Yeremiya 9:10 - BIBELE Mahungu Lamanene

¹⁰ Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Xitsonga (Bibele)

¹⁰ Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

Yeremiya 9:10 Referans Kwoze

Yeremiya 12:4

Xana tiko ri ta fa hi dyandza ku fikela rini, hinkwaswo leswi milaka emasin'wini, swi ta wisa rini ku tshwa hi dyambu ke? Vubihi bya vaaki va tiko, hi byona byi ri dlayisaka, byi herisa swifuwo ni tinyanyana, hikuva va ri: “Yeremiya a nge hi tluli hi malembe ya yena ya ku hanya!”

Hosiya 4:3

Hikokwalaho, tiko ra rila, vaaki va rona hinkwavo va hela ntamu; swiharhi swa nhova ni tinyanyana swi tsanile, hambi ti ri tinhlampfi ta lwandle ta nyamalala.

Ezekiele 33:28

Tiko ra Israele, ndzi ta ri hundzula mananga layo chavisa. Matimba lawa ri tidzunisaka ha wona ma ta hela; tintshava ti ta tlhuma, ku pfumaleka ni munhu loyi a nga chochovelaka, a hundza hi le xikarhi ka tona.

Ezekiele 29:11

A ku nga ha tsemakanyi munhu kumbe xifuwo etikweni leri, naswona a ku nga ha tshami munhu eka rona malembe lama ringanaka 40.

Ezekiele 14:15

Loko ndzi byisa swiharhi swa nhova swi hundza hi le tikweni ra kona swi ri onha, ri hundzuka mananga, ku nga ha tshami munhu eka rona,

Yeremiya 12:10

Varhangeri va matiko va onhile nsimu ya mina ya vhinya, va kandziyerile tiko ra mina; a ri sasekile swinene, kambe va ri hundzule mananga.

Yeremiya 7:29

“ ‘Byewulani misisi mi yi cukumeta kule, tlhavani mukhosi mi rila mi ri eswitsungeni, hikuva HOSI Xikwembu xi tshikile rixaka leri, eku hlundzukeni ka xona lokukulu, xi ri fularherile.’ ”

Swirilo 2:11

Mahlo ya mina ma fehla hi ku rila, moya wa mina wu le ku karhatekeni; ndzi hele ntamu hi ku vaviseka, hikwalaho ka ku lovisiwa ka muti wa hina, ni hikwalaho ka tinsana ni tindzumulo leti faka hi ndlala ni torha emagondzweni ya muti.

Swirilo 1:16

“Timhaka leti ti ndzi vavisa mbilu, mahlo ya mina ma xiririka mihloti, hikuva loyi a ndzi tiyisaka, loyi a a ta ndzi nyika matimba, ú le kule na mina. Vana va mina va le ku vavisekeni, hikuva nala ú ndzi hlurile.”

Yeremiya 23:10

hikuva tiko hinkwaro ri tele hi vaoswi, lava tsutsumelaka ku endla leswo biha; eku dyoheni, hi vona va nga tinhenha! Hikwalaho ka ndzhukano wa kona, tiko ra onhaka; enhoveni, madyelo ya swifuwo a ma ha ri na byanyi.

Yeremiya 14:6

Timangwa ta nhova ti yima eswitsungeni leswi omeke, ti nun'hwetela moya kukota timhungubye, mahlo ya tona ma fa, hikuva a ta ha kumi swakudya swa rihlaza.”

Yeremiya 8:18

Gome leri ri ndzi khomeke a ri heli, mbilu ya mina yi vava ngopfu.

Yeremiya 2:6

A va vutisanga va ku: ‘Xana HOSI Xikwembu xi kwihi, xona lexi xi hi humeseke etikweni ra Egipta, xana?’ Kasi hi mina ndzi mi fambiseke emananga, etikweni ra sava ni magova, etikweni leri omeke ra xinyami xo chavisa; hi mina ndzi mi fambiseke laha ku nga hundziki munhu, laha ku nga tshamiki munhu na un'we!

Esaya 49:19

“Loko ri ri tiko ra wena leri hundzuriweke rhumbi, ni tindhawu ta wena leti hlaseriweke ti sala ti nga ri na nchumu, swi ta va swi nga ringananga ku tshamisa vanhu va wena lava vuyaka, vanhu lava a va ku hlurile, vona va ta va va ri kule swinene.

Esaya 41:15

Vonani, ndzi ta mi endla xileyi lexintshwa xo hula ha xona, lexi nga ni meno layo tontswa; mi ta hula tintshava mi ti cakanyetela, swintshabyana, mi ta swi siya swi fana ni mungu;

Yeremiya 50:3

Ku ni vanhu lava humaka en'walungwini, va tela ku ta hlasela tiko ra Babilona va ri hundzula mananga. A ku nga ha tshami munhu eka rona, vaaki va rona va ta tsutsuma ni swifuwo swa vona.’ ”

Ezekiele 27:2

“Wena munhu, suma risimu ra xirilo, u rila Tiri,

Yuwele 1:13

N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Yuwele 1:19

We Hosi, ndzi huwelela eka wena, hikuva ndzilo wu herisile madyelo ya swifuwo, malangavi ma hisile mirhi hinkwayo enhoveni.

Amosi 5:1

N'wina Vaisraele, yingisani risimu leri ndzi ri sumaka ra ku mi rila:

Amosi 5:16

Hikokwalaho HOSI Xikwembu xa matimba hinkwawo, N'wini wa n'wina, ú vurisa sweswo ú ri: “Etimbaleni ta miti hinkwayo ku ta va ni swirilo, etindleleni hinkwato va ta ku: ‘Yo! Yo!’ Lava tirhaka emasin'wini, va ta vitaniwa ku ta rila nkosi, ni lava tivaka tinsimu ta mahlomulo, va ta rhambiwa enkosini wa kona;

Mikiya 2:4

Loko nkarhi wu ta fika, va ta yimbelela risimu va mi hlekula ha rona, va rila swinene va ku: ‘Hakunene, hi cheriwe vusiwana, HOSI Xikwembu xi tekile ndzhaka ya vanhu va ka hina, xi yi phakela lava va hi yisaka evukhumbini! Xana hi tekeriwe yini ndzhaka ya hina xana?’

Yeremiya 2:15

Va bonga kukota tinghala, va lwa na yena va ri karhi va ba huwa; tiko ra yena va ri onhetele ngopfu, miti ya yena yi hundzuke marhumbi, a ka ha tshami munhu eka yona.

Yeremiya 12:11

Eku onhakeni ka rona, ri rila eka mina; ri onhakile hinkwaro, kambe a ku na munhu loyi a twaka ku vava ha swona.”

Swirilo 5:18

Hi rilela ntshava ya Siyoni leyi onhiweke, laha timhungubye namuntlha ti rhendzelekaka kona.

Ezekiele 6:6

Tivani leswaku hambi mi nga tshama kwihi na kwihi, miti ya n'wina yi ta hlaseriwa; switsunga swa vukhongeri bya hava ni tialitari ta kona swi ta hirimuxiwa swi hundzuka marhumbi; swikwembu swa swifaniso swi ta fayiwa, ku herisiwa ni tialitari ta mirhi ya risuna, kutani ntirho wa mavoko ya n'wina wu ta hela.

Mikiya 3:12

Kasi, hikwalaho ka vona, muti wa Siyoni wu ta rimiwa kukota nsimu. Yerusalema ú ta hundzuka rhumbi, exintshabyanini xa Tempele, ku ta va swihlahla ntsena.