Yeremiya 9:16 - BIBELE Mahungu Lamanene

¹⁶ Ndzi ta va hangalasa exikarhi ka vanhu lava va nga va tiviki, lava ni vatata wa vona va nga va tivangiki. Ndzi ta va heta hi tlhari va ku bì!”

Xitsonga (Bibele)

¹⁶ Kutani ndzi ta va hangalasa ematikweni lama nga tiviwiki hi vona, ni loko va ri vatata wa vona; kutani ndzi ta rhuma fumu endzhaku ka vona, ndzi ko ndzi va heta.”

Yeremiya 9:16 Referans Kwoze

Ezekiele 5:12

Ndzi ta mi avanyisa hi mintlawa minharhu: Vanhu va ntlawa wo sungula va ta fa hi mintungu, va dlayiwa hi tindlala exikarhi ka n'wina. Va ntlawa wa vumbirhi va ta dlayiwa etinyimpini loko valala va hlasela muti wa n'wina. Kutani va ntlawa wo hetelela, ndzi ta va hangalasa va ya ematlhelweni hinkwawo ya misava, kutani ndzi ta hlomula fumu ra mina ndzi va hlongorisa.

Ezekiele 5:2

Xiputsa lexo rhanga, u ta xi hisa exikarhi ka muti, loko valala va ta va va sukile va nga ha wu rhendzeli; xiputsa xa vumbirhi, u ta xi tsemelela hi banga u ri karhi u famba-famba ehandle ka muti; xiputsa lexo hetelela, u ta xi tshika xi haha emoyeni, kutani mina ndzi ta hlomula fumu ra mina ndzi xi sala ndzhaku.

Duteronoma 28:64

HOSI Xikwembu xi ta mi hangalasa ni matiko lama nga matlhelo hinkwawo ya misava. Loko mi ri kwale, mi ta tirhela swikwembu swin'wana leswi endliweke hi timhandze ni maribye, leswi mi nga swi tiviki, hambi vatata wa n'wina va nga swi tivangiki.

Levhitika 26:33

Ndzi ta mi vangela tinyimpi, ndzi mi hangalasa mi ya tshama exikarhi ka vamatiko. Etikweni ra n'wina ku ta sala ku nga ha ri na munhu, miti ya n'wina yi ta hundzuka marhumbi.

Yeremiya 44:27

Vanhu lava, ndzi ta hatla ndzi va vangela makhombo, ematshan'wini ya ku va katekisa. Vavanuna hinkwavo va ka Yuda lava nga tikweni ra Egipta, va ta dlawa hi matlhari ni tindlala va kondza va hela.

Yeremiya 13:24

Ndzi ta ku hahisa ku fana ni mungu loko ku hunga moya wa le mananga.

Yakobo 1:1

Mina Yakobo, nandza wa Xikwembu ni wa Hosi Yesu Kriste, ndzi tsalela tinyimba ta 12, va nga vakriste lava hangalakeke hinkwako ematikweni, ndzi ri: Xewani!

Zakariya 7:14

Kutani ndzi va hangalasele etinxakeni hinkwato leti a va nga ti tivi, kutani tiko leri ro saseka, leri va ri sukeleke, ri sala ri ri rhumbi, ku pfumaleka na munhu loyi a nga famba-fambaka eka rona.”

Ezekiele 20:23

Hambiswiritano ndzi vulavurile na Vaisraele loko va ha ri emananga, ndzi tiboha hi ku hlambanya ku va hangalasa va ya ematikweni hinkwawo ya misava,

Ezekiele 14:17

Loko ndzi nga vanga tinyimpi ti hlasela tiko rero, ku dlayiwa vanhu ni swifuwo ematlhelweni hinkwawo ya rona,

Ezekiele 12:15

Vanhu lava va ta tiva leswaku HOSI Xikwembu hi mina, hikuva ndzi ta va ndzi va hangalasile va ya ematikweni, va ya tshama etindhawini to hambana-hambana.

Ezekiele 11:17

Naswona, va byele leswaku mina HOSI N'wini wa vona ndzi ta tlhela ndzi va hlengeleta, ndzi va humesa ematikweni lawa va hangalasiweke va ya eka wona; ndzi ta tlhela ndzi va nyika tiko ra vona ra Israele.

Yeremiya 29:17

Ehenhla ka vanhu lava, HOSI ya matimba hinkwawo yi vurisa sweswo yi ri: ‘Ndzi ta va rhumela tinyimpi ni tindlala ni mintungu; ndzi ta va cukumeta ku fana ni makuwa lama boleke, lama nga dyiwiki hi munhu.

Yeremiya 25:27

HOSI Xikwembu xi engeta xi vulavula na mina xi ku: “Byela vanhu va matiko lawa leswaku mina HOSI ya matimba hinkwawo Xikwembu xa Israele, ndzi ri: ‘Nwanani, mi pyopyiwa mi tlhela mi hlanta, mi wa mi nga ha pfuki, hikuva ndzi ta vanga tinyimpi exikarhi ka n'wina!’

Yeremiya 24:10

Ndzi ta va vangela tinyimpi ni tindlala ni mintungu va kondza va hela hinkwavo, ku nga sali na un'we etikweni leri ndzi ri nyikeke vona ni vatata wa vona.”

Pisalema 106:27

xi nyiketa ni vana va vona emavokweni ya vanhu vambe, va hangalasiwa ematikweni.

Nehemiya 1:8

Tsundzuka marito lawa u ma leriseke nandza wa wena Muxe, u ku: ‘Loko mo ka mi nga tshembeki, ndzi ta mi hangalasa mi ya tshama exikarhi ka vamatiko,

Duteronoma 32:26

“ ‘A ndzi ri ni makungu ya ku va herisa, ku nga sali na un'we loyi vanhu va nga ta va tsundzuka ha yena;

Duteronoma 28:36

“HOSI Xikwembu xi ta mi rhurhisa, swin'we ni hosi leyi mi nga ta va mi yi vekile leswaku yi mi fuma, xi mi yisa exikarhi ka vanhu lava mi nga va tiviki, lava na vatata wa n'wina va nga va tivangiki. Kutani kona mi ta tirhela swikwembu swin'wana leswi endliweke hi timhandze ni maribye.

Duteronoma 28:25

“HOSI Xikwembu xi ta mi nyiketa emavokweni ya valala va n'wina va mi hlula. Mi ta va yela mi xaxamerile, kambe mi ta tlhela hi ku tsutsuma mi hangalaka mi ku bàmfée! Khombo leri ri nga ta mi wela ri ta chavisa vanhu va matiko hinkwawo emisaveni.

Duteronoma 4:27

HOSI Xikwembu xi ta mi hangalasa ni matiko, kutani exikarhi ka tinxaka hinkwato leti xi nga ta mi yisa eka tona, mi ta va mi nga talanga.

Yeremiya 8:19

Yingisani, vanhu va ka hina va le ku huweleleni ematlhelweni hinkwawo ya tiko, va ri: “Xana HOSI Xikwembu a xa ha kumeki emutini wa Siyoni ke? A xa ha fumi kona xana?” Xona xi hlamula xi ku: “Mi ndzi hlundzukisela yini hi swikwembu swa n'wina swa swifaniso, leswi humaka eka vanhu vambe, xana?”

Eklesiasta 12:5

Ú ta chava ku khandziya ntshava, a chava ni ku khoma ndlela. Murhi wa alimondi wa ha ta hluka, njiya ya ha ta thamuka yi xurhile, tindzhoho ta kaperi ta ha ta vupfa ti baleka, kambe munhu yena, ú tiyela lomu ku nga ha vuyiwiki; lava nga ta n'wi rila, va sungurile ku rhendzeleka emutini.

Yeremiya 7:29

“ ‘Byewulani misisi mi yi cukumeta kule, tlhavani mukhosi mi rila mi ri eswitsungeni, hikuva HOSI Xikwembu xi tshikile rixaka leri, eku hlundzukeni ka xona lokukulu, xi ri fularherile.’ ”

Ezekiele 27:2

“Wena munhu, suma risimu ra xirilo, u rila Tiri,

Amosi 5:16

Hikokwalaho HOSI Xikwembu xa matimba hinkwawo, N'wini wa n'wina, ú vurisa sweswo ú ri: “Etimbaleni ta miti hinkwayo ku ta va ni swirilo, etindleleni hinkwato va ta ku: ‘Yo! Yo!’ Lava tirhaka emasin'wini, va ta vitaniwa ku ta rila nkosi, ni lava tivaka tinsimu ta mahlomulo, va ta rhambiwa enkosini wa kona;

Mikiya 2:4

Loko nkarhi wu ta fika, va ta yimbelela risimu va mi hlekula ha rona, va rila swinene va ku: ‘Hakunene, hi cheriwe vusiwana, HOSI Xikwembu xi tekile ndzhaka ya vanhu va ka hina, xi yi phakela lava va hi yisaka evukhumbini! Xana hi tekeriwe yini ndzhaka ya hina xana?’