuki u endlile leswinene.

Yeremiya 51:58

Rirhangu lero anama ra muti wa Babilona ri ta mbundzumuxeriwa makumu, ni tinyangwa ta wona leti tlakukeke, ti ta tshwa ti hela. Vamatiko va ta va va tirhele mahala, va tikarhatela ntsena leswi tshweke! Ndzi vula sweswo, mina HOSI ya matimba hinkwawo.”

Yeremiya 51:64

kutani u ta ku: ‘Muti wa Babilona wu ta mbombomerisa sweswo, a wu nga ha tlheli wu vonaka, hikuva HOSI Xikwembu xi ta va xi wu vangerile maxangu, [kutani vamatiko va ta va va tikarhetele mahala!’ ”] Marito ya Yeremiya ma hela kwala.

Malakiya 2:10

Xana tata wa hina hinkwerhu a hi un'we ke? Xana a hi vumbiwanga hi Xikwembu xin'we xana? Hikwalaho ka yini hi kanganyisana, kutani hi onha ntwanano wa vatata wa hina xana?

Vaavanyisi 2:10

Loko vanhu hinkwavo va hundzile emisaveni va landza vatata wa vona, ku humelela van'wana lava nga tivangiki HOSI Xikwembu hambi yi ri mintirho ya xona leyi xi yi endleleke Vaisraele.

Swivuriso 12:5

Makungu ya vanhu lavo lulama i manene, kasi switsundzuxo swa lavo homboloka swa kanganyisa.

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”